MIRADOIRO DA ATALAIA/ PRAIA E RÍO DE PORCÍA (EL FRANCO- ASTURIAS)

 A ruta de hoxe é das que cada vez me gustan máis, sen sinalizar. Deste xeito síntoas máis novas, dende logo menos transitadas e coñecidas e encántame descubrir lugares novos!!

Hoxe funme a un lugar que me queda moi cerca: ao occidente asturiano, concretamente ao concello de El Franco para realizar unha ruta sacada de Wikiloc que me parecía moi fermosa e fácil e así foi xa que este concello ten lugares que merecen unha visita.

Características:

Lonxitude: 8,6 km.

Dificultade: fácil

Ruta circular sen sinalizar.

Descripción:

A ruta empeza no lugar de El Franco chamado igual que o concello e que pertence á parroquia de Valdepares . El Franco foi a capitalidade do concello ata mediados do S. XIX en que foi pasada a La Caridad.

O comenzo da ruta, AQUÍ

O track en WIKILOC

A ruta parte das antigas escolas de El Franco. Aquí hai sitio para deixar o coche.

Antiga escola de El Franco

Cruzamos a vila en dirección ao mar:

El Franco

 Deseguida nos atopamos coa estrada pola que viñemos, a N- 634, e temos que cruzala:

Esa fermosa vivenda amarela corresponde aos Apartamentos Rurais "Los Pontigos"

Apartamentos "Los Pontigos"

Nesta zona vemos moitísima vivenda de nova construción, moitas delas reservadas para o verán xa que estamos en febreiro e están vacías a inmensa maioría.

Deseguida chegamos á beira do Cantábrico. A parires de agora o noso traxecto será compartido coa Senda Costeira GR- E9 ata Porcía.

Este miradoiro permite desfrutar de fermosas paisaxes de costa:

Aquí vemos a Punta da Atalaia:

Punta da Atalaia

Vemos as illas chamadas "do Boy"

 A praia de Porcía é moi fermosa, salvaxe, moi rochosa e en marea alta apenas queda area.

Praia de Porcía e as illas dos Bois

Praia de Porcía

Esta praia conta cunha gran zona verde con bancos e sombras para descansar e xantar e tamén conta en verán cun chiringuito. 

Chiringuito da praia de Porcía

Dende o Mirador de Porcía que está na mesma praia, vemos o estuario que forma o río Porcía ao desembocar no mar e na punta de enfrente temos o cargadoiro ao que despois nos achegaremos.

Miradoiro de Porcía

Inmensa e fermosa zona verde que ten esta praia:

A praia ten zonas con escaleiras para acceder a ela, as persoas con mobilidade reducina téñeno difícil.

O río Porcía desembocando no Cantábrico:

 Imos agora  por estrada 1,5 km. aprox:

  

E chegamos á capela dos Remedios de Porcía onde se celebra cada ano unha coconrrida romería na honra desta virxe.

 O entorno onde se sitúa a capela é moi fermoso na parte que dá ao río:

Entorno da capela dos Remedios en Porcía

 Cruzamos unha ponte que está ao lado da capela e torcemos despois á dereita. Estamos no concello de Tapia de Casariego.

Camiñamos sempre vendo o río Porcía. Situado entre  Eo e o Navia, nace na Serra da Bobia e ten uns 27 km. de percorrido antes da súa desembocadura.

 

É un antigo camiño que debía dar servizo para os traballos do cargadoiro. A ruta é moi fácil de percorrer.

Atopamos esta bocamina. Nas minas extraíase o mineral de ferro e logo era transportado en barcos dende o Cargadoiro ao que deseguida chegaremos.

Bocamina

Xa vemos o río Porcía chegando á súa desembocadura:

  

Estuario que forma o río  Porcía na desembocadura visto dende o lado oposto ao anterior por onde antes pasamos:

Se nos fixamos na foto (saíu de baixa calidade) vemos os restos do antigo cargadoiro. Dende a prehistoria foron explotadas as minas desta zona. No S. XIX e ata os anos 60 do S. XX o mineral de ferro era trasladado en barcos dende a praia de Porcía.

O Cargadoiro

 Dende o Cargadoiro hai que voltar sobre os nosos pasos ata a estrada que deixamos antes e pillamos á esquerda por debaixo da ponte da estrada para achegarnos á Alameda de Porcía.

Alameda de Porcía

Pouco despois da Alameda, pasamos por un pequeno grupo de casas onde está o muíño de Rabote.

Muíño de Rabote

Agora temos que subir (subida moi lixeira) atravesando un monte durante aprx. 200m. para desembocar nun prado, xa moi cerca de El Viso.

Atravesaremos o lugar que vemos na foto cara á esquerda e xa estaremos no punto de partida.

Deixo un vídeo sobre a praia de Porcía de tan só un minuto e pico e que resume moi ben a fermosura desta praia:

 Páxinas web consultadas:

https://asturias.com/playa-de-porcia-playas-asturias/

https://es.wikiloc.com/rutas-senderismo/a-orillas-del-porcia-89479975

https://www.elfranco.es/