Dende Jaipur voamos a Benarés.
Benarés é a cidade máis sagrada da India, onde se vive o hinduísmo con máis pasión e fervor.
Está situada no estado de Uttar Pradesh ás beiras do río Ganges.
O 1º que fixemos despois de rexistrarnos no hotel, foi tomar contacto coa cidade. Subimos en tuk-tuk (4 persoas en cada un) e fomos ao encontro do río Ganges e das multitudes.
 |
| Multitude na rúa principal que baixa ao Ganges |
Benarés foi un importante centro cultural do norte da India durante varios miles de anos e está estreitamente relacionada co Ganges. É un importante centro de peregrinación porque os hindúes pensan que morrer nesta cidade traeralles a salvación; segundo o hinduímo toda persoa que morra en Benarés ou a menos de 70 km. quedará liberado do ciclo das reencarnacións, por eso moitos enfermos e maiores queren pasar os seus últimos día nesta cidade santa e ao longo do río hai numerosas residencias para acollelos.
As beiras do río tamén son centro de varios crematorios ao aire libre. Fixemos un paseo ao atardecer en barco para presenciar unha cerimonia aarti e contemplar as incineracións.
 |
| Incineracións ao pé do río |
Segundo a tradición, todo hinduista debe visitar unha vez na vida esta cidade e purificarse nas augas do Ganges, un dos ríos máis contaminados do mundo.
No hinduismo hai 7 ríos sagrados, o Ganges é o máis importante. Subimos a un barco para contemplar os ghats (escaleiras que baixan ao río) Hai 88 ao longo do río ao seu paso por Benarés. Moitos deles son privados e dous están habilitados como crematorios.
 |
| Subindo ao barco que nos levou polo río. |
Multitude de barcos surcan as augas do Ganges ao anoitecer para contemplar o mesmo ca nós.
 |
| Barcos ao atardecer no Ganges |
O que máis vimos en Benarés foi as beiras do río Ganges coas cerimonias aarti, o paseo en barco, os crematorios, as rúas onde non cabía un alfiler...pero tamén visitamos:
TEMPLO WAT THAI
Fixemos unha parada curta neste lugar onde o máis chamativo é un buda xigante, de 25m de altura.
Ao entrar o 1º que vemos é a imaxe (moi repettida na India) dunha muller pedindo. |
| Máis que pobreza, en moitas zonas da India hai miseria |
O budismo é outra relixión importante na India, especialmente no norte e ademais naceu neste país. Os budistas non creen na existencia dun deus senón no desenrolo da mente para intentar entender mellor o universo.
 |
| Estatua de Buda |
O lugar é fermoso rodeado de xardíns e cun estanque central con nenúfares.
 |
| O Buda xigante |
Outra estautua de Buda e ao fondo, o templo budista.
SARNATH
Sarnath é unha cidade india , unha das 4 cidades santas do budismo. É o lugar onde por vez 1ª Buda predicou.
Esta cidade chegou a ter 12000 monxes vivindo aí e no S. VII había 30 mosteiros e 3000 monxes.
Despois, a cidade foi devastada polos turcos musulmáns e caeu no esquecemento e abandono ata que foi redescuberta por Alexander Cunningham no S. XIX.
Actualmente, Sarnath é un centro de peregrinación budista. Tamén se di que aquí naceu o undécimo santo da relixión jainista polo que os seguidores desa relixión tamén o consideran un lugar sagrado.
O día estaba oscuro e había tormenta. Ameazaba con chover e así o fixo ao final da visita, que tivemos que acortar un pouco debido a eso.
 |
| Sarnath |
Destaca a estupa Dhamekh que indica o lugar do primeiro sermón de Buda. Fundouse por Ashoka no ano 249 a. C. e logo foi reconstruida no S.V. Está construida en ladrillo, e ten unha forma cilíndrica. A súa altura é de algo máis de cuarenta e tres metros.
As estupas poden ser monumentos funerarios e poden tamén ser conmemorativas dalgún acontecemento importante como é neste caso.
 |
| Estupa |
Os restos doutros templos e edificios son abundantes:
AS RÚAS DE BENARÉS
Camiñar polas rúas desta cidade é sen dúbida unha experiencia única! Todos e todas camiñamos ou estivemos algunha vez ou moitas no medio de aglomeracións de xente en cidades, en concertos, en grandes festas...pero o que se vive nas rúas de Benarés non se vive en case ningún outro lugar: pitidos enxordecedores dos conductores que parecen ter entre eles un código secreto para conducir sen tropezarse, vehículos de todo tipo: motos, coches grandes, bicicletas, tuk-tuks...vacas, cans e xente; moitísima xente no medio de todo o anterior; xente que nos chama a atención pola súa maneira de vestir, de peitearse, algúns van descalzos, hai xente mendigando, outra moita vendendo todo tipo de obxectos, xente tocando algún instrumento...Todo e todos mesturados nun conxunto do máis variopinto.
No noso percorrido vimos unha igrexa cristiana. Hai poucas porque esta relixión tan só representa o 2,3% da poboación.
 |
| Unha igrexa cristiana. |
Vimos xente preparando follas de betel ou buyo para masticar. Nas follas desta planta envolven diversos elementos como noz de areca, cal de conchas, ás veces tabaco...todo aderezado (segundo os gustos) con anís, cardamono, endulzantes...Mascan esto que ten un efecto estimulante e psicotrópico. É unha sustancia adictiva e canceríxena.
 |
| Preparando as follas de betel ou buyo |
Hai música e baile polas rúas...
Metémonos por rúas estreitas onde tamén vimos cans soltos. Na India hai uns sesenta e dous millóns de cans que non son de ninguén e deambulan polas rúas. Só un 15% destes animais está vacunado contra a rabia e é o país do mundo onde máis xente morre infectada por esta enfermidade.
 |
| Os cans son da rúa |
Non a pobreza, senón xa a miseria, son palpables nestas rúas: a enmaraña de cables, os míseros toldos das tendas, a inmundicia que hai ....
 |
| Unha rúa de Benarés |
Véxase o estreito da rúa, máis ben semella un calexón, e eso que non abriron aínda as tendas. En canto o fagan o espazo será aínda máis reducido...Que agobio!!!
Estas son as rúas de Benarés e de moitas outras cidades da India. Como serán en aldeas remotas?
As cabras tamén poden considerarse como sagradas na India.
A nosa viaxe á India coincideu co Holi ou Festival de Cores, unha festa na que celebran a chegada da primavera. Segundo a tradición tamén representa o trunfo do ben sobre o mal. A fascinación por este evento remóntase ao S. XVII e é tamén unha celebración do trunfo da alegría. O festival celébrase en todo o país, unha explosión de cores elévase sobre unha multitude que baila coa cara pintada de cores.
 |
| Unha rúa de Benarés |
A nosa viaxe á India coincideu co Holi ou Festival de Cores, unha festa na que celebran a chegada da primavera. Segundo a tradición tamén representa o trunfo do ben sobre o mal. A fascinación por este evento remóntase ao S. XVII e é tamén unha celebración do trunfo da alegría. O festival celébrase en todo o país, unha explosión de cores elévase sobre unha multitude que baila coa cara pintada de cores.
Fan piras moi grandes (vimos varias) e cantan e bailan toda a noite arredor do lume.
 |
| Unha nena pintada para celebrar o Holi |
CERIMONIA AARTI
O víspera víramos a ceremonia aarti dende un barco e estaba bastante lonxe pero ao seguinte, tíñamos reservado un lugar privilexiado para vela dende moito máis cerca.
A cerimonia aarti é un ritual espiritual que se celebra en Varanasi tódolos días do ano ás beiras do río Ganges. Esta cerimonia celébrase en tódolos templos hinduistas do país pero ao aire libre e ao pé deste río que é sagrado para eles, cobra un sentido diferente. É todo un espectáculo de son, luces, cancións...que crean un ambiente máxico e emotivo.
 |
| Preparando a cerimonia Aarti |
O espectáculo atrae a multitude de hinduistas e de turistas que contemplan a cerimonia dende terra ou dende os barcos.
O ritual é presidido por 7 brahmanes da cidade. Estos sacerdotes invocan a maxia a través dos catro elementos que caracterizan o universo: as flores como representación da terra, a auga do propio río Ganges, o lume das lámpadas de aceite e o aroma a sándalo que exhuma o aire.
 |
| Cerimonia Aarti |
Oghat , onde a noite anterior había miles de persoas, aparecía case vacío:
 |
| Ghat |
 |
| Embarcacións no Ganges |
 |
| Un ghat para cremacións |
 |
| As beiras do Ganges... |
Como remate dicir que esta viaxe ademais de enriquecernos cunha cultura moi diferente á nosa e de visitar monumentos máis emblemáticos do país, a min deixoume claro esto:
MOITO NOS SOBRA A NÓS E MOITO LLES FALTA A OUTRA XENTE
Páxinas web consultadas:
https://seedubaitours.com/que-ver-en-india/sarnath-varanasi/
https://es.wikipedia.org/wiki/Buyo_(betel)
https://www.swissinfo.ch/spa/el-perro-y-el-hombre-la-pelea-por-las-calles-de-la-india/48170806
https://viajes.nationalgeographic.com.es/a/holi-festival-colores-india_12451
https://www.lasociedadgeografica.com/blog/viajes-india/ganga-aarti-ritual-varanasi/
Ningún comentario:
Publicar un comentario