RUTA DA SEIMEIRA (A PONTENOVA)

Esta ruta é a 2ª que facemos no concello de A Pontenova despois da fraga das Reigadas que tanto nos gustara. E esta tampouco defrauda pois ten de todo: paisaxes bucólicos á beira do río, muíños, pontes, árbores autóctonas, aldeas recónditas e fervenzas espectaculares.

A ruta é oficialmente lineal e empezaría en Vilarxubín pero sería demasiado curta e entón fixémola case circular, deixando un coche no Machuco.

O Machuco está AQUÍ:

Despois de deixar aí un coche fomos ata a aldea de Sanxés e alí empezamos a ruta:

Sanxés está AQUÍ:

CARACTERÍSTICAS DA RUTA:

Lonxitude: 11 km.

Dificultade. media-baixa

Ruta circular ben sinalizada.

DESCRIPCIÓN:

Partimos pois de Sanxés,aldea ben conservada coas súas casas de pedra e tellados de lousa:

Un precioso día e un mar de nubes

Uns 50m. por carretera e onde están aquelas dúas persoas, á esquerda

Empezamos por un camiño ancho

E seguimos vendo un mar de nubes porque estamos altos:

Chegamos á Pena do Castelo onde debe estar enterrado un home chamado Paco: " Aquí descansa Paco, amante desta paraxe pola súa natureza, fermosura e paz. Sempre estarás con nós" di a placa.

O sendeiro estréitase e agora baixamos cara ao río:

Chegamos ao río e vemos muíños no medio dunha paisaxe espectacular, moi húmida con moito musgo:

Agora temos que ascender:

E chegamos á seimeira:

Ascendemos algo máis ata que se abre xa a paisaxe:

E chegamos á aldea de Vilarxubín de gran valor etnográfico coas súas casas de pedra, portas e fiestras de madeira, cos seus hórreos...Estivemos falando cun dos seus escasos habitantes:

As casas de pedra

Os cabozos

Outro cabozo

A súa igrexa

Outra vista de Vilarxubín

Falando cun paisano da aldea

E outro cabozo, xa máis semellante aos asturianos

Saíndo de Vilaxubín, atopamos este trasniño:

Agora imos por unha pista ancha:

E volvemos baixar ao río:

A partires de aquí, a ruta coincide coa da Fraga das Reigadas. A ruta non pode ser máis fermosa!!

Chegamos á ferraría de Bogo xa case rematando a ruta. Esta ferraría, alimentada polo río Reigadas, data do S XVI e funcionou ata o S.XVIII, cando foi destruida por un incendio. Consta de un encoro, unha fervenza, un muíño artesanal, un mazo e unha central eléctrica.

O Machuco onde tiñamos o coche está moi preto. Aquí hai un aloxamento de turismo rural: "Casa Fidalgo":

Para rematar, fomos xantar á Pontenova:

RUTA CHELO_ ZARZO (COIRÓS) PR-G11

Preciosa ruta fluvial na provincia da Coruña, ás beiras do Río Mandeo, que vai dende a área recreativa de Chelo ata a Central eléctrica de Zarzo ou viceversa.

CARACTERÍSTICAS DA RUTA:

Lonxitude: 10,5km.

Dificultade: Fácil

Ruta circular ben sinalizada.

DESCRIPCIÓN:

Nós empezamos en Chelo e para chegar aquí hai que ir atento aos sinais para non pasarse da bifurcación á dereita que hai que pillar.

A ubicación AQUÍ


Empezando a ruta:

Sempre á beira do río Mandeo:

Atopamos os restos dunha edificación:

E chegamos á central eléctrica de Zarzo. Dende aquí demos a volta polo outro lado do río:

Preciosa paisaxe fluvial:

Pasamos polo Balneario do Bocelo que tivo moita importancia nos anos 30 cando os enfermos ian tomar as augas sulforosas. Foi arrasado por un incendio nos anos 40 quedando en ruínas ata a actualidade:

RUTA PENA MONTOL- FRAGA VELLLA (MONDOÑEDO)

Esta ruta, na Serra do Xistral transcorre polo medio dunha zona de gran singularidade paisaxística (a paisaxe que veremos é bastante diferente a das rutas que ata agora fixemos) A Fraga Vella está catalogada como Red Natura 2000.

Desfrutaremos da natureza en estado puro e veremos bosques de piñeiros, un bosque de acivros, grandes bolos graníticos, gando en estado libre... e subiremos a Pena Montol a case 800m. de altitude cunhas impresionantes vistas da S. do Xistral, a fraga As Veigas...

A Fraga Vella (moi recoñecida entre os veciños da zona porque na época de cogomelos son moitos os que desprazan ata aquí a recoller este manxar que abunda) está a uns 600m. de altitude e pertence ao concellos de Abadín e Mondoñedo. Este último concello foi o que  no ano 2015 acondicionou e ampliou a ruta que hoxe imos percorrer.

CARACTERÍSTICAS DA RUTA:

Lonxitude: 11km.

Dificultad: moderada pola deficiente sinalización que de non levar un track, pode levar a perdernos no monte e tamén pola subida a Pena Montol que aínda que é curta ten un gran desnivel. A baixada polo bosque de acivros tamén pode resultar algo dificultosa nalgúns momentos.

Ruta circular, regular sinalizada.

O track en WIKILOC:

DESCRIPCIÓN:

A ruta empeza AQUÍ:

Nós accedemos dende o Concello de Alfoz xa que nos quedaba máis cerca; tamén se pode acceder dende Mondoñedo. Os últimos km. en coche para chegar ao inicio da ruta son un suplicio de curvas, baches...a estrada máis ben é unha pista en bastante mal estado.

 Empezando a ruta:

Subimos por un piñeiral

A subida é lixeira

Hai que ir fixándose moi ben onde están os sinais para non coller unha dirección equivocada:

Ao rematar de atravesar este primeiro piñeiral desembocamos nunha pista pola que imos uns 100 m. e deseguida temos que torcer á dereita para volver internarnos na fraga pero imos atopar estes dous sinais contradictorios: o máis alto da frecha coa indicación de "Ruta Pena Montol Fraga Vella" e a continuación o máis baixo  coa típica cruz ou aspa indicando que non é por alí. Pero SÍ que é. Parece ser que a alguén lle debe molestar que se pase por aí e colocou ese sinal (Se nos damos conta, os sinais reais que indican que o camiño non é o correcto, teñen moito máis pequena a cruz) 

Así que hai que obviar ese sinal que pode levar a plantearnos dúbidas e seguir por ese camiño.

Adentrámonos noutro piñeiral

 

E camiñaremos durante un bo treito en paralelo á turbeira de Veiga da Cal. Unha turbeira é un humidal no que se acumula materia orgánica en forma de turba (plantas que se transforman en carbón vexetal debido á putrefacción e carbonificación parcial da vexetación en augas ácidas de pantanos, humedais...)

As turbeiras son pantanos lacustres de orixe glaciar que están compostas de materia vexetal máis ou menos descomposta. A turba vai acumulándose debido a que o proceso de putrefacción de vexetais en climas fríos é moi lento.

Unha vez desecada pode usarse como combustible e tamén é mi usada en xardinería para mellorar o chan pola súa capacidade para reter auga.

A Serra do Xistral reúne un gran número de turbeiras de cobertor, o máis representativo de España e un dos máis importantes de Europa. Son espazos moi importantes para a conservación do medio ambiente que debemos protexer.

Turbeira de Veiga da Cal

Atopamos grandes bolos graníticos:

 

E chegamos a unha estrada construida para dar acceso aos numerosos eólicos que hai nesta zona.

 

Atopamos outra turbeira:

 

Aquí temos a opción de continuar a ruta circular ou ben desviarnos 3 km. en total (ida e volta) ata Pena Montol. Nós optamos por esta 2ª opción.

Na Fraga Vella abunda o gando en estado libre:

Atravesamos outra ponte sobre o Rego da Cal:

A subida é curta pero ten un considerable desnivel.

Pena Montol está a 794 m. de altitude e dende aí temos unhas excelentes vistas:

Aí a temos, Pena Montol:

Estas fermosas paisaxes nos deixa a subida a Pena Montol. Mereceu a pena o desvío!

 Seguimos atopando grandes rochas:

 

Pasamos por un estreito pasadizo:

No que había ata unha cova:

Vimos rochas facendo equilibrio:

Atravesamos un bosque de acivros:

Bosque de acivros

Ao rematar a baixada do bosque de acivros, atopamos a pista que nos vai levar ao punto de partida. Seguimos vendo acivros.

Imos chegando ao final da ruta por un ancho camiño:

E chegamos á casa tapiada: Esta vivenda(única que atopamos) foi ampliada e mellorada por un xaponés que se dedicou á cría de gando e cultivo de cogomelos. Dende hai uns anos está totalmente abandonada e houbo que tapiar as portas e ventás polos numerosos ataques vandálicos que sufría.

Moi cerca, xa están os coches:

A Consellaría de Medio ambiente ten nesta zona, e coincide na ruta, unha finca de 700 hectáreas e dentro dela un bosque de 60 hectáreas onde viven en liberdade unha manda de cervos que a consellaría coida e vixila como reserva cinexética.

Máis información, AQUÍ: