MIRADOIRO DO CASTELO DE GOÍA (XERMADE)

 Cando fixemos a ruta do Batán de Folgoso no concello de Xermade , despois do xantar subimos ata o Miradoiro do Castelo de Goia.

A Serra da Carba e a Serra do Xistral configuran esta zona. Para entrar hai que atravesar un paso canadiense e a verdade é que está pouco sinalizado. Hai un sinal ao principio da subida e nada máis, pero é fácil, trátase de subir por unha estrada entre eucaliptos, cruzar o paso canadiense e seguir subindo un pouco máis. Ao rematar a estrada, aparece ante nós e de súpeto este fermoso lugar.

Temos que subir 132 escaleiras se queremos subir ao miradoiro. A pena tan grand eque vemos é chamada "O Peñote"

 Estamos nun fermoso día festivo (12 de outubro) pero non hai ninguén máis ca nós. Os 3 coches que se ven son os nosos.

Estamos a 876 m. de altitude e as vistas sobre as Serras do Xistral e da Carba son impresionantes!!

 

Non sei que función ten esta pequena casa en pedra e madeira. Está pechada e non hai ningunha información.

E se se sube, ás veces hai que baixar...

No lugar hai unha fermosa área recreativa onde, ademais das mesas e bancos que estamos acostumados a ver, hai outras mesas e bancos máis naturais formadas por pedras.

Tamén hai varias barbacoas e unha fonte nesta área recreativa.