CAMIÑO DOS FAROS (COSTA DA MORTE) TRAMO PORTO DE MALPICA-BARIZO

O Camiño dos Faros é unha ruta de sendeirismo que une Malpica con Fisterra pola costa e transcorre por 9 concellos. Ao longo dos seus 200 km. podemos ver tódolos faros desta zona e os principais puntos de interese da Costa da Morte.

É unha ruta que desperta sensacións únicas e na que se contemplan paisaxes moi diversos: faros, praias, cantís, dunas...pero tamén vilas mariñeiras, castros dólmenes.,.

Non é ningún paseo á beira do mar porque ten tramos dificultosos, desniveis, chan irregular xa que esta costa é moi abrupta e aínda que ten tramos moi sinxelos bordeando o mar tamén sube algún monte.

O Camiño dos Faros xurdíu no 2012 a partires da idea de 6 amigos que pensaron que sería boa idea unir Malpica con Fisterra pola beira do mar. Eles abriron o camiño. Logo fóiselles unindo máis xente e promocionaron esta ruta, dérona a coñecer en moi diversos medios, creouse unha Asociación, páxina en facebook e esta páxina á que vou poñer un enlace onde poderedes saber todo o referente á ruta, etapas, recomendacións para facela, historia da mesma...etc etc é unha páxina moi, moi  interesante, moi clara e instructiva. Se decides realizar esta ruta non deixes de botarlle un ollo.

Toda a información AQUÍ

É moi importante e, se entrades na páxina anterior poderedos lelo, o traballo inmenso que desenrolou esta Asociación de O Camiño dos Faros para promocionar esta ruta e poder homologala; algo que aínda non conseguiron e que dende logo parece mentira que unha ruta con tantísimo potencial paisaxístico, cultural e que redundaría sempre en beneficio económico para a zona non esteña homologada dende hai anos. Lendo o que eles contan, vense os atrancos que atoparon e os moitos organismos e administracións diversas coas que tiveron que lidiar. 

Enfin, poden sentirse ben contentos e orgullosos de promocionar, de dar a coñecer unha ruta que cada día ten máis adeptos e percorre máis xente. Nótase que aman a súa terra. Agora homologar, coidar, conservar decente esta fermosísima e importante ruta xa non depende das persoas particulares se non dos distintos concellos e /ou organismos competentes.

A ruta está dividida en 8 etapas pero a nós parécennos demasiado longas(20 e pico e incluso 32 km.) e decidimos dividir cada unha delas en dúas para así facelo máis levadeiro e desfrutar sen présa ningunha das marabillas que nos ofrece.

CARACTERÍSTICAS DA RUTA:

Lonxitude: 14 km.

Dificultade: Media

Ruta lineal ben sinalizada.

Saimos do porto de Malpica. A ubicación, AQUÍ

Porto de Malpica

Dende aquí, imos para atrás, cara ao Concello e pillamos unha rúa que nos leva directamente e deseguida á praia de Area Maior:

Praia de Area Maior no medio da vila

Imos polo paseo marítimo ata o final da praia e chegamos a outra pegada á anterior: a praia de  Canido:

A partires de aquí, imos por un sendeiro de terra cara á capela de S. Adrián:

Bebendo na fonte de Canido

Vemos a praia de Seaia e a capela de S. adrián ao lonxe, na punta do cabo:

Unha das varias fontes que atopamos. Neste caso, na praia de Seaia:

Outra fonte máis, preto da anterior. É a Fonte de Navenllos con tres caños:

O camiño a S. Adrián:

A capela de S. Adrián do mar ou San Hadrián (vímolo escrito das dúas maneiras) é do S. XVI pero no S. XX foi totalmente restaurada e honra a este santo que segundo a lenda salvou a comarca dunha praga de serpes. O santo pisou unha delas e as outras tiráronse ao mar converténdose en pedra.

Coma moitas capelas, ten a súa fonte milagreira. Din que cura as verrugas se se deixa un pano como ofrenda na vexetación que a rodea. A mín personalmente, como non creo nestas cousas, paréceme un verdadeiro atentado que se manche e se afee así a paisaxe.

Moi cerca da capela hai un mirador dende o que temos unhas fabulosas vistas de Malpica e das illas Sisargas:

Despois dunha pequena parada para fotos e descanso despois da subida, continuamos sen deixar de admirar e fotografar a marabilla de paisaxe que se nos ofrece:

O camiño está sinalizado con frechas e puntos verdes:

E fomos chegando a Beo:

Preciosa e tranquila praia:

E algo máis adiante á de Seiruga. Esta praia está situada nun entorno de gan valor natural xa que é o lugar elexido por diversas aves para aniñar ou facer unha parada nas súas viaxes:

Nesta praia hai que descalzarse para cruzar un río que a atravesa. Mellor que estea a marea baixa.

Saimos por unha das dúas pasarelas de madeira que hai e agora toca camiñar por asfalto uns 2 km. aprox ata chegar ao restaurante onde comemos e demos por rematada a etapa.

En Barizo:

Restaurante "O XAN" onde comemos excelentemente:

CONTINUAREMOS...

RUTA DAS CAPELAS DENDE O PILAR DA ESPIÑEIRA AO S. BLAS EN PORTO (FOZ- LUGO)

Esta ruta no concello de Foz non está homolagada nin sinalizada pero é case imposible perderse xa que transcorre toda ela por pistas da concentración parcelaria, en paisaxes abertos e coincide nunha parte coa Ruta do Camiño Natural de S. Rosendo que vai dende Mondoñedo a Foz. Transcorre polas parroquias de Vilaronte e S. Martiño.

É unha ruta moi interesante e aínda que vai practicamente toda por asfalto, son pistas de concentración con apenas circulación.(O día que eu a fixen só me crucei con dous coches en todo o percorrido de aprox. 8km.)

CARACTERÍSTICAS DA RUTA:

Lonxitude: 8km. aprox.

Dificultade: fácil

Ruta lineal sen sinalizar agás o tramo coincidente co Camiño Natural de S. Rosendo.

DESCRIPCIÓN:

Empezo a ruta no Campo da Feira da Espiñeira, ao pé da capela do Pilar.  A Espiñeira é un barrio ou lugar que pertence á parroquia de Vilaronte, no concello de Foz. Empezo AQUÍ

Campo da Feira en A Espiñeira

Capela do Pilar no Campo da Feira(A Espiñeira)

No Campo da Feira celebrábanse antiguamente importantes feiras de gando que hoxe en día están intentando recuperar. O día 12 de outrubro, neste lugar, tamén se celebra a festa en honra da Virxe do Pilar.

Situados diante da porta principal da capela, arrancamos de frente cruzando entre as árbores pasando entre as dúas casas, unha moi grande de pedra e a outra de cemento, como se ve na 1ª foto.

Xa poderiamos pillar pola 1ª pista á dereita pero prefiro seguir uns 100 m e pillar a seguinte xa que me parece máis fermoso o traxecto:

Ao lonxe, Vilaronte

Temos que xirar neste cruce á dereita:

E camiñaremos por esta pista entre verdes campos:

E sí, por onde está esa masa verde de árbores pasa un pequeno rego:

Paisaxes abertas:

Chegamos ao barrio de A Rúa.(Seguimos na parroquia de Vilaronte)

Imos chegar deseguida a un cruce onde veremos o 1º letreiro da ruta Camiño Natural de S. Rosendo e a partires de aquí seguiremos esas indicacións ata chegar á capela do Carme en S. Martiño.

Á nosa dereita podemos ver ao lonxe a ría de Foz:

Vin moitos castiñeiros:

Chegamos a outro cruce no que colleremos á dereita seguindo a sinalización:

Máis castiñeiros. No cruce que se ve ao fondo, colleremos á esquerda:

Nunha finca privada, poidemos ver unha gan variedade de árbores:

E continúan os castiñeiros, que nesta época están en plena floración:

E xa estamos na parroquia veciña de S. Martiño de Mondoñedo:

No barrio de O Carme. Había neboa. O que se divisa ao lonxe é o mar.

Castiñeiro centenario ao pé da capela

Capela do Carme, en S. Martiño

Esta capela, situada no alto de Liboreiro, goza dunha gran cantidade de visitantes que son devotos da Virxe do Carme. Xentes de S. Martiño, de Vilaronte, Foz e outros lugares acuden frecuentemente a esta ermida.

Os arredores da capela son exuberantes en vexetación

Abandonamos no cruce o Camiño Natural de S. Rosendo que iría á basílica de S. Martiño. Nós seguimos de frente.

Non só hai eucaliptos. Nesta ruta desfrutamos de moita diversidade arbórea:

E empezamos a ver a vila de Foz co mar e a ría:

Foz dende o barrio de Xinzo

Neste cruce podemos optar por continuar de frente ou coller á dereita. Eu collín á dereita.

E aquí tamén poderiamos coller á esquerda pero eu optei por seguir de frente xa que vin unha gran masa arbórea ao fondo:

Por alí vai o río Centiño pero non se pode ir á súa beira xa que todo son fincas privadas nalgúns casos con peches eléctricos para que non escape o gando pero aínda que por asfalto toda a ruta nos brinda unha fermosa vexetación:

Pasei polo barrio de Río:

E cheguei aos muíños de Leandro. En tempos pasados houbo aquí uns muíños que aproveitaban a auga do río Centiño; hoxe están restaurados 

E cheguei ao final desta ruta na capela de S. Blas, en Porto.