RUTA CIRCULAR EN FAZOURO (FOZ) (I)

Esta ruta non está homologada nin sinalizada de ningunha maneira polo tanto só poderían facela nun principio a xente que coñeza ben esta zona . Eu graveina en Wikiloc para que todo o que queira poida ter acceso a ela xa que é unha ruta moi fácil de facer e ao longo do seu percorrido desfrutaremos de espectaculares vistas sobre o Cantábrico, camiñaremos ás beiras do río Ouro e cruzarémolo en dúas ocasións, achegaremónos a ver un Castro ben fermoso, pasaremos á beira de praias e contemplaremos un ben cultural como é a Obra Pía.

A ruta en Wikiloc

Características da ruta:

Lonxitude: 7,69 km

Dificultade: fácil

Ruta circular sen sinalizar.

Descripción:

A saída da ruta está na Capela da Concepción no barrio de Lousada que pertence á 

parroquia de Fazouro no concello de Foz.

O lugar exacto de saída e chegada AQUÍ

Este é o punto máis alto da ruta o de saída e chegada. O barrio de Lousada é un verdadeiro 

mirador natural sobre a costa Cantábrica:

Esta é a Capela da Concepción, sitúada nun lugar privilexiado polas vistas magníficas:

Podemos ir á dereita ou á esquerda xa que empezamos e rematamos no mesmo lugar. Eu 

recomendo coller  por onde está este letreiro, á man esquerda, xa que nos evitaremos unha 

empinada costa.

Imos baixando suavemente e xa divisamos ao lonxe o río Ouro e as casas de Villarmea:

Chegamos ao cruce coa carretera que vai ao Valadouro. Pillaremos á dereita e deseguida á 

esquerda.

Aquí pillaremos á esquerda. Imos cara ao río. Vemos outros barrios de Fazouro: O Cachón 

e o Redondal:

Baixando vemos de frente o barrio de Villarmea e ao lonxe, Foz

E chegamos deseguida á Igrexa Parroquial de Santiago de Fazouro:

Cruzamos agora o río Ouro pola chamada Ponte Vella:

Barrio de A Ponte Vella:

Xusto aquí se pode comenzar a Ruta do río Ouro que podes ver se queres nete enlace a este mesmo blog:

 Rutas de sendeirismo: RUTA DO RÍO OURO (FAZOURO-FOZ)

Nós hoxe non imos facer a ruta mencionada polo que seguimos pola esquerda vendo o 

barrio de Villarmea de frente:

O río Ouro e as xunqueiras que o rodean: ás beiras deste río nesta zona só medran os xuncos

de aí que se lles chame xunqueiras:

Descubrimos o que semellan ser os restos dun muíño:

Estas edificacións constitúen  a Obra Pía: Funcionaron hai moitos anos como escola e non hai moito  

foron rehabilitadas. Teñen moi pouco ou escaso uso debido en parte a que os accesos son complicados:

s

Camiñamos por un estreito sendeiro e vemos xa outra ponte ao lonxe: a Ponte de Ferro.

 

Saímos a unha carretera local e collemos á esquerda:

Nste cruce, pillamos á dereita para ir ver a Capela de S Salvador

É unha pequena capela de moita devoción e cariño polos veciños do barrio de Vilarmea, 

Existiu outra capela anterior a esta noutro lugar que foi totalmente destruída. A actual foi feita nos anos 40.

Dende esta capela as vistas tamén son espectaculares:

Barrio da Rúa, moi cerca da capela:

Outras vistas dende a Capela de S. Salvador:

Volvemos sobre os nosos pasos os 200m. aprox que nos desviaramos e deixamos o asfalto para coller á esquerda, pola Ponte de Ferro. A partires de aquí a ruta vai coincidir durante uns 2 km. aprox. coa Ruta do Camiño Natural do Cantábrico que vén rodeando a costa dende Ribadeo ata o Vicedo.

Podemos ver outro panel informativo da Ruta do Río Ouro porque tamén a podemos empezar aquí:

Pasamos ao lado dunha  área recreativa que ten este monumento: trátase da antiga Ponte de Ferro antes de colocar a actúal. Sobre a función estétetico-decorativa que  trata de cumprir habería moito que falar...

Cruzamos a Ponte de Ferro sobre o Ouro e vemos tamén o chamado barrio da Ponte de Ferro.

Á nosa dereita vemos dúas pontes: a da carretera e a do tren:

No cruce pillamos á dereita seguindo como dixen O Camiño Natural do Cantábrico:

Se miramos atrá vemos ben a Ponte de Ferro que acabamos de cruzar:

Imos cruzar agora por debaixo das dúas pontes:

E vemos a desembocadura do Ouro no Cantábrico coa praia da Pampillosa ao fondo:

Área recreativa da Pampillosa e ao fondo o barrio da Rúa de onde vimos (o que está no alto) e o barrio das Chaves:

Por aquí había un paseo pero xa hai anos que o mar dixo que eso era del e empezou a desfacer todo. Actualmente está completamente destruído nesta zona e coa marea chea como hoxe ocurría, pásase con dificultade sen mollarse.

O encontro do río co mar e a praia da Pampillosa nun día co mar bravo:

Entramos agora durante 1km. aprox. nunha carretera local. Á dereita vemos a nova depuradora:

Vemos os barrios de Bargado  na zona cha e no alto o de  Lousada:

A carretera por onde imos chámase "O Camiño Novo". É doado deducir que antes da carretera había un camiño e cando este se abríu non habería ningún ou sería vello. Hoxe ese camiño é unha tranquila carretera local. Na foto vemos un pequeno entrante de mar que é aproveitado por moitos pescadores.

Aquí abandonamos o asfalto para coller á dereita:

Pasamos por un lugar moi querido en Fazouro e só coñecido polos veciños para a pesca e como praia no verán xa que, aínda que con marea chea se queda sen area, os nativos aproveitan as rochas para colocarse xa que, aínda que hoxe non o pareza por como estaba o mar, é un excelente lugar para bañarse. Chámase O Porto e antigüamente moitos homes do lugar tiñan barquiñas coas que saían a pescar e atracaban aquí:

Aínda queda algunha cabana en pé onde os mariñeiros gardaban as lanchiñas.

No próximo cruce pillamos á dereita por unha estreita carretera pegada á vía do tren e vemos a estación:

Deseguida chegaremos ao Castro de Fazouro, un castro marítimo que aproveita unha pequena península. A estructura que se pode ver corresponde aos últimos momentos de ocupación do Castro (Finais do S. III d. C) Actualmente hai excavados uns 400 m. cadrados.

Dentro da ruta do Camiño Natural do Cantábrico, teño publicado neste blog o tramo dende Fazouro a Burela:

Rutas de sendeirismo: RUTA CASTRO DE FAZOURO(FOZ)- PRAIA DE AREOURA(FOZ)

O noso camiño continúa polo Paseo Marítimo que coincide co Camiño Natural do Cantábrico:

Miramos cara atrás e vemos A Punta do Castro. O nome da Punta é fácil deducir de onde vén:

E aquí remata a nosa coincidencia coa Ruta do Camiño Natural do Cantábrico, esta segue pola beira do mar e nós torcemos á esquerda para facer circular a nosa ruta:

Deseguida torcemos outra vez á esquerda por un camiño de area recentemente acondicionado para pasar por debaixo da estrada xeral:

E comenzamos a única subida da ruta pero é moi suave: A subida do Perillán:

É unha estrada local que subimos vendo o mar a nosa esquerda:

Estamos xa no barrio de Lousada. Este barrio é dos máis antiguos da parroquia. Moita xente que naceu aquí, en canto podía íase vivir a outro sitio aínda que fose na mesma parroquia por eso quedaron moitas casas abandonadas que pasado o tempo foron ruínas. A xente fuxía de Lousada porque non tiña accesos axeitados, só camiños que no inverno eran verdaeiros lodazais. Co tempo fóronse mellorando os acesos, fixéronse estradas e chegaron outros servizos que convertiron este barrio no que hoxe é: unha das zonas máis codiciadas do entorno polas excelentes vistas que ten sobre a costa Cantábrica. Rehabilitáronse as casas vellas e construíronse moitas outras. Nada ten que ver o barrio de hai 30 anos co de hoxe.

E imos xa chegando de novo á Capela da Concepción onde remata esta fermosa ruta.

CAMIÑO NATURAL DE S. ROSENDO. TRAMO A CAZOLGA (concello de Lourenzá) -VILARONTE(Concello de Foz)

O tramo do Camiño Natural de S. Rosendo na provincia de Lugo vai oficialmente dende Mondoñedo ata Foz. (33km.) Eu decidín dividir este tramo en tres porque vou moi despacio, parando, sacando fotos....desfrutando de cada paso.

O tramo anterior, pódese ver AQUÍ

Teño que dicir primeiro que se na etapa anterior atopei uns lugares onde a sinalización deixaba moito que desexar, hoxe foi moito peor. En algúns puntos sobran sinais e noutros faltan. Tiven bastantes dúbidas e de feito fixemos un pequeno tramo por onde non era. Menos mal que fomos sair ao sitio por onde vai realmente a ruta!

O caso é que todo o Camiño está sinalizado km a km. pero se non vas atento/a podes andar moi facilmente algún km. ao revés.

Se non queres perderte, le con atención esta entrada do blog e/ou segue este trck
Wikiloc | Ruta Camino Natural de San Rosendo: Etapa Mondoñedo-Foz

Características:

Lonxitude: 10km. aprox.

Dificultade: baixa

Ruta lineal sinalizada de xeito deficiente nalgúns puntos.

Descripción:

Saímos dunha aldea do concello de Lourenzá, A Cazolga, que nos sorprendeu moito porque eu tiña a idea de que esta era unha aldea moi pequena metida entre o monte e que habería casas abandonadas e poucos habitantes(debe ser que unha está acostumada a ver aldeas semi abandonadas ou abandonadas de todo ao longo das rutas que realizamos)

A Cazolga é unha aldea viva, con moitas casas e a inmensa maioría habitadas. Hai moita vivenda nova e as que son máis antigas, están moi ben arregladas. É unha aldea eminentemente rural pero moi diferente ás que estou acostumada a ver.

Eso si, a ruta aquí non está sinalizada. En canto sae embaixo vindo de Lourenzá, na ponte ao pé da área recreativa, non hai ningún sinal que indique para onde tes que coller unha vez se chega ao alto da aldea. Menos mal que sempre hai un veciño amable...ou queda a solución de seguir un track.

A ruta que hoxe fixemos, parte de AQUÍ

Non hai ningún sinal que indique á dereita que é por onde debemos ir:

Imos cara ao río observando núcleos de casas novas:

A Cazolga, un lugar que nos sorprendeu gratamente:

Igrexa de A Cazolga:

Outra imaxe desta aldea na que destacan as súas coidadas vivendas:

 Baixamos deseguida ata o río Masma que nos vai acmpañar na maioría do Camiño de hoxe:

Pasamos de ir á súa beira a velo aló abaixo, pero será por pouco tempo.

Agora imos subindo de xeito moi suave por unha pista forestal. A Cazolga queda ao lonxe:

Subimos por esta pista forestal uns metros:

E atopamos esta vivenda deshabitada no medio do monte:

OLLO CON ESTE CRUCE!! Aquí hai tres camiños, de frente o que traemos, outro que sube á esquerda; e o que temos que pillar: para abaixo á dereita(por onde está a rama caída) Non hai sinal que o indique, só o sinal do km. 15 pero non se ve ata chegar a el e por riba , está roto:

Imos de novo ao encontro co Masma:

E xa o atopamos!! O río Masma é ancho e leva moita auga. Nace na Serra do Xistral e despois de pasar polos concellos de Abadín, Mondoñedo, Lourenzá e Barreiros desemboca, formando a Ría de Foz, no mar Cantábrico.

Volvemos agora alonxarnos do río momentáneamente:

Este Camiño Natural está sinalizado km a km:

Deseguida, a paisaxe ábrese e aló embaixo volve aparecer o Masma:

Neste punto desviámonos uns metros da ruta para ir ver as ruínas da central hidroeléctrica que houbo neste lugar.

  

Chámase o Pozo Capitán e pertence xa a parroquia de Barreiros porque estamos en Celeiro de Mariñaos:

Aquí o ruído da forza da auga é estremecedor:

Voltamos sobre os nosos pasos e continuamos o Camiño que en todo momento é moi doado de andar:

Ao fondo, o río Masma e ao lonxe a autovía A-8

Deixáramos o río pero deseguida volvemos xunto a el:

Imos pasar por entre as primeiras casas dende que saimos. Estamos en Celeiro de Mariñaos. O monte que vemos de frente, é o Pico de Cornería:

Á dereita vemos prados inmensos onde pastan as vacas e á esquerda, queda o monte:

O Masma segue á  nosa dereita, agora ben cerquiña:

E non podiamos atopar mellor sitio para comer. Un lugar que non soubemos se é público ou privado:

Seguimos co río á dereita e seguimos en Celeiro de Mariñaos(concello de Barreiros)

Imos por asfalto pero non importa, son pistas secundarias e ningún autómovil nos cruzamos.

MOITO OLLO neste cruce: O sinal parece indicar que sigamos de frente pero NON!

O Camiño colle á esquerda e abandonamos definitivamente o río Masma.

E non estamos no Levante, non. Esto é Galicia e vaia ben sabían as laranxas!!

Celeiro:

 Imos camiño de Vilaronte xa no concello de Foz.

Deseguida chegamos á Baesta, un lugar da parroquia de Vilaronte. Estamos no concello de Foz.

Xa podemos ver ao lonxe o Cantábrico:

Abandonams o asfalto para subir lixeiramente por este camiño de terra sen deixar de ver prados e máis prados:

Estamos no barrio de A Rúa, en Vilaronte.

E aquí imos rematar a nosa andaina de hoxe. Quédanos o último tramo, dende aquí ata Foz.