ESTELO. RUTA CIRCULAR POLO PORTO DA CALZADA DA CABANA VELLA (MONDOÑEDO)

 Estelo é un lugar da parroquia de Nosa Señora dos Remedios en Mondoñedo. A pesares de estar bastante apartado e lonxe de todo hai moitas casas habitadas, algunhas delas de nova construcción e outras restauradas. É unha aldea viva onde son comunes as actividades agrícolas e gandeiras.

Características da ruta:

Lonxitude: 10,5 km.

Dificultade: fácil

Ruta circular sen sinalizar . O meu track en WIKILOC

Descripción:

Empezamos ruta na capela de S. Bartolomé que foi reedificada sobre unha anterior do S. XVII

Sorprendeume a cantidade de vivendas que hai nesta aldea e algunhas son novas.

Camiñamos uns 600m pola estrada LU-P 3106, a mesma pola que acabamos de chegar e que é a estrada principal que chega a este lugar.

Vemos vacas e máquinas para traballar na terra.

Outra vista de Estelo.

Na curva que vemos remata o asfalto. Imos pillar o camiño da dereita.

Empezamos unha subida constante pero moi levadeira.

A maioría da paisaxe que imos vendo está formada por prados onde pastan vacas.

O Rego de Estelo baixa entre verdes prados.

Xa imos a ben altitude e as vistas son espectaculares.

 

Atopámonos no punto máis alto do percorrido, no Monte Pena Morcán, que acada aquí os 708m. de altitude.

Unha zona de prados e piñeirais.

 

A partires deste punto empezamos a baixar cara ao Porto da Calzada de Cabana Vella.

Atopamos varios peches para o gando que sempre, sempre, hai que deixar como os atopamos

Estame gustando moitísimo esta ruta!!

Ao chegar abaixo ao Porto da Calzada de Cabana Vella, vemos unha subestación eléctrica. Hai cabalos pastando por alí que a o vernos e faltando aínda uns 200m para chegar a onde están eles, empezan a correr pola estrada para ir xunto a outros que estaban máis arriba.

Os cabalos xuntáronse todos no alto.

Ademais de peches para o gando, tamén vimos varios pasos canadienses.

De súpeto vimos sinais do Camiño de Santiago e nunca escoitáramos que pasase por aquí pero buscando agora información resulta que a Xunta sinalizou este trazado no 2017 que vai cara a Gontán (Abadín). É unha alternativa, chamada "a principal" que a pesares do nome non é a máis empregada nin promocionada a pesares do fermosa que é.

Os postes do Camiño só os vemos porque en ningún momento coincidimos no trazado. Nós imos cara a outro lado.

Baixamos agora polo Coto de Leboreiro. Toda esta zona é de prados con algún punto de montes.

Moitísimas vacas vimos nesta ruta!! De frente, o Alto da Cea.

Agora estamos en zona baixa e moi cerca do Alto da Cea.

Pillamos á dereita onde se ven os cipreses.

Imos por un camiño rural e co que choveu estes días, ten zonas con auga pero fomos pasando sen maior problema. O camiño vai en lixeiro ascenso.

As vacas miran expectantes. Quen serán estes??

Xa a piques de abandonar este camiño que no final convértese nun estreito carreiro:

Desembocamos na estrada LU-P  3106 e deseguida pillamos outra estrada á dereita. Estamos agora no concello de Abadín.

Chegando a A Valiña (concello de Abadín) pillamos un camiño á esquerda.

Sen darnos nin conta volvemos estar a case 700m de altitude e as vistas, claro, son fabulosas.

Nestes lugares só se respira paz ao estar tan illados.

Mondoñedo podía explotar moito máis o potencial natural que ten.

Aló embaixo xa vemos Estelo. Agora comenzamos un acusado descenso ata chegar á aldea.

Xa estamos de novo na aldea de Estelo e case no final da ruta.

 

Últimas casas que vemos. A poucos metros, xa está a capela onde temos o coche.

Páxina web consultada:

http://www.concellomondonedo.es/portal_localweb/p_97_principal_ayto_mondonedo.jsp?codResi=5&language=es