RUTA DOS PINTORES. A FONSAGRADA

En xaneiro de 2016 volvemos a Fonsagrada a facer a 2ª ruta por estas terras que tanto nos gustan.

Esta sinxela ruta é chamada "Ruta dos Pintores" en honor a dous pintores desta zona que gozan de prestixio; pasaremos polas súas aldeas natais e percorreremos magníficos bosques autóctonos.

Situación de A Fonsagrada nun mapa de Galicia:

CARACTERÍSTICAS DA RUTA

Lonxitude: 11,5km.

Dificultade: Media-baixa

Ruta circular ben sinalizada.

DESCRIPCIÓN:

A ruta empeza na aldea de A Trousa(cruce de O Relaio) Para localizar esta aldea, pincha AQUÍ

O camiño empeza sendo ancho e cómodo en lixeiro descenso entre castiñeiros e carballos:

Por unha pasarela de madeira cruzamos o río Ferraría:

Castiñeiros centenarios nos acompañan:

Ata chegar á igrexa de Santa Mª de Allonca, inmersa en plena fraga:

Continuamos por un estreito sendeiro descendente no medio da fraga que agora no inverno aparece desnuda:

Hai musgo pola humidade(O río está preto)

Chegamos á beira do río Allonca coa súa ponte e co seu muíño e a vivenda do miñeiro anexa. Cantas historias gardarán estas encantadoras paraxes!!:

A casa do muiñeiro:

Agora empezamos a ascender e chegamos á aldea de Allonquiña onde parece que non vive ninguén e á que non chega ningún acceso por carretera. Nesta aldea naceu o pintor Miguel López Monteseirín.

E chegamos á capela de A Allonquiña:

Agora imos costa  arriba pero o camiño é cómodo:

Para subir a Pántaras o camiño segue a ascender. Nesta aldea naceu o outro pintor que dá nome á ruta: Benxamín Vázquez:

Pántaras

Un descenso pola fraga lévanos á carretera pola que voltamos aos coches.

Rematamos cun xantar no restaurante "Manaia sea ela" na Fonsagrada:

RUTA DE LOS MOLINOS (CUEVAS DEL AGUA- RIBADESELLA)

Esta ruta empeza e remata en Cuevas del Agua, pequena vila que apenas ten 50 habitantes  a uns 6km. de Ribadesella, concello ao que pertence. É unha ruta sinxela e de gran beleza.

A única maneira de chegar a Cuevas del Agua é atravesar unha cavidade natural na rocha chamada "A Cuevona". Son cerca de 300m. de lonxitude por carretera asfaltada que se poden atravesar co coche, pero para desfrutar deste percorrido é mellor facelo a pé (con coidado xa que circulan coches nas dúas direccións) O lugar conta con iluminación artificial e podemos ver as súas formacións calcáreas como estalactitas e estalagmitas.

Cuevas del Agua, onde a ruta empeza e acaba:

Situación de Ribadesella nun mapa de Asturias: (o nº 55 corresponde a Ribadesella)

Para ver a situación exacta de Cuevas del Agua, pincha AQUÍ

Lonxitude: 12 km.

Dificultade: Baixa

Ruta circular ben sinalizada

Descripción da ruta:

A ruta empeza paralela á vía:

Camiñamos ás beiras do río Sella:

Ímonos introducindo na vexetación:

E vendo muíños :

Abandonamos o entorno dos muíños e imos dirección Tresmonte por unha exuberante senda:

E chegamos á carretera:

Visitamos a aldea de Tresmonte que está habitada por só unha familia:

Despois, voltamos sobre os nosos pasos e collemos unha pista que vai ganando altura:

E imos tendo vistas espectaculares:

Tamén sobre o río Sella:

E xa nos imos achegando de novo a Cuevas del Agua.

Xantamos en Ribadesella e coma sempre....foi un día estupendo!!

RUTA DA CUBELA PR-G 180 RIBAS DE SIL

A ruta da Cubela é unha das máis fermosas da Ribeira Sacra . Metade da ruta trascorre ás beiras do Sil e a outra metade por zonas máis elevadas, con bosques autóctonos.

Durante o percorrido veremos pequenas aldeas, case todas en estado de abandono, soutos centenarios, o meandro que forma o Sil na Cubela, as terrazas con vides...

LONXITUDE. 13,5km.

Dificultade: media

Ruta circular ben sinalizada.

DESCRIPCIÓN DA RUTA:

Esta ruta empeza e acaba en Castro de Abaixo,(zona de Augasmestas) aldea que pertence ao concello de Ribas do Sil (provincia de Lugo). 

 A ruta empeza e acaba AQUÍ

Ao ser circular, podemos ir cara á Cubela ao subir ou ao baixar, nós escollemos que a veriamos ao baixar porque a subida dende A Cubela ata Torbeo  é bastante máis complicada.

Iniciando a ruta en Castro de Abaixo:

Ao pouco atopamos cereixas. Moitaaaas!!!!

Seguimos camiñando por unha estreita senda de castiñeiros e vendo o Sil:

Casas abandonadas e unha gran fusión de árbores: castiñeiros,madroños, carballos, arces...

 A frondosidade do bosque:

Agora vemos as ladeiras do concello de Pobra do Brollón e as terrazas onde se cultivan as vides:

Imos subindo e temos vistas espectaculares:

E chegamos a Torbeo, o punto máis alto desta ruta:

Coa súa igrexa románica:

Moi cerca de aquí, atopamos un bar de aldea, pero moito de aldea!!! Chegabamos sudorosos e deseando sentarnos e tomar algo. Atendeunos un matrimonio nunha terraciña e tratounos de marabilla. Botamos con eles unhas risas!!:

Despois de refrescarnos e estar un bo cacho de parola, reanudamos a ruta e empezamos a baixar (imos baixar 300m. en só 3 km.)

Aló embaixo vemos o Sil e a aldea de A Cubela, dende o mirador de Louxá:

E vemos o coñecido meandro do río Sil:

Ao lonxe, a aldea de A Cubela:

O meandro, máis cerca:

E chegamos á Cubela. Esta fermosa e recóndita aldea que tranmite unha gran paz e onde non vimos a ninguén, foi sometida hai anos a un plan de restauración integral e conserva un interesante conxunto de arquitectura tradicional.

Nesta aldea comemos uns bocatas e continuamos a ruta agora pegadiños ao Sil:

O sendeiro pegado ao río é moi fermoso:

 E así fomos chegando outra vez a Castro de Abaixo.

A ruta en wikiloc, AQUÍ