FERVENZA AUGACAÍDA (PANTÓN-LUGO)

 Despois de realizada a ruta Cibrisqueiros- S. Cosmede neste mesmo concello de Pantón (Rutas de sendeirismo: RUTA CIBRISQUEIROS A S. COSMEDE. PR-G 181(PANTÓN) achegueime  á Fervenza de Augacaída para visitar esta coñecida cascada. 

A fervenza é espectacular pola súa altura e polo fermoso percorrido que leva ata ela pero...non desfrutei nada de nada desta pequena ruta: estaba totalmente masificada!!! Non sei se porque era un domingo con bo tempo e a xente estamos deseosos de saír ou porque a ruta está super ben indicada dende a carretera xeral...ou por todo...o caso é que aquelo parecía unha romería. Tiñas que ir apartándote da xente que ía e volvía (O percorrido é lineal) e na base da fervenza...Tremenda aglomeración! Era imposible sacar unha foto. Eu baixei un pouco pola ladeira para poder facelo e dei a volta axiña. 

Eu, que escapo das aglomeracións e máis facendo sendeirismo, propúxenme volver un día pola semana ou cando teña mal tempo para poder desfrutala coo é debido e visitar ademais o Castro e a aldea de Marce, incluidos tamén no percorrido e que desta vez non me animei a facer.

Características:

Lonxitude: 4,3km. en total, ida e volta (indo á aldea e castro de Marcé)

Dificultade: baixa, salvo os últimos metros á fervenza que ten unha pronunciada costa pero son moi poucos metros.

Ruta lineal perfectamente sinalizada.

O inicio desta ruta está AQUÍ

Imos por un sendeiro de terra entre vexetación autóctona agardando que chegue a primavera:

 De que esta ruta é moi visitada dá fe que ata instalaron un chiringuito que a verdade non pega moito aquí...

Teño que volver para visitar a aldea de Marce

Antigua bodega de pedra:

O camiño estréitase agora:

Baixamos por unhas escaleiras:

Antes había que baixar á fervenza agarrándose a unhas cordas, dende hai un tempo a Deputación de Lugo colocou esta pasarela de madeira.

E chegamos á fervenza que ten unha caída de 40m e forma parte do río Aguianza:

Mellor neste vídeo:

O río Miño que semella aquí un lago:

Máis fermosas estas escaleiras naturais:

Acacias mirando ao Miño

RUTA CIBRISQUEIROS A S. COSMEDE. PR-G 181(PANTÓN)

 O concello de Pantón ten varias rutas de sendeirismo homologadas. Hoxe fixen dúas porque eran curtiñas: a de Cibrisqueiros a S. Cosmede e a de a fervenza de Augas Caídas. Debo dicir que son preciosas as dúas pero gustoume máis a de Cibrisqueiros a S. Cosmede porque a da fervenza está masificada, había demasiada xente para o meu gusto e non a desfrutei como me gustaría.

O concello de Pantón está no sur da provincia de Lugo , na Ribeira Sacra lucense. A capital do concello é Ferreira. Éste municipio é moi rico en patrimonio natural e en patrimonio románico con varias igrexas e mosteiros dignos de ser visitados.

Situación do concello de Pantón dentro da provincia de Lugo:

Eu empecei por visitar a capital do concello e sorprendeume a preciosa praza que ademais estaba moi animada coa xente tomando o café nunha inmensa terraza no Centro Cultural e social que tamén se atopa alí mesmo:

De camiño á parroquia de S. Vicente de Pombeiro onde empeza a ruta, parei a tomar fotos da Presa dos Peares:

Os Peares goza dunha complexa situación xeográfica e administrativa ao estar dividido en   dúas provincias diferentes (Lugo e Ourense)

O río Sil:

Imos xa coa ruta Cibrisqueieros a S. Cosmede.

É unha ruta moi curtiña pero bastante esixente nalgún tramo por eso parece que os km. son máis. O percorrido non ten desperdicio xa que camiñaremos entre unha frondosa vexetación (aínda que as acacias van gañando terreo e dentro de pouco se non poñen remedio será a única especie arbórea que se vai poder ver ao ser esta unha planta moi invasora) Camiñaremos tamén entre grandes rochas de inmenso tamaño algunhas e coas máis variadas formas. 

É unha ruta con elementos etnográficos moi interesantes como son as tumbas antropomorfas e a aldeas abandonadas ademais dunha xoia románica como é a igrexa de Pombeiro. A nosa ruta remata baixando ata o río Sil onde se atopa a capela e a aldea de S. Cosmede.

Aquí está a ruta en WIKILOC:

Powered by Wikiloc

Características:

Lonxitude: 6,3 km. (Ida e volta) A visita á igrexa románica de S. Vicente de Pombeiros 

fíxena no coche por problemas nun pé pero queda moi cerquiña da saída dende 

Cibrisqueiros.

Dificultade: Media 

Ruta lineal ben sinalizada.

Desripción:

A ruta empeza AQUÍ

Estamos na parroquia de S. Vicente de Pombeiro e dentro desta no barrio de 

Cibrisqueiros:

Volvendo a vista atrás, vemos as típicas aldeas das beiras do Sil, colgadas da ribeira:

As acacias vannos acompañar na maioría do percorrido. Nesta época (principios de marzo) están en plena floración:

Casetas en ruínas de Pedén:

Chegamos ao enclave onde están os sartegos antropomorfos, estes son tumbas con forma humana onde os fenicios e cartaxineses enterraban os seus mortos.

Dende o lugar onde se atopan os sartegos podemos ver o Sil aló abaixo. As rochas adquiren distintas formas chamativas:

Estes sartegos reciben o nome de "Tumbas do Preguntoiro"

Por un sendeiro entre rochas con musgo continuamos:

O noso camiño está plagado de acacias sobre todo no primeiro tramo. É esta unha planta 

invasora que está ocupando case toda esta ladeira sobre o Sil. O caso é que debido a época 

que era (principios de marzo) estaban preciosas, todas floridas e perfumando todo o 

percorrido.

As rochas tamén nos acompañarán practicamente todo o percorrido:

Moi ben se podía chamar esta ruta, a ruta das rochas:

Xa empezamos a ver outras especies arbóreas, agora mediterráneas debido ao clima que gozan estas ribeiras do Sil:

Nalgúns momemtos a vexetación presenta un claro que nos permite divisar o Sil:

Parece ser que estas rochas poden ser os restos dun antiguo glaciar:

Por todas partes vemos rochas graníticas. Temos unha importante baixada ata o Sil entre rochas.

Outro tipo de vexetación: o mediterráneo

E chegamos á aldea abandonada de Penaveada (non me estraña nada que leve ese prefixo)

Seguimos baixando:

Ata chegar á capela de S. Cosmede:

Grazas ao flash, temos a imaxe do interior:

Uns metros máis abaixo, á beira do Sil, temos a aldea de S. Cosmede:

Toca dar a volta polo mesmo sitio da ida e vemos uns rapaces facendo escalada. Rochas teñen...e de tódalas formas posibles...

E seguimos sorprendéndonos pola vexetación:

Xa de volta en Cibrisqueiros, vemos o cabozo polo outro lado e observamos o balcón propio de moitas casas das aldeas de galegas:

Estamos moi cerquiña da igrexa románica de S. Vicente de Pombeiro, que visito en coche.

Unha ruta inesquecible!!