O Camiño Natural da Ruta do Cantábrico é unha iniciativa que emprendeu no ano 1993 o governo dentro do programa "Caminos Naturales", ao longo de toda España.
O Camiño Natural da Ruta do Cantábrico, ten máis de 150 kilómetros. O seu percorrido permite visitar vilas mariñeiras como Ribadeo, Foz, Burela...e desfrutar de tódalas praias bañadas polo mar Cantábrico. Empeza en Ribadeo en remata en Ortigueira.
Está dividido oficialmente en 7 etapas de bastantes km. Nós decidimos ir aos poucos e imos realizando tramos como nos parece.
Empezamos en Ribadeo e podedes ver os tramos realizados aquÍ:
Rutas de sendeirismo: RUTA RIBADEO- RINLO POLO CAMIÑO NATURAL DA RUTA DO CANTÁBRICO
Rutas de sendeirismo: RUTA RINLO- REINANTE POLA RUTA NATURAL DO CANTÁBRICO
Rutas de sendeirismo: RUTA NATURAL DO CANTÁBRICO: Praia de Arealonga - praia de Anguieira(Barreiros)
Hoxe, fixen o seguinte tramo : Praia de Anguieira(Barreiros) - Foz e teño que dicir que para mín é o máis fermoso ata agora. Parte dunha praia (Anguieira) na ría entre Foz e Barreiros , unha praia mansa, que inspira paz....e cunha preciosas vistas sobre a vila de Foz que ten en frente.
Vai dando este percorrido á volta a Ría, atravesando tamén un monte onde está a "Lagoa dos patos". Logo métese xa no concello de Foz pasando pola Ponte da Espiñeira, Mañente...para rematar nun fermoso paseo outra vez ao lado da ría, que desemboca no famoso e precioso Paseo de Malates.
Características da ruta:
Lonxitude: 13,3 km
Dificultade: fácil
Ruta lineal ben sinalizada
No tramo de hoxe destaco a fermosura da praia de Anguieira, o entorno da Lagoa dos Patos, as vistas dende Mañente e a Ría de Foz co Paseo de Malates
Descripción da ruta:
Partimos da praia de Anguieira en Barreiros pero ubicada na ría que forma o río Masma na súa desembocadura.. É unha praia de augas tranquilas como todas as das rías e con area e pedras. Normalmente está bastante concurrida en verán. Esta praia dispón dunha rampa para botar embarcacións en marea chea.
A praia de Anguieira xunto coa de S. Bartolo e a de Altar atópanse dentro da ZEPA (Zona Especial de Protección para as Aves) Ría de Foz- Masma.
Esta praia e polo tanto o comenzo desta ruta, vese AQUÍ
Praia de Anguieira e Foz ao fondo:
Estes son os sinais que atoparemos do Camiño Natural do Cantábrico:
A praia de Anguieira polo outro lado:
Imos por asfalto durante 1km. aprox.
Á nosa dereita imos vendo a ría e Foz
Deseguida nos metemos por un camiño:
Hai moitos sendeiriños que te achegan ao pé mesmo da ría se queres:
Onde temos estampas bucólicas:
Seguimos polo fermoso camiño:
Ata desembocar nunha estrada local onde se pode apreciar o diferente verde do eucalipto con outras árbores.
Nesta estrada, pola que andaremos aprox. 500m podemos achegarnos tamén á ría que vai case pegada:
Un banco moi rústico contempla a ría:
Seguimos a estrada onde vemos un salgueiro enormeee!! Auga non lle falta xa que á dereita mesmo está a ría.As vistas son espectaculares: Chegamos ás Cabanas da Barcela
"Para aquellos que buscan paz y tranquilidad Cabanas da Barcela es el lugar perfecto. Situadas en San Cosme de Barreiros sobre una finca de 8.000 metros cuadrados de césped y unas espectaculares vistas sobre la ría de Foz."
Dende aquí atravesaremos un monte que esconde un segredo...
A Lagoa dos Patos:
Eu é a 3ª vez que paso por aquí pero patos nunca vin:
Pero dá igual porque a lagoa é marabillosa!!A Lagoa dos Patos está nun lugar sombrío e oscuro pero deseguida a paisaxe se abre e podemos ver xa a ría:
Outro banco rústico, este de canas de bambú!
Moi ben colocado para descansar contemplando a ría de Foz.
Atravesamos a ponte do tren:
E subimos moi lixeiramente por un monte de eucaliptos que recende moito a esta árbore:
Un precioso lugar entre árbores e con vistas á ría:
Desembocamos nunha estrada local entre árbores.
Que nos leva á Nacional 642 que percorre a costa Cantábrica. Camiñamos uns 50m á súa beira:
Para adentrarnos uns metros neste fermoso carreiro:
Que nos leva á Ponte da Espiñeira. Estamos cruzando para o concello de Foz. A Ría de Foz- Masma é unha fronteira natural entre os dous concellos:
Á nosa esquerda temos outra ponte: é a Ponte Vella da Espiñeira por onde ía antes a carretera vella:
Pola dereita, imos vendo a ría e pola esquerda imos pegados á estrada N- 642 durante uns 100m. aprox.
Deseguida torcemos á dereita por unha estrada local vendo sempre a Ría que nos deixa imaxes ben fermosas:
A Ruta do Camiño Natural do Cantábrico no alto de Mañente torce á esquerda como ben indican os carteis que tamén nos din que se queremos podemos ir ata a praia dos Fondás e eu...aló fun! (Son en total case 2 km. ida e volta)
Baixando para a praia de Fondás: (esta praia é moi coñecida e prezada nesta zona)
Praia dos Fondás, con Barreiros de frente:
Mirando á esquerda, temos Foz
Voltamos sobre os nosos pasos e cruzamos o Alto de Mañente (Barrio de Foz)
Empezamos a baixar cara a Foz e atopamos outra lagoa, esta moito máis pequeniña. É a Lagoa da Paz:
Baixamos por este camiño
Para deseguida chegar ao Paseo ao pé da Ría:
Nun breve momento abandonamos o paseo por entre as árbores, para chegar á antiga carretera que percorremos durante uns metros
Cruzamos o río Centiño que desemboca no Masma
É un río de cauce estreito pero que acostuma a levar bastante auga e acostuma a desbordarse se chove moito. Un río que conta con numerosos muíños á súa beira e moi abundante en pesca.
Estamos entrando no Paseo de Malates moi coñecido e frecuentado pola xente da zona , sobre todo da vila de Foz e do barrio de Mañente por quedarlle moi próximo.Achegámonos, fóra da ruta uns 10 m. para ver a fermosa Fonte de Vilaxoane cun entorno coidado con mimo polos veciños deste barrio de Foz
Continuamos polo Paseo de Malates
Para rematar cerca do Porto de Foz:
