A INDIA (DELHI)

 Do 13 ao 22 de marzo deste 2024, un grupo de 65 persoas viaxamos á India coa Asociación Amigos das Viaxes representada por Xaime Cancio. Foi unha viaxe que puido despertar en nós diferentes sensacións: 😮😰😪😔😊 sorpresa, admiración, pena, medo e incluso asco nalgún momento; pero que de seguro a ninguén deixou indiferente ao atoparnos cunha cultura que sabiamos era moi diferente á nosa, pero ao mellor non imaxinamos ata que punto...Está claro que o que determina o que somos como persoas é o lugar onde nacemos e medramos.

Estamos en  Delhi, capital deste inmenso e pobladísimo país que á A India. Aquí pasaremos todo o día e a noite de hoxe, día da chegada.

Eu vou facer referencia aos 4 periodos máis importantes da India:

a) Sultanato de Delhi do S. XIII ao XVI

b) Imperio Mogol: estado túrquico- islámico entre os Séculos XVI e XIX

c) Imperio británico: dende o S. XIX ata 1947

d) Actualidade: Unha república independente formada por 28 estados e 8 territorios.

Unha das primeiras cousas, mellor dito o 1º animal que vimos, foi unha vaca🐂 dende o  🚌que nos levou do aeroporto ao hotel, paseaba tranquilamente pola rúa, pois xa sabemos que neste país son sagradas.

As vacas andan tranquilamente polas rúas

Hai que dicir que Delhi enlaza dous mundos: Old Delhi (a Vella Delhi), antaño capital da India islámica e Nova Delhi construida polo imperio británico e que ten só un século de idade. 

Na 1ª toma de contacto con esta cidade  xa nos demos conta de que o caos circulatorio é enorme! : adelántase pola dereita, pola esquerda, respectan pouco os semáforos e menos os pasos de cebra se os hai, cruzan dun lado a outro de calquera xeito...e o caso é que non se tocan!! O ruído é infernal: frenadas,  pitidos de claxons de xeito continuado, bicicletas,  autobuses, motocicletas, pequenos tractores, moto taxis...todos mezclados e sen respectar sequera os sentidos da circulación moitas veces! A habilidade dos conductores asombrounos de verdade!! 🚜🚕🚙🚎🚕

Caos circulatorio

A India experimentou nos últimos anos un gran crecemento económico pero esto de momento non se nota na maioría da poboación. Deseguida nos demos conta!

A pesares do incremento do seu PIB, "uno de los retos que deberá afrontar la India es el de reducir los niveles de pobreza y constituir una sólida clase media. Los últimos datos del Banco Mundial (2019) confirman que hay más de 129 millones de indios viviendo en pobreza extrema, el dato más elevado del planeta" (https://www.libremercado.com/)

Ao pasar no autobús vimos tamén un grandísimo edificio que o noso guía nos explicou que era un conxunto de templos hisduistas. Chámase Akshardham (vaia co nome!, para nós é difícil de pronunciar ou máis ben de escribir)

Akshardham

Na seguinte foto de Wikimedia Commons, podemos apreciar mellor o grandioso que é.

Akshardham

Despois de rexistrarnos no hotel  Crowne Plaza empezamos a visita aos monumentos máis representativos desta cidade.

A cidade de Delhi consta de 2 partes: a Vella Delhi que é a cidade histórica e a Nova Delhi, a capital da India e onde están a maioría das institucións administrativas.

JAMMA MASJID

Na India conviven varias relixións e a islamista ou dos musulmáns é a 2ª maioritaria neste país. Fomos visitar unha das mesquitas máis grandes da India , Jamma Masjid que está na Vella Delhi

.  No seu patio poden caber ata 25000 persoas.

.  A súa construcción durou 12 anos no S. XVII

. Foi mandada construir polo emperador mogol Sha Jahan. Máis de 5000 traballadores foron necesarios.

. Está construida en area vermella con tres cúpulas brancas de mármore.

. Sufreu dous atentados, un en 2006 e outro en 2010 con feridos.

Hamma Masjid

A mesquita está rodeada por un porche en area vermella de 1200 metros cadrados de superficie.

Tivemos que entrar descalzos ou cunhas calzas e as mulleres cubrimos o corpo cunhas batas negras

Hamma Masjid

Na seguinte foto vemos a Sala de Oracións formada por varios arcos.

Hamma Masjid

A continuación tíñamos no programa a visita ao Raj Ghat, lugar onde foi incinerado Ghandi pero non poidemos facelo dado que había unha manifestación. Esta é a imaxe sacada de Wikimedia Commons, que autoriza a compartila.

Raj Ghat

TEMPLO SIKH
O Sijismo é outra das relixións da India e visitamos un templo desta relixión. É un impoñente edificio de mármore branco que só podemos fotografiar por fóra, dentro está prohibido facelo.

Tivemos que entrar descalzos e antes purificar os pés.Tamén tivemos que tapar a cabeza tanto homes como mulleres.

Os tres pilares básicos desta relixión son:

* A meditación e recitación de himnos.

* O traballo honrado ao servicio da familia e da comunidade.

* A xenerosidade e a caridade.

Un inmenso estanque forma parte tamén do templo.

Purificando as mans. Dentro do templo vimos a moitas persoas sentadas no chan practicando a súas oracións e rituais.

O templo Sikh ten tamén unha cociña e un comedor onde diariamente se dá de comer . Hai voluntarios que preparan a camida para miles de persoas  independientemente de sexo, relixión ou situación económica.

As enormes potas onde preparan a comida.

Este monumento que vimos dende o 🚌representa a Ghandi e os seus seguidores que eran de tódalas idades, sexo e clases sociais. Está feita en bronce e nun fermoso xardín.

  

Dende o bus vimos a Porta da India (foto con licencia creative commons) mandada contruir para conmemorar aos soldados indios que morreron na I Guerra Mundial e nas Guerras Afganas de 1919.

Porta da India

TEMPLO DE BIRLA

Hai diferentes templos así chamados en diferentes cidades da India. O nome débese a que foron mandados contruir pola familia Birla. Este de Delhi foi o 1º construido no 1939.

MINARETE DE QTUB MINAR

Un minarete é a torre das mesquitas dende onde  se chama á oración 5 veces ao día. En Qtub Minar non só veremos o minarete máis alto do mundo senón un conxunto de edificios e monumentos empezados a construir no S. XII como son varias tumbas, a magnífica porta de Alai Darwaza, obra maestra da arte musulmá e construida no S. XIV  e dúas mesquitas, unha delas, a de Quwwat Ul Islam foi a 1ª mesquita construida na India despois da conquista musulmá. Todo o conxunto está declarado Patrimonio da Humanidade pola UNESCO dende 1993.

O minarete mide 73m. e foi construido en area vermella, mármore e ladrillo. Os inicios deste minarete son do S. XII e foise ampliando ao longo dos séculos ata acadar os 5 pisos que podemos ver. A súa decoración son motivos xeométricos e inscripcións do Corán.

O Minarete de Qtub Minar

Muhammad Qutbuddin Aibak foi o 1º sultan de Delhi e quen empezou a construir o Qtub Minar continuando despois outros gobernantes xa que el morreu despois de finalizar o 1º piso.

A zona que rodea ao minarete coñécese como Parque Arqueolóxico Mehrauli.

"El establecimiento del Sultanato de Delhi en 1206 fue el inicio de una nueva época en la historia de la India. Por más de doscientos años, los Mamluk, conocidos como los reyes esclavos, los Sayyid, Khilji, Lodi, Tughlaq, y los sultanes gobernaron sucesivamente la India. Su reinado transformó el entorno cultural y político de la India significativamente. Tras la finalización de su reino, el gran imperio mogol fue establecido. Sin embargo, a principios del siglo XVIII, este imperio se derrumbó rápidamente. En consecuencia, las potencias europeas tomaron el control fácilmente. Los británicos se convirtieron en una fuerza política poderosa, y en 1857 depusieron al último emperador mogol."

Caligrafía persa e motivos hidúes nos muros dos arcos na tumba de Illtumish.

A tumba de Illtumish foi mandada construir polo sultán Shamsuddin lltutmish para sí mesmo.

Tumba de Illutumish

Qutbuddin Aibak ordenou a construcción da Mesquita Quwwat-ul-lslam (Poder do Islam). Foi a primeira mesquita construida na India onde a xente se reunía para o culto. Esta estructura foi construida entre 1193 e 1197.

A mesquita máis antiga da India (S. XII)

Aos gobernantes centro asiáticos atribúeselles a introducción dun novo elemento arquitectónico chamado arco verdadeiro ou de dovelas como se ve a continuación. Estos arcos foron construidos con bloques de pedra en forma de cuña. 

 Na foto de abaixo, á esquerda, vemos O Pilar de Ferro: Como  o seu nome  indica, o 98 % deste pilar está feito en ferro puro. É un monumento á metalurxia India. Este pilar de ferro é tan fantástico que amosa poucos signos de oxidación durante os últimos 16 séculos.

A área adxacente ao Qtub Minar está repleta de ruinas antigas, tanto musulmanas como hindúes, indicativas dun violento conflicto que puxo fin ao reinado hindú na rexión de Delhi. 

O Alai Minar foi encargo de Alauddin Khilji que pretendía superar en altura ao Qutub Minar pero morreu antes de conseguilo e a obra non foi continuada quedando como se ve na foto.

O Alai Darwaza  e a entrada ao recinto e foi construida por Alauddin Khilji en 1311 con proporcións excepcionalmente perfectas e un exterior fantásticamente decorado.

Alai Darwaza

E esto foi o que visitamos na nosa estancia en Delhi, ademais dunha panorámica en bus pola Nova Delhi onde están as embaixadas, edificios gubernamentais e administrativos que amosan unha India diferente con amplas e limpas avenidas e modernos edificios.

A miña valoración da estancia en Delhi é positiva pero faltoume un día máis para poder visitar outros monumentos importantes e "patear" algo en Delhi (zona histórica e máis antiga e en Nova Delhi (a capital máis moderna creada polos ingleses)

A nosa viaxe a Delhi NON incluía lugares tan interesantes como o Templo do Loto, o de Akshardham, a Plaza de Connaught, o Fuerte Rojo... ou patear a rúa de Main Bazar.

Páxinas web consultadas:

https://whc.unesco.org/

https://www.conmochila.com/

https://www.viajeindia.com/

https://www.lasociedadgeografica.com/

COSTA DE FAZOURO (FOZ)

 Hoxe propúxenme saber cantos km. de costa ten a parroquia onde vivo que petence á parroquia de Foz.

Foz ten 9 parroquias e a maioría delas teñen mar, aínda que só sexa un cachiño como lles ocorre a S. Martiño e a Vilaronte. Foz, Fazouro, Nois e Cangas están pegadas ao Cantábrico e  só Cordido, S. Acisclo e Santa Cilla non teñen costa.

A miña parroquia é Fazouro e ten case 5 km. de costa moi interesantes para percorrer, non é un percorrido nada monótono xa que iremos descubrindo lugares fermosos e variados como imos ver.

Características da ruta:

Lonxitude:  5 km.

Dificultade: ningunha.

Ruta lineal sen sinalizar. O meu track en WIKILOC

Descripción:

Empezo esta ruta no Paseo Marítimo xunto á praia de Areoura que comparten as parroquias de Fazouro (a maior parte) e Nois.

O percorrido realmente debería ir por onde está cortado o paso pero debido derrubes importantes que afectan ao paseo dende hai tempo, hai que ir pola dereita.

E agora pillamos á esquerda pola ponte da vía do tren, cara ao Castro.

O Castro de Fazouro aproveita a península que se adentra no mar sobre unha zona moi escarpada. As estructuras escavadas corresponden ao último asentamento do castro (Finais do S. III d.C.) A área escavada acada os 400m. cadrados. Nas últimas escavacións (1992) recóllese restos de cerámica, dúas moeda, unha fíbula e media ducia de cravos.

Vemos a praia de Arealonga e a outra parte do tramo que está pechado.

As vistas dende o Castro son extraordinarias. Cara a un lado vemos Burela e cara ao ao utro, Foz.

Castro de Fazouro e Burela ao fondo

Agora alonxámonos algo do mar e vemos a estación de FEVE desta parroquia.

Voltamos achegarnos ao mar no Porto de Fazouro que no pasado tivo importancia e que aínda conserva algunha das casetas que había dos pescadores.

Porto de Fazouro e casetas de pescadores.

Entrada ao porto que cesou a sua actividade total cara a finais do século XX.

Este tramo que estou a realizar coincide case todo el co Camiño Natural do Cantábrico.

O mar estaba furioso este día.

Esta é a cala  Camiño Novo

Camiño Novo

Na foto seguinte vemos en 1º termo o Ouro desembocando e a praia da Pampillosa.

Agora vemos 3 pontes , pasaremos por debaixo da de FEVE, da da estrada e cruzaremos a peonil Ponte de Ferro, a última, aló ao fondo.

O río Ouro  nace na Serra do Xistral e chega ao concello de Foz despois de pasar polos concellos do Valadouro e de Alfoz. Desemboca formando unha pequena ría en Fazouro. Na foto vemos o ouro moi preto da súa desembocadura e ao fondo a Ponte de Ferro, peonil e que foi cambiada pola actual no 2010.

A ponte ten unha considerable anchura e está iluminada aínda que bastantes das súas luces están rotas ou faltan.

Vistas aos barrios de Fonte da Aldea, O Souto, a Casa Nova...

Ao pé da ponte temos unha área recreativa que está moi concurrida cando hai bo tempo.

Na área recreativa deixaron unha mostra da antiga ponte. Ao fondo o barrio da Ponte.

Enlazo agora co novo paseo que hai uns meses que se inaugurou e que personalmente non me gusta. É que meter cemento nun paseo que a ao modo se ver debería ser o máis natural posible réstalle moitos puntos, na miña opinión.

Deixamos detrás a praia da Pampillosa e os barrios de Bargado e Lousada.

Unha vista do Paseo recentemente inaugurado e que chega á praia de Peizás.

Vemos outra praia de Fazouro: a do Sarrido ou Penas da Salsa.

Praia do Sarrido

 

Cando a marea está alta ou hai grandes temporais como ocorre hoxe, a praia desaparece.

Na praia do Sarrido desemboca un rego e para salvalo puxeron a ponte de madeira que vemos na imaxe.

Unha área de lecer que non lle dou atopado sentido. Penso que rompe totalmente co entorno ademais da súa inutilidade. Quen se vai sentar ou quen vai comer aí a pleno sol se é verán ou cando sople o nordés no inverno e primavera?

Aquí hai unha bifurcación e podemos escoller por onde ir, pola esquerda pegados ao mar ou de frente, máis alonxados del.

Un punto con boas vistas.

Se na bifurcación vimos pola esquerda, como eu fixen, veremos esta inmensa furna que formou o mar

Aquí tamén podemos optar por ir pola esquerda e iremos sempre pegados ao mar ata desembocar na praia de Peizás.Eso si, daremos máis volta. Eu, neste caso, fun de frente porque ameazaba con chover.

A praia de Peizás está moi concurrida en verán e eso que en marea chea non hai apenas area. Esta praia comparte ubicación con 2 parroquias do concello de Foz: S. Martiño (a maior parte dela) e Fazouro (Unha esquina no 1º plano da foto)

Praia de Peizás