Dende o Alto de Aristébano fixen unha ruta no ano 2024 que se pode ver aquí
Daquela, a ruta transcurría toda ela dentro do concello de Valdés. Hoxe partimos do mesmo lugar pero a ruta vai toda polo concello de Tineo e é que o Alto de Aristébano fai de fronteira entre os dous concellos.
Características desta ruta:
Lonxitude: 7,2 km.
Dificultade: fácil
Ruta circular planificada por min. O track en WIKILOC
Descripción:
O Alto de Aristébano é o lugar que fai de límite entre os concellos de Valdés e Tineo, está a 535m. de altitude; aí hai un bar cunha explanada diante para aparcar.
 |
| Alto de Aristébano |
Pillamos a estrada cara a Brañaescardén, xusto enfrente do bar.
 |
| Estrada a Brañaescardén |
No 2023, toda esta zona asturiana sufreu tremendos incendios e aínda notamos as consecuencias nas árbores.
 |
| Os restos de incendios do 2023 |
Moitas pistas para sacar madeira, ou ben cortalumes. No medio, o val do río Nera.
Mirando cara atrás, aló enriba, blanca, minúscula, a Capela da Divina Pastora onde cada ano se celebran no mes de xullo as vodas vaqueiras.
É unha das festas máis étnicas e orixinais de Asturias, sendo un homenaxe aos vaqueiros de alzada (pastores trashumantes que pasaban o verán nas brañas co gando e no inverno baixaban as aldeas co gando e os enseres) e celebrándose unha voda real ao estilo vaqueiro.
Ao redor da capela danse cita os noivos, familiares, vaqueiros e turistas. Hai que mencionar a comitiva vaqueira que é espectacular, a comida campestre, o concurso de coros e danzas...
 |
| Ao fondo, Aristébano |
Nós seguimos comodamente pola estrada e deseguida imos atopar unha bifurcación. Moitos montañeiros e sendeiristas siguen a pista á dereita para subir aos picos Estoupo, Peña Prieta... Nós imos á dereita , a Brañaescardén; hoxe tampuco sería o día axeitado para subir porque amenaza a néboa.
Vistas a Brañaescardén por onde pasaremos deseguida. Esta aldea pertence á parroquia de Naraval, concello de Tineo.
 |
| Brañaescardén |
Imaxinamos o difícil que é traballar aquí, nestes prados, con tanta pendente! |
| Brañaescardén |
Aí embaixo, entre as dúas ladeiras, o río Nera.
Vemos casiñas pequenas illadas, de pedra, que foron o refuxio de antigos vaqueiros porque non hai que esquencer que estamos nunha das brañas máis representativas desta cultura. O nome desta aldea así nolo lembra tamén. |
| Brañaescardén |
Dende Brañaescardén metémonos por carreiros e camiños para chegar a Nera.
 |
| Camiño en Brañaescardén |
Abandonando Escardén.Pillamos este camiño tradicional pensando que a ver como estará máis adiante...se poderemos pasar ou teremos que dar volta...
O camiño está o suficientemente acondicionado para pasar, nótase que non é moi pisado. Só o deben facer os gandeiros que levan as vacas ou cabalos a pastar por alí.
Á dereita vemos a aldea de Businán que ao igual que Brañaescardén pertence tamén á parroquia de Naraval.
 |
| Businán, aló enriba |
Atravesamos unha carballeira.
Tamén cruzamos o río Naraval. Este río desemboca no Esva e nace na Serra da Bobia. Ao longo do seu percorrido de máis de 10km. ofrece distintos hábitats para a flora e a fauna e unhas exuberantes paisaxes verdes de gran fermosura natural.
 |
| Río Naraval |
O camiño que traemos vai sair á unha estrada local moi cerca xa de Nera.
Vemos as casiñas que aínda se conservan nas brañas.
Volvemos atravesar o río Naraval, xa chegando a Nera.
Nera é unha casaría con 5 vivendas que pertence tamén a Naraval.  |
| Nera |
(do blog https://juanjocaminoalandar.blogspot.com/2015/03/en-tineo-por-la-zona-vaqueira.html)
Na foto, casas de Nera e ao fondo, Businán.
Dende Nera pillamos outro camiño (sempre que se pode escapo do asfalto) para voltar ao punto de inicio.
Á nosa esquerda, volvemos ver Brañaescardén e máis lonxe, Businán.
 |
| Brañaescardén e, ao fondo, Businán |
Por unha pista asfaltada situada algo máis abaixo ca de ida, volvemos ao punto de inicio.
Enlazamos coa AS-219 e pasamos ao concello de Valdés no Alto de Aristébano onde finalizamos a ruta.
Páxina web consultada:
https://paisaje.asturias.me/
