CAMIÑO NATURAL DO CANTÁBRICO S. CIBRAO-PORTO DE MORÁS

 Dentro da etapa 5 do Camiño Natural do Cantábrico (S. Cibrao-Viveiro), hoxe realicei o tramo S. Cibrao-Porto de Morás. Dos que levo feitos dende Ribadeo onde empecei, é o que menos me gustou. O mellor, o inicio co parque Raíña Sofía, a Ría de lieiro e o paseo ás beiras do Río Covo en S. Cibrao e o final coa praia de Lago e o porto de Morás; o resto do percorrido métese cara ao interior por pistas forestais e de terra, rodeadas de eucaliptos. O mellor desto é que cruzaremos aldeas como Barxa, Lago...

Os tramos realizados ata agora deste Camiño Natural do Cantábrico témolos aquí:

Rutas de sendeirismo: RUTA RIBADEO- RINLO POLO CAMIÑO NATURAL DA RUTA DO CANTÁBRICO

Rutas de sendeirismo: RUTA RINLO- REINANTE POLA RUTA NATURAL DO CANTÁBRICO

Rutas de sendeirismo: RUTA NATURAL DO CANTÁBRICO: Praia de Arealonga - praia de Anguieira(Barreiros)

Rutas de sendeirismo: CAMIÑO NATURAL DO CANTÁBRICO. TRAMO PRAIA DE ANGUIEIRA(BARREIROS) - FOZ

Rutas de sendeirismo: CAMIÑO NATURAL DO CANTÁBRICO. TRAMO PORTO DE FOZ- PORTO DE FAZOURO

Rutas de sendeirismo: RUTA CASTRO DE FAZOURO(FOZ)- PRAIA DE AREOURA(FOZ)

Rutas de sendeirismo: CAMIÑO NATURAL DO CANTÁBRICO (BURELA- S. CIBRAO)

Imos co tramo do hoxe (Ao final, está a ruta en wikiloc)

Características:

Lonxitude: 10,6km. 

Dificultade: fácil

Ruta lineal en xeral ben sinalizada pero...ás veces hai sinalización demais e algúns puntos falta. Esto pasa en tódolos tramos.

Descripción:

Saio pois de S. Cibrao, do parque "Reina Sofía" situado á beira da ría:

Este monumento é unha moderna fonte:

Saimos polo paseo á beira da ría:

Temos que cruzar a ponte sobre a ría e coller á esquerda:

Imos polo paseo á beira do río Covo:

Agora por unha pasarela de madeira:

Ao fondo, a ponte pola que cruza o tren

E chegamos á Ponte medieval do Bao. Construíuse no medievo para poder cruzar o río cando a marea está alta. É semellante ás pontes romanas e atopamos outras en Cangas de onís, Navia de Suarna...

Ten un único ollo e de forma oxival. Foi restaurada polo concello de Cervo no ano 1986

Os peitorís da ponte foron renovados no S. XIX

A ponte ten unha altura de 9,5m

Aquí, as beiras do río Covo, hai unha preciosa área recreativa:

Cun antigo muíño restaurado

Continuamos agora por unha pista forestal durante uns 200m aprx. e desembocamos nesta carretera nun cruce sen sinalización ningunha da ruta. Por lóxica (imos cara ao mar) pillamos á dereita onde vemos deseguida un sinal. Seguimos en Lieiro, na parte máis alta desta parroquia. Onde se ven as casas, hai que pillar á esquerda.

A chimenea da fábrica de Alúmina-aluminio vai acompañarnos boa parte do traxecto:

Vistas de S. Cibrao dende o alto de Lieiro:

Imos agora atravesar un pequeno monte (aprox. 600m.) 

Para desembocar nunha rotonda, aínda que o trazado oficial sae algo máis arriba porque había que coller á esquerda nalgún momento. Eu non vin o sinal.

En O Castelo, xunto ao restaurante, torcemos á dereita:

O camiño é ancho e cómodo e aínda algún carballo permanece entre eucaliptos.

 

Cruzamos a aldea de Lago, xa no concello de Xove. É esta unha parroquia eminentemente agrícola e é o lugar onde está ubicada a multinacional  ALCOA, así como as instalacións dunha piscifactoría de PESCANOVA dedicada á cría de rodaballo.

Parroquia de Santa Eulalia de Lago

Despois de rodear as instalacións da Factoría de Alúmina- Aluminio por un lado, chegamos deseguida á aldea de Barxa que pertence á parroquia de Lago.

Esta é unha das zonas máis industrializadas da Mariña. Ao longo do percorrido do tramo de hoxe, imos constantemente vendo chimeneas e instalacións industriais.

Piscifactoría de rodaballo

 Cruzamos polo túnel debaixo da vía:

E xa estamos na praia de Lago onde vemos de fondo as instalacións portuarias de ALCOA

Esta praia conta cunha inmensa área recreativa que atopamos moi coidada:

A praia de Lago mide 650m de lonxitude, é unha praia de area moi fina e é algo ventosa. Atópase nunha zona illada, lonxe das casas. As únicas instalacións que se divisan son as industriais.

Esta praia conta cun importante sistema dunar separando a praia da área recreativa.

Seguindo esta estrada que acaba no mar, a carón da praia de Lago, atopamos unha pequena cala á man esquerda:

Abandonamos a praia de Lago para dirixirnos ao Porto de Morás, fin do noso percorrido. Só queda 1,5km.

Antes de dirixirme ao porto, collín á man dereita nunha indicación que sinalaba a praia da Cova. Son uns 100m. e temos unha vistas espectaculares do porto ademais de coñecer esta cala.

Na foto seguinte vemos o porto e a praia de Morás

A praia da Cova é a única do concello de Xove que permite o acceso á mesma con cans.

Esta praia mide 70m. de lonxitude

O concello de Xove ofrece a  "Senda Costeira de Xove", un percorrido lineal que se iniciaría aquí en Morás ou na praia de Esteiro e que pon en valor a fermosa costa deste concello. O Camiño Natural do Cantábrico coincidirá, neste concello, en boa parte con esta ruta.

A praia de Morás, de 80m, de lonxitude é tranquila pola situación e polas poucas ondas. A carón desta praia atopábanse as antigas instalacións baleeiras de Morás xa que a pesca da balea tivo unha grande importancia no pasado e hoxe podemos recordalo  polo paseo etnográfico que temos neste lugar.

Estes son os dolos: formacións de formigón que se fabricaron aquí para a realización do espigón de abrigo do porto da fábrica de aluminio nos anos 70 do pasado século.

Powered by Wikiloc

RUTA DO RÍO XUNCO (SARGADELOS-RUETA)

Esta ruta que publicita o concello de Cervo é preciosa pero ten tramos verdadeiramente abandonados polos que é imposible pasar debido á maleza que teñen. É unha lástima porque a ruta merece a pena de verdade.

CARACTERÍSTICAS DA RUTA:

Lonxitude: 6km. aprox.

Dificultade: fácil pero inaccesible nalgúns tramos

Ruta lineal mal sinalizada en bastantes tramos e descoidada sobre todo a partires da vila de Cervo.

DESCRIPCIÓN:

A ruta empeza en Sargadelos, na Fonte da Tella. A situación desta Fonte, AQUÍ

O entorno da Fonte da Tella é moi exuberante:

No cruce, ao vir da fonte, collemos á esquerda:

Este é o comenzo do Paseo dos Namorados:

Estamos  a carón do Conxunto histórico-Artístico de Sargadelos que inclúe os restos do Complexo industrial fundado a finais do S. XVIII por Antonio Ibañez, marqués de  Sargadelos ao levantar unha fundición de ferro e no S. XIX as fábricas de louza e vidro.

Antiga carboeira que hoxe se emprega como sala de exposicións

Antiguas cabaleirizas

Antiga fábrica de louza

Casa do administrador, hoxe convertida en Museo

Despois de pasar todo o Conxunto de Sargadelos, no seguinte cruce, pillamos á esquerda por esta carretera:

Andamos por asfalto aprox. 1 km.ata chegar a un cruce onde está sinalizado o Camiño Real que imos pillar:

O Camiño Real construído en 1849 ía dende as Reais Fabricas (Alfonso Ibañez consigueu unha cédula Real para levantalas) ata o porto de S. Cibrao. Foi a 1ª estrada de peaxe en España e a través dela chegaban ao mar os productos manufacturados das fábricas de Sargadelos.

O Camiño Real é ancho (Cando foi feito tiñan que pasar carruaxes e mercancías) e nótase que tivo bo firme.

No medio da abundante vexetación adiviñamos restos de edificacións:

O entorno é así de fermoso:

Restos dun muíño:

Nótase que foi un camiño importante ademais de pola anchura(que en moitos lugares vai sendo comida pola vexetación) tamén polos muros de pedra que o protexían:

 1ª ponte que vemos pero non temos que atravesar:

Escaleiras que baixan á ponte. Nós seguiremos o Camiño Real de frente.

Imos ao lado do río Xunco:

Outra ponte que si temos que atravesar:

Un fermoso recanto:

Unha exuberante vexetación con moitas variedades de plantas e árbores medra ás beiras do Xunco:

Escaleiras que baixan ao río:

Onde en épocas pasadas podemos imaxinar ás mulleres lavando...

As construcción grandes e en pedra que hai pola beira do río dan idea da importancia que deberon ter na súa época:

Algo máis adiante atopamos outra edificación grande en ruínas e o camiño foi estreitándose:

O río ás veces semella un regato ao que a vexetación vai engulir:

Atravesamos esta ponte e xa chegamos á vila de Cervo:

Se volvemos a vista atrás vemos a masa arbórea que acabamos de cruzar:

Xa no centro de Cervo, vemos o afamado Restaurante/Pousada de Turismo Rural "O Almacén" que foi o 1º establecemento de Turismo Rural aberto en España no ano 1987.

Pasamos polo centro da vila coa súa coñecida Praza do Souto (eu lembro esta praza como era orixinariamente, é dicir, un souto cheo de castiñeiros) Está completamente reformada e menos mal que aínda lle deixaron algún castiñeiro que faga honor ao nome que leva:

Imos por onde indica o sinal:

O muíño de Benito:

Baixamos esta pasarela:

E atravesamos esta ponte:

Puxéronlle arame por un lado. Supoñemos que será para que non esvare:

E volvemos a sumerxirnos na natureza:

Sempre pegados ao río Xunco:

Ata aquí a ruta non ten perda. A pesares de non estar homologada nin ter sinais propias de sendeirismo o camiño está ben definido e non hai problema. A partires deste punto xa non hai sinalización ningunha ou está mal. 

Tardamos uns minutos en adiviñar por onde debiamos ir. Saimos a unha carretera onde hai un cruce. Primeiro fomos de frente, seguindo o río, pero tivemos que dar volta xa que non se pasaba.

Nós viñamos do carreiro verde e aquí hai que cruzar a ponte e pillar Á DEREITA!!

Despois de ir pola carretera uns 20m. collemos un sendeiro que apenas se vía, á dereita para volver ao río:

Pero o sendeiro estaba case impracticable, canto máis nos adentrábamos, máis cerrado estaba o paso:

Pero aínda que con dificultade, fomos pasando e chegamos a esta ponte onde xa se camiñaba mellor. Pensamos que se debía a que é un lugar frecuentado por pescadores que chegan dende o outro lado:

O río Xunco segue a ofrecernos a súa beleza:

E chegamos á carretera xeral da costa que temos que cruzar(Imos sair na parte esquerda, onde está o sinal de curva peligrosa)

Cruzamos a carretera e collemos á dereita para atravesar a ponte:

Despois de cruzar a ponte, ao final, collemos á dereita outra vez:

E voltamos a pillar o cauce do Xunco:

Camiñamos uns metros por esta pista:

Atravesamos ao lado dunha finca onde había unhas casas ( O muro era o peche da finca dunha casa)

Cruzamos esta ponte:

E xa non houbo maneira de pasar; as silvas, felgos, ortigas e toxos invadíano todo:

Tivemos que alonxarnos do río, non poidemos seguilo ata a súa desembocadura en Rueta. Collemos a carretera que pasa moi cerquiña (Seguimos cara á esquerda)

Despois duns 200m apox. xa vemos o mar:

Enlazamos coa carretera Burela- S. Cibrao pola costa e collemos á esquerda:

Vemos ao lonxe a praia de Rueta:

A praia de Rueta. Esta praia é bastante solitaria e incluso no verán está pouco concurrida.

A ponte sobre a que pasa o tren:

Debaixo da ponte ven o Xunco desembocar ao Cantábrico:

Unha pena non poder chegar a esta praia seguindo o curso do río como din na páxina do concello de Cervo.