RUTA DA AUGA. TARAMUNDI PR AS-17

O concello de Taramundi atópase no extremo occidental de Asturias, limitando polo sur e o oeste con Galicia.

Este concello foi precursor no turismo rural e soubo protexer e dar a coñecer o seu patrimonio etnográfico dunha maneira exemplar. Ten varias rutas de sendeirismo, todas elas dignas de percorrer. Sen dúbida, a máis coñecida e representativa é a Ruta da Auga. Esta ruta permítenos desfrutar da auga e os seus aproveitamentos ao longo dos séculos no medio rural; en plena Reserva da Biosfera Oscos Eo recorreremos frondosos bosques de castiñeiros, carballos, abeleiras...veremos unha fermosa fervenza e singulares conxuntos etnográficos como Os Teixois, Mazonovo, Os Esquíos e aldeas de conto como As Veigas.

Lonxitude: 14km.

Dificultade: baixa

Ruta circular e ben sinalizada

Descripción da ruta:

A ruta arranca oficialmente da parte baixa de Taramundi por un camiño de formigón que nos leva a Mazonovo. Nós preferimos empezar a ruta aquí, en Mazonovo para deixar os coches. Se se quere pódese visitar aquí o Museo dos Muíños.

Tras un curto ascenso pola carretera, collemos un desvío á dereita e pasamos xunto ao caserío de A Granda:

Foto de Raul Oliete

Cruzamos o río Turía pola ponte da Escaderna e ascendemos a través dun tupido bosque de castiñeiros e amieiros.

Recollendo castañas

Cando levamos aprox. 2,5 km., desviamonos da ruta un km. e pico para ver a fervenza Salgueira( ida e volta supoñen case 3km. pero merece a pena sobre todo porque o sendeiro que leva a ela é moi fermoso)

Logo chegamos a un tramo de carretera polo que subimos ata Esquíos. Aquí podemos visitar un museo etnográfico de ferramentas e utensilios empregados antiguamente no rural.

A partires de Esquíos é cando a ruta se fai circular. Podemos ir á dereita cara ás Veigas ou á esquerda cara aos Teixois. Nós fomos primeiro aos Teixois. Nos Teixois hai un conxunto etnográfico empregando a auga: un batán, un muíño, un mazo, unha roda de afiar, unha forxa e unha pequena Central eléctrica.

Fixemos unha visita guiada onde unha muller nos foi explicando o manexo e a utilidade de tódolos aparellos.

Despois de descansar un pouco no bar que ali hai puxemos rumbo ás Veigas. En canto subimos 400m, desapareceu o bosque e poidemos ver unha paisaxe máis aberta:

A aldea que se ve ao loxe é Esquíos

As Veigas é unha aldea totalmente restaurada, encaixada nun pequeno val. Alí só se respira tranquilidade. É un lugar case máxico, precioso!!! Aquí comemos nun restaurante moi rústico e acolledor.

O tramo entre As Veigas e Esquíos discorre por un fermoso bosque bañado por varios regatos.

Volvemos a Taramundi dende Esquíos repetindo o mesmo tramo.

Se queres saber máis do Concello de Taramundi, pincha AQUÍ 

CABO BUSTO (VALDÉS) PR-AS 4

Lonxitude: 7km.
Dificultade: moi baixa

Ruta circular










Descripción da ruta:

As palabras que mellor definen esta ruta son : inmensidade, paz...frente a uns cantís que bican o Cantábrico.

Esta ruta circular lévanos a través de fincas agrícolas, piñeirais, bosques de ribeira pero sobre todo á beira duns inmensos cantís.

Empeza na vila de Bustu, dende aquí imos cara ás Escolas (a 500m) xa que aí podemos deixar os coches porque empeza a ruta.

A 300 m. aprox. temos unha preciosa vista dos cantís de Valdés; unha vez desfrutado voltamos ao cruce e xiramos á esquerda para adentrarnos entre pinos e eucaliptos.

O sendeiro segue en chao, entre prados:

Agora, xa á beira do Cantábrico, imos vendo os cantís e recónditas praias:

No km. 4,8 xa estamos en Cabo Busto co seu fermoso faro e o seu mirador.

Un km. máis adiante, o sendeiro continua bordeando os cantís e vemos o Castiellu el Serrón, un pequeno islote.

A partires de aquí o sendeiro comeza a alonxarse da costa e volvemos a Busto.

Como esta rita é moi curtiña e fácil de realizar, sobrounos moito tempo polo que decidimos ir ata Luarca para comer alí. Antes visitamos o seu faro  co seu precioso entorno.

Maís información

RUTA DO CARES (PONCEBOS-CAÍN)

A Ruta do Cares é unha das rutas de sendeirismo máis fermosas de España. Transcorre a través dos Picos de Europa entre Asturias e León percorrendo a garganta do río Cares. Pode partirse dende Poncebos (Asturias) ou dende Caín (León). Oficialmente, a ruta remata ou empeza en Posada de Valdeón (León) pero serían 10 km. máis; polo que nós fixemos dende Poncebos ata Caín.

Esta ruta abríuse como vía de acceso para o mantemento do canal de alimentación da central hidroeléctrica de Camarmeña, en Poncebos.

A ruta do Cares discorre pola chamada "garganta divina" do río Cares a través de grutas, pontes e sendeiros excavados na rocha. Cando a ruta chega a Caín, ábrese o desfiladeiro e unha ponte atravesa o mesmo.

É unha ruta na que sempre se atopa moita xente, incluso con nenos ben pequenos que os pais/nais cargan ao lombo. Os sendeiristas van entre a rocha por un lado e o precipio polo outro pero non hai que asustarse, o sendeiro é o suficientemente ancho para non dar medo.

É tamén doado de percorrer, salvo os dous primeiros kilómetros dende Poncebos que son de subida, os 10 restantes son en chao, sen apenas desniveis.

Nós levamos uns bocatas e comemos en Caín despois dunhas 4 horas de camiñata. Tamén se pode ir menos cargado e comer nun pequeno restaurante que hai en Caín. Neste tomamos uns xeados e o café.

Lonxitude: 24 km. en total(ida e volta)

Dificultade: Media

Ruta lineal

Descripción da ruta:

Saímos sobre as 11:00 h. de Poncebos e como dixen, os primeiros 2km. foron de subida.

Subindo dende Poncebos

Despois desta subida de 2km., o sendeiro non presenta desniveis:

Por un lado, a rocha; por outro, o precipicio:

Paramos a repoñer forzas:

Ao chegar a Caín, podemos refrescarnos no Cares:

Despois de comer e descansar, iniciamos a volta: outros 12 km.

De volta, a punto de meternos nun túnel excavado na rocha:

Á volta, a catro valentes(ou insconcientes) do grupo ocorréuselles baixar por un sendeiro perigoso que non forma parte para nada da ruta oficial e pode ser moi perigoso porque ese carreiro baixa polo medio dun pedregal e se pisas en falso pode dar lugar a un desprendemento de pedras:

Tamén houbo momentos para moitas risas:

Máis información: