Amosando publicacións coa etiqueta O Corgo. Amosar todas as publicacións
Amosando publicacións coa etiqueta O Corgo. Amosar todas as publicacións

martes, 26 de xullo de 2022

ROTEIRO PRAIA FLUVIAL DE CHAMOSO. (O CORGO-LUGO)

 Hoxe fomos ata o concello de O Corgo, próximo a Lugo, para realizar un roteiro que nos dá duas opcións: unha curta de pouco máis de 6 km. e outra longa de algo máis de 13km. Nós optamos pola curta xa que empezamos bastante tarde a camiñar e agora no verán apreta a calor e preferimos andar menos e desfrutar, non sufrir.

Tanto a ruta curta como a longa partes e voltan o mesmo lugar: a fermosa praia de Chamoso coa súa coidada área recreativa ao pé tamén dunha piscina municipal que conta incluso cun tobogán e un restaurante.

Características do roteiro:

Lonxitude: 6,5 km.

Dificultade: ningunha

Ruta circular perfectamente sinalizada.

O track en WIKILOC: 

Descripción do roteiro:

Partimos pois da praia fluvial do río Chamoso. Chamoso é o nome do río e tamén da parroquia onde se atopa esta praia fluvial, concretamente no lugar de Abuín.

Vemos o cartel anunciador das 2 opcións que nos dan: de vermello a ruta curta e de azul a longa. Nós fixemos a curta.

Cartel do roteiro

Ademais da praia fluvial, este espazo conta tamén cunha piscina con tobogán e cun restaurante.

Piscina e restaurante.

Vemos na imaxe seguinte un aspecto da praia fluvial:

Praia fluvial do Chamoso

Seguindo os sinais, cruzamos a área recreativa.

Xa me gustaría que algunha ruta homologada estivera tan ben sinalizada coma esta:

O sol quere sair pero as nubes ameazan con non deixarlle:
 
Imos por camiños rurais acompañados de piñeiros e carballos.

Vimos algún eucalipto(moi poucos) e sobre todo vimos carballos e piñeiros:

Este concello é eminentemente rural e vimos este tractor traballando rodeado de cegoñas:

Atravesamos a aldea de S. Miguel de Pedrafita que é coñecida pola festa na honra da Virxe das Virtudes nunha capela que hai. A ruta curta non pasa por aí pero a longa, si.
S Miguel de Pedrafita.

 A Casa dos Ulloa é a típica vivenda rural galega.

A fachada da Casa dos Ulloa:

No atrio da igrexa de
S. Miguel de Pedrafita está tamén o cemiterio ao igual que noutras moitas igrexas.
Igrexa de S. Miguel de Pedrafita

Non hai nada mellor que atoparse cun veciño da aldea e que teña por riba 93 anos en plenas facultades para que che explique todo o que queiras saber da aldea e da zona. Un placer foi charlar con Ricardo Ulloa.
 
Nesta mesma parroquia, algo máis adiante atopamos (despois de desviarnos 300m.) uns sartegos, pequena necrópoli formada por dúas tumbas paralelas na mesma rocha. Son as chamadas Tumbas da Groba

Sartegos ou tumbas da Groba
 
O percorrido segue por esta pista asfaltada.

E chegamos a Ponte Galiñeiros. É unha ponte de orixe romano que foi remodelada na época medieval e volto a reformar non hai moitos anos. A Ponte dos Galiñeiros formaba parte da Vía Romana XIX que unía as cidades de Braga, Tui, Lugo e Astorga.
Ponte Galiñeiros
 
Aínda que sinalizada dentro desta ruta é unha pena que non estea máis visible xa que a vemos moi descoidada, está rodeada de felgos, herbas e maleza que só permiten faotografala por un só lado e malamente. A ponte ten un só arco que cruza o río Chamoso e une as aldeas de Pedrafita pola que xa pasamos e a de Arxemil que deseguida atoparemos.
Ponte Galiñeiros

Dende Pedrafita ata Arxemil o noso percorrido coincide coa Vía Künig, unha variante do Camiñoo Francés que pasa pola cidade de Lugo. Recibe o nome do monxe alemán Hermann Künig, autor da guía de peregrinos medieval que recolle este itinerario a Santiago. A Vía Künig discurre por territorio máis cha que o francés a través dos municipios de Pedrafita, As Nogais, Becerrea, Baralla, O Corgo e Lugo. 
Na foto seguinte vemos os dous postes que indican a nosa ruta e a Vía Künig.


Os camiños  de carro das aldeas galegas son todos fermosos e sombríos. É un gusto camiñar por eles!
 
Vemos xa a aldea de S. Pedro de Arxemil, outra parroquia do concello de O Corgo. Admiramos as súas inmensas casas de pedra:
 
Desviándonos só uns metros da ruta, visitamos por fóra a súa igrexa parroquial que tamén ten o cemiterio ao seu redor.

Voltamos ao percorrido marcado e vemos poste de pedra que sinala que por este lugar pasaba a Vía Romana XIX.

Esta é a praza de Arxemil onde se separan a nosa ruta e a Vía Künig. Nós cruzamos esta praza e continuamos de frente e a Vía Künig segue á dereita.
Praza de Arxemil
 
Imos pillar outro camiño fermoso:
 
Esta será a máxima altitude á que imos estar  dentro da ruta, 469m. pero como a altitude mínima foron 418m. non nos enteramos nin de que subíamos.
 
Agora, en lixeira baixada, chegamos deseguida á Praia Fluvial da que saimos.

Cando partimos non había aínda ninguén. Agora xa vemos as mesas todas ocupadas por xente que decideu ir pasar este día festivo a este fermoso lugar.
 Atravesamos a pontiña de madeira:

 E xa estamos na praia fluvial. Nós comeremos xusto enfronte, no outro lado da praia, onde hai 4 árbores  ao fondo.

Cruzamos outra pequena ponte para dirixirnos ao restaurante a tomar algo.
 Outro aspecto da área recreativa.
 

A fermosa e pequena praia fluvial cun illote no medio:


Nós comemos á sombra dunha árbore tendo de fronte a imaxe que vemos.

Pepe, animouse a darse un baño antes de comer.








mércores, 3 de xuño de 2020

BOSQUE DA FERVENZA (O CORGO)

Esta ruta deixounos un sabor agredoce. Prepareina cunha ilusión tremenda xa que a partires dos comentarios vistos en Internet, debía ser preciosa. Nós debemos de errar e tomar a saída que non era pois nin vimos fervenza ningunha, nin vexetación exuberante, nin a paisaxe de inundación polo Miño......Agora penso que dende a Casa Rural de onde saimos deberiamos haber collido cara a Lugo e fomos ao revés. 
Enfín, queda pendiente unha próxima visita á zona para facela en sentido contrario.

CARACTERÍSTICAS DA RUTA:

Lonxitude: 5 km. en total
Dificultade: moi fácil
Ruta circular sen sinalizar(Hai que ter en conta que debemos facer a que non era)

DESCRIPCIÓN:
Saimos do restaurante /casa rural Fervenza Casa Grande, ubicado AQUÍ
Deberiamos ir en dirección contraria?

Restaurante- casa rural "Casa Grande da Fervenza"

O río Miño está a uns 30 m. da Casa Rural:


Continuamos ao chou por un sendeiro:

Con moitos carballos:

O sendeiro non tiña sinal ningunha pero estaba ben pisado:

Atravesamos este bosque de carballos:


E chegamos a un claro onde si había unha pequena lagoa:



Atopamos unha cabana onde paramos a descansar e comer algo.


Tal vez non escollemos a mellor data para realizar esta ruta: era setembro e había bastante seca:

Un pouco máis adiante, chegamos de novo xunto ao Miño:


 
Aquí hai un entorno ben chulo:

Chegando de novo á Casa Grande da Fervenza onde deixáramos os coches:



Para rematar fomos xantar ao restaurante Madrid na ctra. N VI (km. 489) no Corgo onde comemos moi ben e moi económico e abundante ademais de facelo nun restaurante super limpo e cunha atención inmellorable!!