Rutas de sendeirismo/Outras viaxes

venres, 8 de maio de 2020

FRAGA DA BECERREIRA. TRABADA PR-G 81

Por 2ª vez imos a Trabada que xa dixen no post da primeira ruta que é o concello da provincia de Lugo con máis rutas homologadas: 5 nada menos!

Se a Ruta de Vilapena nos gustara, esta encantounos!!

Vaia ruta máis fermosa que discorre toda ela por unha fraga que parece de conto con ábores autóctonos, regatos, pontes de madeira, fontes, escaleiras....unha fermosura!!

CARACTERÍSTICAS:

Lonxitude. 6 km.

Dificultade: media-baixa

Ruta circular ben sinalizada.

O track en WIKILOC

DESCRIPCIÓN:

Para o comenzo desta ruta temos que ir ata aldea de Cima de Vila en Trabada e coller a carretera que vai a Riotorto (LU-P-5506) Despois do 1º km. atopamos a aldea de Cima de Vila, continuamos e a 1km. onde se cruza esta carretera coa vella que ía a Riotorto, á esquerda, están os dous paneis informativos das rutas PR-G81 e Pr-G82 xa que parten do mesmo sitio e comparten o 1º tramo do percorrido.

Ubicación, AQUÍ

NOTA: Esta ruta foi editada a día 24 de setembro de 2022 xa que volvín realizala no día de hoxe. Nótese a diferenza no cambio de vexetación de facela no inverno (en 2018) e facela ás portas do outono deste presente 2022.

Aparcadoiro

A moi poucos metros do aparcadoiro, a pista bifúrcase. OLLO! Hai que pillar á esquerda. Aínda que hai un sinal, está colocado bastante abaixo e hai que fixarse para velo.

(Foto de setembro-2022)

A ruta vai por unha pista ancha bordeada de eucaliptos pola que teremos que voltar.

Chegamos á ruta de verdade!! Aquí empeza o fermoso!!

O regato Vilapercide vai acompañarnos case todo o percorrido:

As Gimenas son unhas criaturas misteriosas que habitan estas fragas. Nós non vimos ningunha!

A Fonte das Gimenas:

Fonte das Gimenas

Agora chegamos a un cruce onde a ruta se fai circular, subiremos por un lado e baixaremos polo outro. Nós optamos por coller á dereita, xa que pensamos que a subida é máis levadeira por este lado e ademais preferimos subir sempre ao principio, que imos menos cansos.

Cruce.

Atravesando unha ponte sobre o regato de Vilapercide:

Axudando a cruzar. Aquí non hai ponte:

Unha fraga preciosa!!

A humidade e frondosidade da fraga:

(Foto de setembro-2022)

O regato Vilaparcide baixa con forza:

Subimos estas escaleiras tan rústicas:

Pontes ben rústicas:

Agora empezamos a subir pero de xeito suave, en zig zag:

Unha corda pode axudar a subir ou a baixar (depende do sentido da ruta)

Corda de axuda

Chegamos ás pozas da Becerreira:

Vale moito a pena desviarse, (apenas serán 30 metros) e chegarse a ver estas fermosas pozas situadas nun entorno único de paz onde só escoitarás o son da auga e algún paxaro. Hai que chegar ata a última (son 2 e están case pegadas) xa que é a máis fermosa e en días de moita calor aínda nos podemos remollar.

A 1ª poza (Foto de setembro de 2022)

A 2ª poza (foto de setembro de 2022)

Seguimos subindo entre esta marabillosa fraga:

(Foto de setembro -2022)

Ata chegar a As Liñeiras e aquí sepáranse as dúas rutas que ata agora compartiron o mesmo tramo. Nós pillamos á esquerda.

Empezamos a baixar e topamos coa Fonte do Acivro

Fonte do Acivro (Foto de setembro-2022)

Cruzamos por un precioso bosque de acivros (de aí o nome da fonte)

Bosque de acivros

Seguimos cunha intensa baixada! Esta ruta non toca para nada o asfalto nin se oe traza humana algunha.

Fraga da Becerreira (Foto de setembro-2022)

Moito coidado coa baixada se está mollado o chan!!

(Foto de setembro-2022)

E chegamos ao punto de inicio:

Comemos en Trabada no restaurante "Camiño Norte":

xoves, 7 de maio de 2020

RUTA DOS FERREIROS (TARAMUNDI) PR-AS 18

Voltamos a Tarumundi, este concello do occidente asturiano que ten fermosas rutas de sendeirismo, ben coidadas e promocionadas como a da Auga(sen dúbida a máis coñecida) pero ten outrs tamén dignas de persorrer como é a que hoxe imos facer.

A Ruta dos Ferreiros e curtiña e sinxela e permítenos visitar varias aldeas do municipio camiñando entre unha vexetación autóctona.

CARACTERÍSTICAS DA RUTA:

Lonxitude: 6km.

Dificultade: baixa

Ruta circular ben sinalizada.

DESCRIPCIÓN:

A ruta parte do mesmo Tarumundi. Imos en dirección sur e tomando un camiño empedrado, chegamos a Mazonovo onde hai un Museo dos Muíños nun precioso enclave, á beira dos rios Turía e Cabreira.

A ubicación AQUÍ