Partimos dende O Castro que hai nesta mesma localidade. Un castro pequeno (e grazas que deixaron algo, xa que estivo sendo expoliado durante moitísimos anos polos veciños que descoñecían o valor patrimonial e histórico e quitaban as pedras do Castro para o que necesitaban)
Este castro, único que existe na costa cantábrica galega, está datado entre os séculos I e III d.C. Foi excavado nos anos 1963 e 1965 e as últimas actuacións no mesmo relizáronse entre 1988 e 1993. Dende esa foise consolidando como un ben digno de coidar e visitar e recibe bastantes visitas.
CARACTERÍSTICAS DA RUTA:
Loxitude: 10 km. aprox.
Dificultade: fácil
Ruta lineal ben sinalizada.
DESCRIPCIÓN:
Antes levamos un coche á praia de Areoura xa que a ruta é lineal.
Visitamos o Castro xa que o aparcadoiro onde deixamos os coches, está ao lado. Empezamos camiñando ao carón da praia de Area Longa que é compartida por dúas parroquias: Fazouro e Nois por un paseo que se habilitou hai uns anos.
Despois duns 500m. aprox. entramos xa en Nois e a partires de aquí, a ruta vai por carretera(con moi baixa circulación) e pegadiña ao mar ata chegar ao paseo marítimo de Cangas.
Pasamos ao lado da igrexa e da praia das Polas de Nois e entramos na parroquia de S. Pedro de Cangas alonxándonos da beira do mar durante uns 50m. para voltar deseguida a ver unha pequena praia ben fermosa cun nome singular: Area da fame que está case pegada a outra máis coñecida: a praia dos Xuncos.
A partires de aquí, imos por asfalto uns 20m. para voltar outra vez á beira do Cantábrico, cruzamos un pequeno tramos de monte (outros 20m) e chegamos á desembocadura dun rego no mar nunha praia salvaxe moi fermosa.
A partires de aquí, comenza o fermoso paseo marítimo de Cangas que nos deixa estampas cara ao Cantábrico moi fermosas. Veremos a praia de S. Pedro case salvaxe, preciosa, cun acceso non apto para todo o mundo; nós si que baixamos a ela por unha escaleiras rudimentarias e un carreiro. É unha praia solitaria xa que apenas ten area, só pedras que fan dificil a estancia nela.
Nesta praia contemplamos os illotes chamados "O Castelo".
Pasamos ao carón do restaurante "Selmira", moi coñecido en toda a zona da Mariña e da igrexa de Cangas coa súa inmensa rectoral que dá idea da riqueza do clero en tempos pasados. A casa rectoral era sempre unha das mellores da aldea.
Un pouco máis adiante atopamos unha coidada área recreativa cunhas excelentes vistas e bordeando o campo de fútbol, saimos á carretera xeral. Imos por esta carretera uns 20m. ata pillar á dereita pola antiga carretera vella pola que camiñamos uns 30m. e saimos paralelos á carretera xeral outra vez. Imos por este sendeiro pegado á carretera e deseguida chegamos á praia de Areoura, punto final do noso percorrido costeiro.
IMPORTANTE: o último tramo da ruta (dende o campo de fútbol de Cangas ata coller a carretera vella) non o fixemos polo sitio oficial nunha 1ª vez. Logo volvín outro día e eu si que a fixen polas indicacións oficiais de Camiño Natural do Cantábrico. Hai que cruzar a carretera e seguir os sinais que nos levarán despois de atravesar unhas casas, por un monte. Indo por este lado damos unha pequena volta de 2km. e sairemos igualmente á carretera vella.
Indo por onde fomos o 1º día, aforramos km. e non perdemos nada xa que non ten moito "aquel" indo pola ruta oficial.
GALERÍA DE FOTOS:
 |
| Castro de Fazouro |
 |
| Ao fondo vemos o barrio de Lousada en Fazouro |
 |
| A praia de Area Longa na parte que pertence a Fazouro |
 |
| Paseo marítimo en Fazouro |
 |
| Ao fondo a praia de Area Longa |
 |
| Igrexa de Nois |
 |
| Imos por asfalto pero pegados ao mar |
 |
| Praia das Polas, en Nois |
Ningún comentario:
Publicar un comentario