![](https://blogger.googleusercontent.com/img/b/R29vZ2xl/AVvXsEi6VQrlQrzdC20A9wxMWGyds4l7ZRdzRLfKvnAfjH1A3D8ozP9sYhdXG9czswkc6gCr_GqjUaEIkBv7C5opaYTmTLbCPmhQQ-V_RcEyMeHvv3jFjA3F11kVpbVadfLXxcowxV2PugCdzTntl7x7pBifCskNXqzVTJ-cg8CV1feCgjiuBVRDO87N7Tbu/w640-h480/IMG_7673.JPG) |
Ponte colgante de Illano |
Illano é un pequeno concello asturiano eminentemente rural e que sofre un tremendo despoboamento. Está incluido este concello no Parque Histórico do Navia.
Entre os anos 1929 e 1933 constrúese o encoro de Doiras e esto provoca un gran incremento demográfico pero non se cumplen as expectativas de traballo continuo e a partires dos anos 70 hai un éxodo continuo que empobreceu o concello.
A poboación de Illano está marcada pola orografía do terreo, xa que o seu carácter accidentado e a profundidade dos vales fai que o hábitat se localice a media ladeira e na marxe esquerda do río, que é onde se localiza a súa capital.
A súa poboación está moi envellecida.
Para chegar ata o punto de inicio desta ruta, hai que sufrir unha estrada estreita e cheísima de curvas imposibles!!
Características da ruta:
Lonxitude: 13,3 km.
Dificultade: moderada polo desnivel importante dalgún tramo.
Ruta circular ben sinalizada.
O meu track desta ruta en WIKILOC
A miña valoración desta ruta: 🔆🔆🔆🔆
Descripción da ruta:
Esta ruta ten o inicio e o fin na área recreativa de Folgueiróu, a uns 2 km. da capital do concello, Illano.
É esta unha área que sorprende xa que é moi grande e ten servizos como: restaurante, piscina, campo de fútbol, bolera, un pequeno parque infantil, un Centro de Interpretación da Natureza, a Oficina de Turismo...e unha zona inmensa con bacos, mesas e barbacoas á sombra de moitas árbores.
Na foto seguinte vemos unha fonte e o restaurante:
![](https://blogger.googleusercontent.com/img/b/R29vZ2xl/AVvXsEgfyXDqAskxHn26wNyAxnLw9vdszmHY1iBEUikFT2Q44e6ifaMzRUwsXbmMY8ll3u1GGiB2md4wNlnOdROGsLdQf98GLCsTtZ5rvVItkh5dgusJiiOaRk7VgM6Xc5BIgJfovYxxZZy28H8mQyND2KOFAN0vqkDqNqqQnJ_b5duyFgV3RWLnoJoDGg/w640-h480/IMG_7549.JPG) |
Fonte e restaurante |
Estamos a unha altitude case 500m. e dende o miradoiro que hai tamén nesta área recreativa podemos contemplar a parte sur do concello.
![](https://blogger.googleusercontent.com/img/b/R29vZ2xl/AVvXsEiDqJQW33IfLPKP_vCN1YI-755APfU9lmB1Zik8E_g2w2OSsZINKwt8YitEWF_7Cg3ClOGDPFzp8BVyFnsZSua2VxTYraZoPzsCXi3IZ_4tLtln-IGYSamZ7rx0Mfi7sGglzrjFEs8CVdgIrgxotKNG9uXT9SFS7xSpMM-zZKsmG41ZRdJfJBV5KA/w640-h480/IMG_7552.JPG) |
Miradoiro |
Unha área recreativa con multitude árbores:
![](https://blogger.googleusercontent.com/img/b/R29vZ2xl/AVvXsEiwbnWntQuXiFFnT-UOnEZdorhlOCEsRcyWfGBdr9kYhzH2h-9YKlujawhl2fNihNaqfXmuGdbtiOKpBlChnzE7Sed_drz1s7TjTbBQoz2fkDlTLrLWJZTF26RS4UOmoa32A2XUArEUu_XBJSiN_-gqjF9qzXd4z8ZQimWIajSfD-UeMH6Vy5LH9g/w640-h480/IMG_7557.JPG) |
Área recreativa de Folgueiróu |
O deseño da piscina é obra do arquitecto J. Ramón Puerto, unha construcción en pedra que recorda a un castro e pola que recibeu numerosos premios. Foi inaugurada no 2002
Un detalle da piscina:![](https://blogger.googleusercontent.com/img/b/R29vZ2xl/AVvXsEgOZzt18m9CB-V4bkPksa3RfGhjJcyOFPdCGp4AkCXF05KAttChzgmIiV11I3ji_lwXrGV77cFgv2DfYPUqQhJrI5XHJPhEw-jqbH25nls31_vJNGQNfFnsxDhVEaJTYAZ-IGqS7npE_j4FaEu4LQA5Yh07UOlBlI925dZ4jRQwJEfJRwhw4qzM3Q/w640-h342/IMG_7562.JPG) |
Piscinas |
A área conta tamén cun parque infantil. Un día de verán aquí para os máis pequenos debe ser fabuloso: poden correr libremente, teñen piscina, parque...o que pasa é que non creo eu que haxa moitos nenos nin nenas neste concello, moi envellecido.
![](https://blogger.googleusercontent.com/img/b/R29vZ2xl/AVvXsEjlWcdiimyBGaJC1hl9k3x3JGbZTlMRRikQn7eqhonMx5UR207gBrmsORkso_1iMdjkJGOLOD2Mc9mpKyEuJHSXDXZM3cCa3GBpvyFIugAhrs785LaKRLGsF3wl-so5ppj6CJOdpjylVomqj9aVT4MkqaaA9HrtygdAgxRAt4P_HJnHYvNa4FMNKA/w640-h480/IMG_7574.JPG) |
Parque infantil dentro dárea recreativa. |
O Parque Histórico do Navia no occidente asturiano inclúe os concellos de Boal, Coaña , El Franco, Grandas de Salime, Illano, Navia , Pesoz, Tapia de Casariego e Villayón. O río Navia e os seus afluentes debuxan a orografía deste gran Parque Temático ao aire libre abase de castros, aldeas, montañas, ríos, vales, miradoiros, encoros e vilas mariñeiras.
![](https://blogger.googleusercontent.com/img/b/R29vZ2xl/AVvXsEhJJLTMBEHmMBMybtFwLPmMIeMP6HF95BpJE6qfiAiBTXcJxdpQML8Lgwz5qSXUDcvUbHZDUnHtdmFoKAO2Tt33NbrE8fjdv9tIlzgpxyg5rKwfig7iknyB90Hp-XuASNiGBy5UWeFKHH3iP-g5aeGwFjVZnX324AlMRdYe8ebHEEGCIwTm0i4ToQ/w640-h480/IMG_7576.JPG) |
Illano pertence ao Parque Histçorico do Navia |
Despois de cruzar a área recreativa, collemos unha ancha pista costa abaixo entre piñeiros.
Descendemos cun importante desnivel e ao pouco podemos ver xa o río Navia.
![](https://blogger.googleusercontent.com/img/b/R29vZ2xl/AVvXsEhDiDJ4QPFUhd8W_h-OodRe9nBjVw-KsRH-MT3hGsSO6P4GSPI9r28ZBAcZdVNLwFcs-3nLBK4KSa9PbP9-hjMQaNzfNN6HH8rXDygue2rNPdQmIjkxoipTghK856XFWmEY4MQq2cORqjH_0p_ZISiIKfvOjXNEF_o0TItebh4zmsKAzb_d3zuAQw/w640-h480/IMG_7590.JPG) |
Río Navia |
Tamén vemos unha cascada pequena.![](https://blogger.googleusercontent.com/img/b/R29vZ2xl/AVvXsEheLBf7WWl5itFug_r-QM9d7ky73z38AFBGUQHksso_VI1irvoTz2AEmlSKORn2sazRXTN8XF5vkGccsRl6Y2Uh0i6uVNmXSBC2bnIAzWjaQRraN3Jf_j_iL4UE0NiDRr-n-ichCIkQeHCMMEjNEciH_nEwG9INndtMwGH2ZF_-sFODWq51OeKZWg/w640-h480/IMG_7593.JPG) |
Cascada |
Vemos unha indicación dun desvío para Illano pero collerémolo despois, agora imos cara á Ponte de Illano.![](https://blogger.googleusercontent.com/img/b/R29vZ2xl/AVvXsEhEsv08Tjg87f556qZi8Jt3rS0x3_3hpREtJuPYT5AOEKYZNVT9IvwXLD9mXzWxS2TBx5LSk6RDVEVZNFQbAov2DXG8pF7T0SLQyhqsq4N7cwYmE1YC8J-Ax_lJxyfvxTwADthvdWPWPFiOzS0v0EridT56PNFn7rB-vl7GJwtC9Obp-s8-ps6qKA/w640-h480/IMG_7601.JPG) |
Bifurcación |
O encoro de Doiras separou dúas partes do concello unidas agora por esta ponte colgante. Aquí desfrútase do silenzo con maiúscula. Non hai vehículos, a ponte só é peonil e a estrada está lonxe o mesmo que as aldeas. Para chegar a esta ponte, o único camiño é a pista por onde acabamos de vir ou ben dende Illano, atravesando un monte por un estreito carreiro.
![](https://blogger.googleusercontent.com/img/b/R29vZ2xl/AVvXsEg0MMJBbTTSgn4ZVnZTxQnWworceN7pdGEX2p3hQ6S5VaxlBYDDHcAO7uxEpqNY-vrHgumSQYCAY9lmX12XUkDrtM0FgQZSLbVW8GEoNhwcXTmUQgrqh3emRtKXirGhjcr4g9rUaSBLZhkhvho92hUKYhOfZwOSLOYCf9pPaoR3B63knsUzpYAYtA/w640-h480/IMG_7608.JPG) |
Ponte colgante |
A ponte estivo en reparación no 2018 e as táboas de madeira que ten están en perfecto estado. A vexetación en torno á ponte, o silenzo reinante, o illado do lugar fan atopar paz e sosego.
O encoro de Doiras inaugurado no 1934 sobre o cauce do río Navia, pertence a Boal pero a súa superficie tamén se extende aos concellos de Pesoz e Illano.
![](https://blogger.googleusercontent.com/img/b/R29vZ2xl/AVvXsEirbDwvT46olNm3PsgEiaGS7wlZU7kFxsXEzD6EvzITz5zQs-myGjUSqdoHrwyG1dQo1pqtMzO1mmDsnE6z8cLw5NXnntKL5JTbtiDXt5gz7U_IXJF1aGicS-oLJMMGQdGCvibgGCKbV-GlgmBgFzCwv4MxhFCnznxjuYxJ9LCQ8TC8W2S1wOE7Fg/w640-h480/IMG_7614.JPG) |
Ponte colgante |
Crucei a ponte para achegarme ata a aldea de Lantero por un solitario camiño, ancho e dende o que vemos sempre o río aló embaixo.![](https://blogger.googleusercontent.com/img/b/R29vZ2xl/AVvXsEhoRasDXBRZQ-Wu27puzXGwUZSafJLralqsmGhveNg75TpqWHZhvpEHppluvk-OKOLlqbdAUByZ_uJ0D5NzVSJ7tprSurRZ5MWmarWg8Kt6jYcv28Z1ff8FwYORJUmoPaRpBLpAY6WzzYVfzSEIOS5LdRMv31q4a1sYGQZZXeOo0t6FGt83bLLTmw/w640-h480/IMG_7634.JPG) |
Subida a Lantero |
O camiño vai en constante e pronunciada subida. Nas beiras hai moitos érbedos.
![](https://blogger.googleusercontent.com/img/b/R29vZ2xl/AVvXsEj5_3AENFohRun5xBhbO02ObVxgWp1IF_0WtvNVWHlyrNBBVdWMfvuJXIk3g1hEl1okENy9SwPsZNGXnumeMPGl6Dh-_5suXj-QIGzzdhqDDOYKfjawjU8QrBzQUVGgjy6OU7N0eAYzCUj24VVW3QKTdPM4VQK9FEvjIHI9pXJ5Lynbdh6rQZEkFQ/w640-h480/IMG_7637.JPG) |
Subida á Lantero |
Nun punto da subida a Lantero vemos ao lonxe Illano, capital do concello.
![](https://blogger.googleusercontent.com/img/b/R29vZ2xl/AVvXsEgx-K2DO0kBUuNwQGErogHxwamFSc6RmamnK_oVXLzeXZ50SpNT7cnBdZG798PRCKCu478jkuET3OTU8_Kw9oAYQ2VVKTvUFsJ2z1kor3hDnxqYWDZmona9DOvZtNPoBU89PYLgfg81Kof42Yeyw9uhiKKQb8UWVcjgf0bL_2d1Klw1OrAx4kj1Ww/w640-h480/IMG_7639.JPG) |
Ao lonxe, Illano |
Segundo chegamos á aldea de Lantero o 1º que vemos é o antigo lavadoiro, restaurado e en perfectas condicións de uso.
Lantero non ten nin 20 habitantes nun concello como xa dixen que sufreu e sofre unha grande merma de poboación. Pertence á parroquia de Bullaso.
![](https://blogger.googleusercontent.com/img/b/R29vZ2xl/AVvXsEjxVDYiTsussl4HTfEBJcpOOy_Tm9zanJRWBbzfdQliUwVeqFGpocWRD5_GpVEbv9o5pPuzVG9xP5q7hri5QeOWJ9sG35J3aokCcMbL435zNmqky03NSwPLwSvQDk_yixl1vz42dpQkzuU4cE9ziD3fixqEdIpgXaikO_W0DvqsbWbqkTS_HyMV2Q/w640-h480/IMG_7655.JPG) |
Lantero |
A aldea ocupa unha ladeira, como ocorre coas localidades de todo o concello, debido á orografía con montañas que caen directamente ao río Navia.![](https://blogger.googleusercontent.com/img/b/R29vZ2xl/AVvXsEhsGtefEwUaVYVkBistFeW5CuIzt4tbq1foL5FN8qUkHw9AB5uI2Q2936kfsYwO-On8E43iVj9-Oztkq3KtatmsqWTZ38VSsm172JGoDfS2L8W8UIzel2Clzj0nHyEnt5yDReERD_hBK5sq_amIbqg1vhXMOhbHXGDfIZVyx4F9tPWrcvBut06GKg/w640-h480/IMG_7656.JPG) |
Lantero |
Dende Lantero hai que dar a vola polo mesmo sitio da ida. Cruzamos de novo a ponte, agora para o outro lado, claro, e retomamos o percorrido ata atopar a bifurcación que víramos antes para ir a Illano.
![](https://blogger.googleusercontent.com/img/b/R29vZ2xl/AVvXsEhBcAc-qVMQSngOblW7DV51jQNdJdMK5QBGRYwxaKcymYEPTNlFbzqpGRCXsdt9c7VsdJ3439xr4S48JqP0hzEuWOOpus6pr68Pe10Lf0x1EoKNb9XojjiiWAVglxPyAAJ0aAczCsmpao7vHAv-gJjncfh1p8yI8s2So4pjUX-66mKuqSeB9GBrbw/w640-h480/IMG_7667.JPG) |
Ponte de Illano |
Unha solitaria lanchiña atracada no encoro:![](https://blogger.googleusercontent.com/img/b/R29vZ2xl/AVvXsEib7yPkgc9lXcnqlBnMGr8NqnM7XbaOgZ89vlJFFouYA-uPRrdVWWWNeXa0ALMKhr-nNcXoqxrA38Z8zNIbp_ztBV83rB6UdfROCIjditdQWVLaH7nU3hcW5KvBDv6NY7jHqoEgKLvPv9wCZLmqaSODZBasg1NTHZI8qqX0-K9vOj0I7XaR9k4NdQ/w640-h480/IMG_7670.JPG) |
Lanchiña no encoro, ao pé da ponte de Illano |
A subida a Illano é continua e ten bastante desnivel. As vistas que temos subindo a Illano. A aldea que se ve é Lantero, á que antes subín. Este concello está marcado pola accidentada orografía e polo río Navia que o parte en dous.
Na I. Media, este concello pertencía a Castropol. A mediados do S. XV, obtivo a súa emancipación. Illano é un concello plenamente rural.
![](https://blogger.googleusercontent.com/img/b/R29vZ2xl/AVvXsEhWV54xVaM9mxJ6llZz117Hf_rPO9Ug80tcCf0tj6PtIS6DnRi9saBw5uA8EfthQ9LSpYZCOTZorcarQPnQOrABRJSH0kT8x9w1d6bBrT_094vVf00AM6uxl4mM9_45Ibjc4lLQIKVp3th0jkBg8uvrZizgdrqgETNGyUX09xzz8GZ_5YPXFDtU0A/w640-h480/IMG_7704.JPG) |
Illano aló enriba |
Illano atópase a unha altitude de 355m. e esto fai que teña unhas vistas espectaculares:
Casas abandonadas no centro da vila:![](https://blogger.googleusercontent.com/img/b/R29vZ2xl/AVvXsEisA6QW6k-2bx7l1DD8j4Fjn4Z2cjf3ehj8KrpzQXIpe-voHYkRCsTR98vwPQ8QOp4UwU4cNRmawwPP_N_lydL_Z-xyCjItMiS7WgTa7ZLx1WtoqXLEnYxsGaGY0gsd_r5jCg7d37Kbo5vyAN4wjbtYQKvOVybYzffp7Iu186BJaLgEW6MxXK2VTw/w640-h480/IMG_7711.JPG) |
Illano |
Un concello rural que perde poboación sen cesar.![](https://blogger.googleusercontent.com/img/b/R29vZ2xl/AVvXsEgINeRlt4VKeQKAYMHuekML3gxxZg6ew5LvzqyfMwTi2ji9_xjVQjwdjTgdAkr6wINtAmNmdCMQ4euz8jGLXXJVJcwfKkCb94F_7tNFg9NDOkyzPELNwBh4qqINdDBIyFY_tpjg-kRu8Ev8QlrzxuCqjHg_XmgzBhTWWA1XjWhRMnJkAplWfeMKXg/w640-h480/IMG_7713.JPG) |
Illano |
A parte máis nova da vila está ao pé da AS-12. Camiñamos uns poucos metros por esta estrada ata coller (está indicado) un ramal á esquerda.
![](https://blogger.googleusercontent.com/img/b/R29vZ2xl/AVvXsEhgMA4MaWgqk-hI93nClI3OpcsneBAekoGCaUIEG4zofpgTS0xhBCCFJD5dxPKZpRRiFZjmxqjOKbMXeqjuCXNt-M-F1hV1-7M-mHUQ4qGfY-DCv7942dVJo-jbHoCxjJguIC-qNMb1NRoakDHBRvjtHooGrhmy-REG4GIuaOOZRkC257Z9FvtM0w/w640-h406/IMG_7721.JPG) |
Parte nova de Illano, na estrada que a cruza. |
Nesa parte nova hai un pequeno parque dende onde temos unhas fabulosas vistas da vila e das montañas próximas.
![](https://blogger.googleusercontent.com/img/b/R29vZ2xl/AVvXsEiAkUcZpR5EIeQ8gTtfW6dC2fka15Rmf96ls-Xfl_YNA0_57GbjtTyZtrSFdsHv27cW4vCKVTrkSkAP_8wXadpezTzaWi00Dp0yVB_p0hv3H9JSHfrptRSWcIBdcahZvtP_2a1JLLOcVk3tAeFvkFpVbs173w-2LYAIo6KVe6nljEc2j4ZDJ8tc4A/w640-h442/IMG_7723.JPG) |
Parque en Illano |
Pasamos polo lugar de Grandelia.![](https://blogger.googleusercontent.com/img/b/R29vZ2xl/AVvXsEhnM2-gaQ26APNTLzzyhcT36uqLoHJEmiOEsnnkSVO6fP0RTCErtjrcnYOkE3IJFo0DlPCKFHQr32qIG7rxBNIEyF6Q2TdUFKd4WGcbIvECK2PJRE8VcIOghc-VTVxu0xx2Jk8msn7fBafe0zex02Jlwp6cliS03prRjEKAlZUDwXr2DfrMwF5vcw/w640-h480/IMG_7730.JPG) |
Grandelia |
Na parte alta deste lugar pillamos un desvío á dereita (está sinalizado) que nos saca da estrada e nos leva por un carreiro antigo.
![](https://blogger.googleusercontent.com/img/b/R29vZ2xl/AVvXsEhpIkXjFRCdNiyOK_wFpRJB9Ir43vuNiX2-wE2rd1W-CejmRt_nDXfN4mXNY5GzCsubIiidV5_bo-MCmVsJgowQwRQuH05KpVFCgYX8GxKlNXqqhjjNZI2TiXR795Ngb47jYM6RFG6NXqCLrBMUCqnvS2ZQGqsrcRWeO5ORdmGVwmukCrxUXVj6QQ/w640-h480/IMG_7732.JPG) |
Carreiro |
Atravesamos o rego dos muíños.![](https://blogger.googleusercontent.com/img/b/R29vZ2xl/AVvXsEhyOeuPHfcUyPe8lutYrpuoeYXScAi2DdzCnmjoCDhB3HiBNdq2fqEgw_myvfJKaTP8wesOT9ZyXq-8Aw1cLju9DcCyeyH_Opv8PYHDUj-9itIWLf-c6jUCvWNM5Hls_Hg1Eyx6WVkHTnnzuCWtRwZOJgVoaX5kiRF0lcyB-Ab9PhLKrqDqV_6Kvw/w640-h480/IMG_7735.JPG) |
Rego dos Muíños |
E seguimos por un pequeno e angosto carreiro.
Rematamos a congostra e como estamos nun alto, as vistas son estpendas.![](https://blogger.googleusercontent.com/img/b/R29vZ2xl/AVvXsEhbYduNtheoKRRcw2Bx78_3z_mzKMJgoyDB3Idn6EzyFz_jr8oVT5kSaMaoPiK8_I-3JKI16yrp5tTuG8IUxa_5oLaUKvPMb14XWx-nY3bTuexuNHamGg5k1HDGjrIztfkIgASCU3_DTR15HjhPEMMK3M0NRzp8WqnpyD5s4XXoJN1SOOYXK2q3QQ/w640-h480/IMG_7745.JPG) |
Vistas dende aldeas próximas a Illano |
Cruzamos un lugar chamado A Baboreira e non vemos unha alma como tampouco vimos en Illano aínda que aí si que escoitamos xente falar. Aquí semella non vivir ninguén.Saimos a unha estrada local atravesando o barrio de Casas del Río e vendo case tódalas casas pechadas e/ou abandonadas.
![](https://blogger.googleusercontent.com/img/b/R29vZ2xl/AVvXsEi7KdZHu7HUSYqgTAqob2dQ2q-iOulAx5qQcOwl44KuoWdwD4imkKSGfCbUIDRR_y569UEf0QFBAse_LlMYvQcGgvlkRjIBThG39T0Xzcmb--JOCHCEgdqijwKHfMNUvrz67khJIIli26nqRliUjdkbIQXgJk35x8z1a6P96-u87tTBu-NYUU1Hqw/w640-h480/IMG_7772.JPG) |
Casas del Río |
Esta estrada local desemboca na As-12 e dende este cruce xa vemos uns metros máis adiante a área recreativa de Folgueiróu onde empecei esta ruta.
Páxinas web consultadas:
https://es.wikipedia.org/wiki/Illano
https://www.turismoasturias.es/descubre/donde-ir/comarcas/parque-historico-del-navia