O CAMIÑO DOS FAROS (COSTA DA MORTE) TRAMO PORTO DE BARIZO- SANTA MARIÑA

Como xa comentei, nós partimos en tramos ao noso xeito as etapas oficiais do Camiño para facelas máis levadeiras para nós.

CARACTERÍSTICAS:

Lonxitude: 12km. aprx.

Dificultade: media- alta

Ruta lineal moi ben sinalizada

DESCRIPCIÓN:

Saimos do Porto de Barizo que está situado AQUÍ:

Porto de Barizo coa praia do mesmo nome ao fondo

Ao final das casetas está a continuación da ruta.

Empeza un tramo dificil subindo entre rochas:

Igualito que as cabras...pero a nós gústannos os sendeiros así!

Ese día o mar parecía unha lagoa do calmo que estaba:

Ao fondo vemos as illas Sisargas

A medida que gañamos altura, as vistas vólvense espectaculares. Estamos ascendendo ao Monte Nariga:

Ao fondo, Barizo e a súa praia

Non hai présa. Merece a pena pararse...

Logo da intensa subida, toca baixar agora:

Contemplando estes cantís, sentímonos ben pequeniños:

Ata o faro de Punta Nariga, o camiño é un continúo sube e baixa entre rochas:

Dende a cima de Monte Nariga, vemos o faro por vez primeira:

Por ese sendeiro nos imos achegando ao faro:

Vemos curiosas formas nas rochas:

A que semella un paxaro?

O Faro de Punta Nariga, do arquitecto César Portela, entrou en funcionamento no 1998 o que o converte no faro máis novo de Galicia.

O faro recorda a proa dun barco.

A escultura "Atlante" é obra de Manolo Coia e ten forma entre un ser humano e unha gaivota.

Continuamos a ruta bordeando a costa:

Outra vez entre rochas:

Cunha importante pero curta baixada:

A partires de aquí o sendeiro non ten ningunha dificultade:

E chegamos á praia de Niñóns onde remata oficialmente a 1ª etapa desta ruta. Xa estamos no concello de Ponteceso

A praia de Niñóns é unha praia moi tranquila e está rodeada de árbores. A pesares de que estaba baleira, parece ser un bo lugar para relaxarse e desfrutar da natureza en estado puro:

Abandonamos a praia pola esquerda, atravesando sen problemas unha pequena lagoa

E imos sumerxirnos durante uns 500m. nun bosque onde primeiro aparecen os restos do que foi un muíño de auga:

Deseguida aparecemos outra vez na costa e desfrutamos das vistas desta preciosidade de praia: a praia do Morro

O mar ten hoxe un color azul turquesa precioso:

Vemos as continúas furnas que o mar foi labrando na rocha:

Dende un recanto vemos o noso destino final de hoxe: o porto de Santa Mariña.

Seguimos vendo recónditas calas de finísima area e mar color turquesa ás que só se pode acceder por mar:

Chegamos á carretera:

Andamos uns 100m. e xa estamos en Santa Mariña onde poñemos punto final á ruta de hoxe

Deixo agora un vídeo de "Rutas y Sendas"que explica de forma clara e detallada a 1ª etapa deste Camiño dos Faros que nós partimos en dúas.