Despois de facer a ruta da cascada de Faedo, como foi tan curta aínda me sobraba moito tempo e quixen aproveitar a viaxe para realizar outra ruta que tamén tiña pendente e queda cerca da anterior, no veciño concello de Castrillón, na parroquia de Santiago del Monte.
Castrillón é un concello do Principado de Asturias. Atópase situado na zona costeira central de Asturias. O aeroporto de Asturias está situado neste concello. (Moita xente, incluida eu, pesabamos que o aeroporto estaba no concello de Avilés, pero non, está no de Castrillón) que ten unha poboación de ao redor de 22.855 habitantes e a súa capital é Piedras Blancas. Castrillón é un concello que está estreitamente relacionado con Avilés e en cuxo sector industrial quedou integrado, desde hai xa moito tempo.
Neste concello xa realicei outras rutas. Pinchando no nome podes velas:
PRADO DEL MARQUÉS NA SERRA DE PULIDE
Hoxe fichen unha ruta circular no interior.
Características:
Lonxitude: 6 km.
Dificultade: fácil.
Ruta circular sen sinalizar. O meu track en WIKILOC
Descrición:
Inicio esta ruta xunto á igrexa parroquial de Santiago del Monte. O nome tradicional desta parroquia é El Monte.
 |
| Igrexa de Santiago del Monte |
Ao pé da igrexa, hai un carballo centenario que chama a atención polo grande e fermoso que é e que estivo en perigo de morrer axfisiado por unha hedra tal e como di a prensa no ano 2017. Houbo protestas e a hedra foi quitada. A árbore loce hoxe chea de vida!!
 |
| Carballo centenario no adro da igrexa. |
A igrexa foi reconstruida nos anos 50 e forma parte do percorrido do Camiño de Santiago Norte.
 |
| Igrexa de Santiago del Monte |
A ruta vai seguir ao principio o mesmo itinerario que o Camiño de Santiago.
Deixamos momentaneamente o asfalto.
Despois de baixar unhas escaleiras e cruzar a N-643, subimos outras escaleiras.
 |
| Unha paneira |
Estamos a introducirnos no Monte da Granda e xa estamos nos límites co concello de Soto del Barco.
 |
| Monte da Granda |
 |
| Mina a ceo aberto |
A Lagoa do Monte da Granda (eu só vin unha) xa en Castrillón de novo, é un estanque natural que podemos contemplar dende o mesmo camiño polo que imos asomándose a unha beira (hai carreiriños pequenos moi visibles para asomarse)
 |
| Lagoa de Monte da Granda |
A mesma lagoa anterior, dende outro punto moi cercano.
 |
| Lagoa de Monte da Granda |
Baixamos o Monte da Granda, para min o tramo máis feo da ruta, polo medio de eucaliptos e desembocamos na AS-318. Pillamos á dereita e un pouco máis adiante pillaremos de novo á dereita por un camiño.
 |
| Desembocando en AS-318 |
Ao pillar o camiño, vexo á esquerda outro que acurta algo a ruta que eu levo planificada e aló vou!
Só camiño uns poucos metros e teño que dar a volta. O camiño péchase completamente no punto que vemos na foto seguinte (non no valado que vemos pechando unha finca, o camiño seguiría de frente). Algún día si que houbo por aí un paso, pero moitísimos camiños agora quedaron sen uso e o seu estado é deplorable.
 |
| Camiño pechado |
Sigo polo camiño planificado que está rozado.
Ás veces estreitase pero pásase perfectamente.
É un fermoso camiño.
Desemboco no barrio de El Cueplo de novo e agora fago o mesmo percorrido que á ida.
 |
| El Cueplo |
O Cueplo foi zona vaqueira, coñecida como "la raza del Cueplo". Eran xente que vivían nesta aldea e na próxima braña de Panizales.
Non me dou conta das escaleiras polas que antes subín, non se ven dende a estrada e en lugar de baixar por onde antes subín, sigo e chego á estrada N-643 que teño que atravesar.
Deseguida chego de novo á igrexa onde comín no adro á sombra xusto cando o sol saeu e empezaba a pegar forte.
Páxinas web consultadas:
https://gl.wikipedia.org/wiki/Castrill%C3%B3n,_Asturias
https://castrillon.es/attachments/article/2032/CS%20Castrill%C3%B3n%20Espa%C3%B1ol.pdf
Ningún comentario:
Publicar un comentario