MADEIRA (7º DÍA)

 Hoxe visitaremos en 1º lugar Monte para baixar (quen o desexe) nas típicas cestas que fan as "carreiras de Monte" 

Monte está a só 6 km. de Funchal e ademais de vehículo, tamén se pode accder en teleférico como fixeron o día antes algúns membros do grupo.

Esta vila foi no pasado un antiguo sanatorio para a alta sociedade europea.

Volvín arrepentida de non haber visitado os xardíns da "Quinta Tropical Monte Palace" xa que tivemos oportunidade de facelo a estou lendo o espectaculares que son. En fin...haberá que volver a Madeira...

O primeiro que visitamos en Monte foi a igrexa de Nosa Señora do Monte que se levanta sobre unha colina  e foi edificada onde houbo unha capela no S. XV edificada por Adam Gonçalves Ferreira que xunta coa súa irmá Eva, foron os primeiros nenos nados en Madeira.

Igrexa de Nosa Señora do Monte

Os famosos Carros de Cesta son actualmente un gran atractivo turístico en Monte. Ao longo de 2 km. descéndese nestes carros feitos de madeira e vimbio que en tempos pasados era a solución máis rápida para baixar ata Funchal. Estes carros son conducidos por homes vestidos todos de branco e cun sombreiro de palla chamados "carreiros" que guían con precisión e frean coas súas botas de suela moi grosa para evitar que o trineo poda volcar por unhas empinadas rúas.

Os homes esperando polos turistas cos seus carros cesta 

Foi unha boa experiencia baixar netse carro cesta!!

Despois fomos ata o miradoiro de Pico dos Barcelos dende onde temos unhas boas vistas de Funchal e as montañas circundantes.

E seguimos viaxe ata Eira do Serrado, a 1095 m. de altitude dende onde temos unhas magníficas vistas do val onde se atopa Curral das Freiras e as enormes montañas que o rodean. Aquí mesmo comemos, nun restaurante cunhas vistas espectaculares.

Curral das freiras aló embaixo

Curral da Freiras (valle de las monjas) está situado nun profundo val rodeado de montañas e lonxe do mar. No S. XVI chegaron aquí unhas monxas escapando do ataque dos piratas, de aí o nome do lugar. Neste lugar tan illado, os seus habitantes viven do que cultivan e algo do turismo. Son moi famosas as castañas desta zona coas que se elaboran multitude de receitas.

E de volta ao hotel, dispoñemonos a facer as maletas xa que ao día seguinte pola mañá tocaba coller o avión de volta a Galicia.

Despedímonos de Madeira, dunha viaxe inesquecible a esta marabillosa illa á que teño que volver xa que aínda que vimos os lugares máis emblemáticos e aínda que a illa é pequena ten moitísimo para ver: Teño que ir aos xardíns da Quita Tropical Monte Palace, a Machico, a Calheta e sobre todo realizar algunha ruta de sendeirismo: a que vai a Pico Ruivo (aínda que só sexa un tramiño) a do Furado, a de S. Lourenzo...en fin...moitos motivos para volver...

Fontes dixitais:

Curral das Freiras - Valle de las Monjas, Isla de Madeira (madeira-web.com)

Portugal - Guía de turismo y hoteles en Portugal (turismoenportugal.org)