Lamego pertence ao distrito de Viseo. É unha cidade antiquísima do tempo dos romanos e está considerada como unha das cidades máis fermosas do norte de Portugal. Ten sobre 25000 habitantes.
CATEDRAL.-
A Catedral da Asunción foi fundada no S. XII eten estilos arquitectónicos de distintas épocas, aínda que predomina o gótico. A Torre-Campanario é de estilo románico e é a orixinal; o resto da catedral é o resultado de modificacións realizadas nos S. XVI e XVIII.
 |
| Catedral de Lamego |
 |
| Catedral de Lamego |
 |
| Museo de Lamego Unha vista xeral do Museo, antigo Palacio Episcopal. |
 |
| Museo de Lamego |
 |
| Teatro Ribeiro Conceiçao |
Pola avenida Alfredo de Sousa accedemos ás escaleiras que nos levarán a este templo tan semellante ao do Bon Xesús de Braga. Este santuario é o monumento máis importante que ver en Lamego. As vistas dende a avda. xa son impresionantes.
A avda destaca polo coidado deseño paisaxístico.
Fermosas estatuas na avda. Alfredo de Sousa.
Fermosas estatuas simbolizando as 4 estacións do ano.
Valeu a pena subir máis de 600 escaleiras? si, moito!!
Vistas á avda. dende as escaleiras.
Non é cansado subir. Os chanzos son baixos e de cada pouco hai que parar a comprobar marabillas...
Unha gruta artificial ao pé das escaleiras.
Na última terraza, chamada "O Patio dos Reis" atopamos unha fonte monumental cun impoñente obelisco.
Situadonacima do monte de Santo Esteban e construido entre os S. XVIII e XX, este santuario mariano é visitado por peregrinos de todo o país, especialmente o 8 de setembro, día da Natividade da Virxe. A fachada da igrexa é de estilo rococó.
 |
| Santuario de Nosa Señora dos Remedios |
Destaca o altar maior en madeira dorada e o teito.
Un dos espazos máis destacados é o Patio dos Reis, onde está a fonte da que escribín antes.
 |
| Patio dos Reis |
Para baixar tíñamos a opción de volver polas escaleiras ou ben polos camiños que hai ao pé, dentro do Parque de S. Estevo, un parque que rodea o santuario. Así que escollemos esta 2ª opción e baixamos pola sombra de grandes árbores
 |
| Baixando do santuario |
Cando baixamos, xa saira o sol e agradecemos moito estas sombras!!
 |
| Baixando do santuario |
Por aquí pasa tamén o Camiño de Santiago.
 |
| Baixando do santuario |
Fermosos lugares que vimos tamén ao baixar.
 |
| Baixando do santuario |
O CASTELO.-
A parte alta de Lamego concentra a historia máis antiga da cidade. A Portado Sol é o acceso máis importante á parte alta.
Porta do Sol
Vistas dende a parte alta de Lamego:
Parte baixa de Lamego
Imos subindo porque o castelo atópase a 543m. de altitude.
 |
| Subindo ao castelo |
Rúas estreitas, empinadas e de pedra nesta parte máis antiga da cidade.
O castelo é do S. XII, cando naceu o Reino de Portugal e a torre que vemos é claramente defensiva.
 |
| Castelo de Lamego |
A Torre da Homenaxe ten 20m. de altura e alberga actualmente un Centro de Interpretación.
 |
| Torre da Homenaxe. |
Dentro do recinto amurallado tamén se esconde unha impresionante cisterna dos SXIII - XIV, considerada unha das máis notables de Portugal. A súa estructura abovedada, erixida con sillares de granito, garda un interior rehabilitado como espazo expositivo.
Habilitáronse unhas pasarelas metálicas para poder percorrela cisterna por dentro.
 |
| A Cisterna de Lamego |
Páxinas web consultadas:
https://www.infobae.com/espana/https://www.viajesyrutas.es/
https://viajes.nationalgeographic.com.es/
Ningún comentario:
Publicar un comentario