No mes de febreiro deste mesmo ano fixen unha ruta que tamén pasaba pola capela de S. Antón de Concilleiros pero cheguei a ela por outra parte da parroquia de Barcia. Pódese ver AQUÍ
A ruta de hoxe chega tamén á capela pero nun percorrido moito máis fácil e curto.
Características:
Lonxitude: 6,6 km.
Dificultade: fácil
Ruta circular sinalizada na parte que corresponde á PR-AS 3. Necesario un track para facela como a fixen eu. O meu en WIKILOC
Descripción:
Dende Barcia, parroquia de Valdés, moi cerca da A8, accedemos ao Alto de Ambasvías pola estrada AS-351 (Almuña/Paredes) en moi bo estado e pintada, aínda que con bastantes curvas. En 10 km. xa chegamos ao punto de inicio desta ruta.
No Alto de Ambasvías hai un espazo amplo para aparcar.
Vemos as secuelas dos incendios que asolaron esta comarca hai poucos anos. Ao fondo, o Pico Pomar, cunha elevación de 528m.
Vistas da estrada pola que cheguei a Ambasvías e montañas lonxanas.
Este tramo corresponde coa ruta PR-AS 003 que percorre a Serra de Concilleiros pasando pola capela de S. Antón. A outra parte da serra, partindo dende Barcia, fíxena na ruta anterior.
As vistas que hai dende unha altitude de 452m.
 |
| Camiño da Misa |
Durante todo o percorrido, cando o fixen polo outro lado da serra tamén, a tónica xeral da paisaxe son os piñeiros queimados.
Vemos un sinal da ruta.
Vistas á aldea de Carlangas pola que pasarei á volta.
Que gusto camiñar por camiños así!!
Xa chegando á capela atopamos O Cabanín, a parte alta dunha pequenísima aldea. Na parte baixa debe de vivir aínda alguén pero aquí, penso que non vive ninguén; había un home cun tractor traendo comida para as vacas que había polos prados de arredor.
 |
| O Cabanín |
O Cabanín aparece na relación de brañas de inverno nesta zona asturiana.
A capela de S. Antonio de Concieiro está situada nun lugar moi illado; non chega aquí ningunha estrada, chegan varios camiños pero para vir a pé, en todoterreo ou cabalo. O lugar invita á paz porque o silenzo case se pode oir e as vistas son extraordinarias.
 |
Este foi un lugar de trasego de camiñantes que viaxaban a través do Camiño Real. Aínda podemos observar os restos dunha venta, parada de postas onde descansaban os arrieiros e os seus animais e outras construcciones máis modernas habitadas ata épocas non moi lonxanas. Neste lugar, venérase a San Antonio, especialmente nas festas do 17 de xaneiro.
 |
| Capela de S. Antón de Concilleiros |
Como quero facer a ruta circular, abandono o tramo oficial da PR-AS 003 para volver por Carlangas.
A tónica da paisaxe non cambia: as consecuencias dos pasados incendios seguen ben visibles.
Seguimos con vistas espectaculares.
Este camiño, desemboca na estrada AS- 351 pola que subía a Ambasvías.
Hai que ir pola estrada 800m. Hoxe está rozado e podemos ir por fóra da calzada pero Ollo!! non ten arcén e ten bastante tráfico.
Baixando a Carlangas e observando ao lonxe as casas blancas, aló enriba, polas que despois pasarei. Carlangas foi braña de inverno e está situada a 300m. de altitude. Aínda que abarca bastante territorio esta aldea, ten moi poucos habitantes.
Deixo atrás as casas e empezo unha subida importante, menos mal que aínda non chega a 1km. e xa chego ao remate de ruta.
