PARQUE EÓLICO DA PASTORIZA

Entre os concellos de Riotorto e A Pastoriza camiñei por un parque eólico con vistas a aldeas de Riotorto e atravesei unha fraga para voltar ao punto de inicio.

Características da ruta:

Lonxitude: 7,3 km.

Dificultade: fácil

Ruta circular sen sinalizar. O meu track en WIKILOC

Descripción:

Saín da casa sen decidir de xeito claro onde ía facer ese día unha ruta e, de feito, non fixen ningunha que levase planificada. Atopei este lugar e pareceume interesante, así que empecei a camiñar e grabar ao mesmo tempo.

Partín  de moi cerca de onde está a Planta de Transferencia de Residuos Urbanos, na estrada LU-122 que vai cara a Bretoña, Meira... a unha altura de case 640m. de altitude.

Vistas a Santalla, lugar de Riotorto, dende o comenzo da ruta.

Santalla

Camiño por unha pista con vistas marabillosas.

Outra imaxe de Santalla, que pertence á parroquia de Santa Marta de Meilán. No ano 2024 non chegaba aos 300 habitantes esta parroquia e de seguro que non foron a máis...

Outra aldea que vemos aló embaixo é Vilar de Santiago, que pertence á parroquia da Muxueira.

Vistas ás dúas aldeas anteriores: Santalla e Vilar de Santiago. Cada unha delas pertence a distinta parroquia.

Inicio agora unha baixada con bastante desnivel.

Pasó ao pé da aldea de Lamas, da parroquia de Santa Marta de Meilán. Lamas tiña en 2024,  22 habitantes.

Lamas

Vistas dende Lamas:


Agora o percorrido é por un camiño tradicional e con vistas á Muxueira.


Aínda queda gando por estas aldeas.


E máis gando. Tamén, ao pé dos cabalos, había ovellas e cabras.

Vistas, xa máis de cerca, da Muxueira.


O camiño lévame a unha estrada local pola que tansó camiño uns metros, antes de pillar á dereita por outro camiño.

A verdade é que esta ruta ten pouco asfalto.

Este monte que atraveso aínda conserva partes autóctonas.

Vou acompañada sempre polo marmurio do Rego da Ferrería mentres atraveso este bosque:

Aínda que hai arboreda autóctona en forma de castiñeiros, carballos e algunha bidueira, os eucaliptos tamén están aquí: 

Despois de 3 km., abandonamos o monte anterior.

Saio a unha ancha pista que me vai levar á estrada LU-122.

Vou pola estrada durante uns 800m. e vexo como unhas vacas sairon do prado onde estaban e irrompen na vía. Un coche levouse un bo susto xusto na curva. Bueno...o coche, non...os ocupantes do mesmo...

Ao pé da Planta de SOGAMA pillo á dereita porque teño o coche moi cerca. As vacas que había na estrada anterior son as que agora van diante de min. Mellor por aí...

Páxinas web consultadas:

https://gl.wikipedia.org/wiki/Portada