ALGO SOBRE AS PONTES (A CORUÑA)

 O día que fixemos a ruta de sendeirismo Ribeiras do Bispo-Augas Caídas no concello de Mañón

Rutas de sendeirismo: RIBEIRAS DO BISPO - AUGAS CAÍDAS (MAÑÓN- A CORUÑA) PR-G 204

 sobrounos tempo pola tarde e de volta para a casa paramos nas Pontes.

Desta vila eu coñecía xa un pouco de cando fixemos unha ruta neste concello:

Rutas de sendeirismo: FERVENZAS DE BERMUI E SOMEDE (AS PONTES DE GARCÍA RODRIGUEZ)

A verdade é que aquí traio moi pouco xa que é moito o que esta vila e este concello ten que ofrecer como o casco vello, a área recreativa de O Caneiro, as distintas pontes que cruzan o Eume...etc  que non visitamos, pero só foi unha parada e non deu tempo a máis.

Chamounos moito a atención esta igrexa, tan diferente das que estamos acostumados a ver. Trátase da igrexa do Poboado das Veigas.

Contruída no S. XX(ano 1965) por orde de Luís Arias Martínez, presidente nesa época da empresa nacional "Calvo Sotelo", actúal ENDESA.

É de estilo modernista imitando ao Neoclásico con emprego de materiais nobres como a madeira, o mármore ou o granito.

Está dedicada á Nosa Señora da Luz

Igrexa do Poboado das Veigas

Igrexa do Poboado das Veigas

Pasamos por esta praciña:

E subimos por estas escaleiras que se atopan ao pé da Biblioteca Pública. Nelas hai este experimento creativo onde se mesturan a poesía e o graffiti. Chámase "Graffiti Literario" e é froito da colaboración das poetisas e poetas do grupo Alalá (agrupación literaria formada por varias persoas no 2003 e que teñen como fin escribir versos en L. galega) e o graffiteiro pontés Rubén Moledo.

Vemos a moderna Praza de Abastos:

E pegado á praza está o parque municipal. Este é un parque moi amplio cunha zona preciosa para os máis cativos:

Ten moitas árbores e flores:

O edificio amarelo do fondo, é a sede do concello:

Este precioso edificio pegado tamén ao parque, é un CEIP (centro de Educación de Infantil e Primaria) :

Nesta foto vemos un dos elementos máis coñecidos deste concello: a grande chimenea da industria térmica.

O parque da lembranza:

E por último, estivemos nun lugar que é o emblema de As Pontes: na súa lagoa artificial. Esta lagoa foi construída no sitio onde antes houbo unha mina de lignito a ceo aberto: a que surtía de carbón á Central Térmica. Cando esta mina se pechou (no 2007, despois de 37 anos de actividade)),  a empresa ENDESA que era a propietaria, pranteou á Xunta de Galicia un proxecto para recher ese oco con 547 millóns de m. cúbicos de auga procedente da chuvia e do río Eume. Este traballo rematou en 2012. A lagoa ten unha profundidade máxima de 206m e unha lonxitude de 5km. É unha das lagoas máis grandes de Europa. 

Este proxecto foi galardonado varias veces por distintos organismos polo seu compromiso para rexenerar esta zona creando un novo ecosistema onde habitan moitas especies animais e vexetais. Ademais a lagoa serve de centro de ocio e esparcemento sendo usada como praia e para practicar diversos deportes náuticos.

RIBEIRAS DO BISPO - AUGAS CAÍDAS (MAÑÓN- A CORUÑA) PR-G 204

 O concello de Mañón é o máis septentrional de España pois aquí está o cabo de Estaca de Bares que é o punto máis ao norte da península Ibérica. O municipio é unha estreita e longa franxa de terreo entre as provincias de Lugo e a Coruña ocupando Mañón a parte occidental do río Sor que fai de fronteira natural entre as dúas provincias. A capital deste municipio é O Barqueiro.

O río Sor é neste concello un fermosísimo espazo natural onde a cor verde e as árbores autóctonas máis variadas se dan cita para conformar unha ruta de sendeirismo espectacular e ademais moi fácil. 

Nós xa fixéramos hai 7 anos a ruta Ponte Segade- Augas Caídas. Daquela a ruta non estaba homologada e carecía da sinalización suficiente, aínda así nós demos subido ao mirador de O Couce por un sendeiro cheo de maleza e en absoluto preparado como o que hai agora.

Esta ruta pódese ver no enlace seguinte:

Rutas de sendeirismo: RUTA PONTE SEGADE- AUGAS CAÍDAS (MAÑÓN- A CORUÑA)

O track da ruta da que imos falar, está ao final.

Características:

Lonxitude: 12,1 km.

Dificultade: fácil

Ruta lineal perfectamente sinalizada.

Descripción:

A ruta empeza AQUÍ

Empezamos pegados ao río Sor:

Aos 400m. da saída xa atopamos o 1º refuxio: o de Ribeiras do Bispo. 

No pasado, este refuxio foi un muíño como se pode observar na canalización e dentro do mesmo aínda está o rodicio:

Aquí o Sor baixa con forza:

Todo é verde e frondoso:

Moitísimas especies de árbores autóctonas medran ás beiras do río:

Nalgunha zona, xa empezan a facer acto de presenza os eucaliptos:

A ruta está moi ben acondicionada e sinalizada:

Refuxio de Cascón por dentro:

E por fóra:

Refuxio de Cascón

Continuamos o noso camiñar entre frondosa vexetación e pegados ao Sor:

E xa chegando a Ponte Segade, imos pola estrada uns 200m:

A área recreativa de Ponte Segade foi unha das primeiras acondicionadas para desfrutar e conservar o patrimonio natural desta zona:

Despois de descansar e picotear algo, seguimos ruta por estes paraxes tan fermosos:

E vovemos ver outra zona onde o eucalipto ameaza:

Ao pouco, chegamos ao Refuxio de Salustio:

Agora cruzamos a ponte e estamos xa na provincia de Lugo, no concello de O Vicedo:

Camiñaremos durante 500m. aprox. por esta pista forestal:

E logo por este camiño uns metros máis:

Ata chegar ao refuxio de Fonte Cubelas:

Volvemos de novo a camiñar pegados ao río:

E atopamos este muíño restaurado:

Por esta ponte cruzaremos agora ao outro lado:

Tamén atopamos os restos dunha ouriceira (lugar pechado onde se gardaban os ourizos das castañas para protexelos dos posibles ataques de animais)

Despois dun pequeno percorrido en zig zag, chegamos á fervenza de Augas Caídas:

O rego O Seixo salva un importante desnivel e produce esta fervenza que cae no Landro:

Agora empeza unha empinada pero curta subida que non supón ningún perigo xa que hai pasamáns para agarrarse:

Ao chegar arriba (onde deixarámos un coche) hai un mirador e unha área recreativa: O Couce. Neste fermoso e recóndito lugar foi onde comemos.

Este é o lugar onde o Seixo se atopa co desnivel no terreo e produce a fervenza:

Área recreativa de O Couce

 

Dende aquí hai un fabuloso miradoiro que nos permite ver o Sor encaixonado entre as montañas da serra da Coriscada:

Powered by Wikiloc