Características:
Lonxitude: 6,2 km.
Dificultade: fácil
Ruta circular sen sinalizar. O meu track en WIKILOC
Descripción:
O Vilar é un lugar da parroquia de Santiago de Mondoñedo que no 2003 xa estaba deshabitada. As dúas familias propietarias cedérona ao concello de Mondoñedo para a súa rehabilitación.
A aldea conta cun Albergue de Natureza, unha Aula de Natureza e un Centro de Recepción BTT. Conta tamén cun Centro de Interpretación da Prehistoria.
O complexo restaurado está nun entorno natural autóctono precioso e illado, ideal para o descanso, pero a día de hoxe atopámolo bastante descoidado, con ortigas ao redor de varios edificios.
Pois dende este complexo rehabilitado, empezamos esta ruta. Na foto, entorno de O Vilar.
O Vilar foi unha aldea tradicional que, coma moitos núcleos da zona, quedou deshabitada polo declive das actividades agrícolas tradicionais.
 |
| O Vilar |
A partir da cesión en 2003, o Concello de Mondoñedo traballou na rehabilitación do conxunto etnográfico, incluíndo un albergue de 54 prazas e un espazo dedicado á Cova do Rei Cintolo.
 |
| O Vilar |
Non é unha aldea abandonada hoxe en día, senón un complexo etnográfico e turístico funcional, visitable e adicado á divulgación da prehistoria.
 |
| O Vilar |
 |
| O Vilar |
 |
| O Vilar |
Alonxámonos de O Vilar por este fermoso carreiro que xa coñeciamos de cando fixemos a "Ruta da Auga"
Mondoñedo segue conservando fragas autóctonas e unhas paisaxes moi fermosas.
Unha paisaxe de conto:
Pasamos pola aldea de O Pacio.
 |
| O Pacio |
O río ou rego de Valiñadares é moi importante no concello de Mondoñedo xa que no barrio de Os Muíños bifúrcase en varias canles formando un barrio enxebre moi antigo e onde, grazas á auga, se desempeñaban distintos oficios relacionados con ela.
Forma tamén este río un fermoso val con aldeas tradicionais e unha paisaxes verdes autóctonas marabillosas.
É un afluente do río Masma.
O percorrido non pode ser máis fermoso:
Chegamos a unha bifurcación. Pillando á esquerda, iriamos pola Ruta da Auga pero nós imos á dereita porque a nosa ruta é outra.
O carreiro que imos atravesar agora é o peor tramo desta ruta; pasar, pásase pero se alguén non o remedia axiña vai acabar por pecharse de felgos e silvas. Sería unha pena porque é precioso!
O camiño chega a unhas casas totalmente abandonadas , moi cerca de A Valiña.
Os cabozos son os que se case sempre se conservan mellor.
A natureza é exuberante.
Chegamos á Valiña, que xa pertence á parroquia de S. Vicente de Trigás.
A Valiña
O can e o galo non se separaban e acompañáronnos ata a saída da aldea.
Este fermoso camiño vai levarnos ata Bicos.
Dende uns metros antes xa divisamos Bicos. Estamos xa no concello de Abadín.
Camiño chegando a Bicos.
En Bicos estivemos falando cunha muller que vive aí e díxomos que actualmente vivían nesta aldea, 6 habitantes.
Bicos
A aldea está dividida en dous barrios. Na foto, ao lonxe vemos Bicos de Arriba e pasamos por Bicos de Abaixo.
 |
| Bicos de Arriba e de Abaixo |
Dende Bicos xa iremos por asfalto ata o final de ruta, pero non importa xa que por estes lugares illados e con tan poucos habitantes, non nos cruzamos con ninguén.
Esta capela é do S. XVI e ao pé dela pasa o Camiño Norte de Santiago.
 |
| Casabella |
Paisaxe de Mondoñedo, concello que ten un potencial tremendo para rutas de sendeirismo, a ver se un día se deciden a coidalas e promocionalas. Que ninguén se preocupe pola masificación destes lugares, a inmensa maioría da xente vai a sitios onde chega ben o coche a facerse selfies, os que andamos por carreiros e camiños, somos moi pouco/@s.
Ningún comentario:
Publicar un comentario