Buscar en Rutas de Sendeirismo
Amosando publicacións coa etiqueta Camariñas. Amosar todas as publicacións
Amosando publicacións coa etiqueta Camariñas. Amosar todas as publicacións

luns, 8 de novembro de 2021

O CAMIÑO DOS FAROS. CAMARIÑAS - PONTE DO PORTO


Dentro da etapa 6 Camariñas-Muxía, hoxe realizamos o tramo Camariñas-Ponte do Porto. É o tramo mái fácil dos que levamos ata o de agora, totalmente chan e cun terreo regular moi transitable. É ademais un tramo que nos encantou coa fermosa enseada da Basa, recónditas e tranquilas praias cun azul inmenso redeadas de piñeiros como a de Rego dos Coiros ou a de Ariño. Atravesamos aldeas como a de Xaviña, Tasaraño, Dor, O Allo...e rematamos en Ponte do Porto. 

Como imos despacio, desfrutando de cada recuncho, facendo poucos km. en cada etapa, deunos tempo a parar en Xaviña, no restaurante- bar Rojo a tomar unhas cervezas e desfrutar duns callos e unha tortilla deliciosos, depois do xantar, paramos a tomar café no Restaurante O Ariño e ao remate en Ponte do Porto merendamos en O Casino. Un pouco de gasto nos lugares por onde pasa a ruta tamén é importante.

Ao final da entrada deixo o track deste tramo en wikiloc e tamén o enlace aos tramos anteriormente realizados, que con este xa son 9.

Características:

Lonxitude: 14 km.

Dificultade: ningunha

Ruta lineal ben sinalizada.

Descripción:

Despois de deixar un coche en Ponte do Porto, saimos do porto de Camariñas ás 11:00h. dun día que aínda que nublado nese momento, había despexar de todo para agasallarnos cun fermoso día de sol cunha temperatura super agradable. Un día perfecto para camiñar!!

Saíndo de Camariñas

Imos polo Paseo do Porto e vemos unha imaxe da Virxe do Carme en pedra, patroa desta localidade.


A mediados de o S. XVIII, Camariñas era o porto máis importante da Costa da Morte.
Imaxe do porto de Camariñas 
 

Vemos uns bancos que levan escritos coñecidos poemas deste concello:


E diante do concello puxeron esta estatua en pedra que representa unha palilleira. Son mulleres que practican o arte do encaixe de bolillos con pauíños de madeira. O encaixe de bolillos ten gran arraigo na Costa da Morte, especialmente en Camariñas onde hai un Museo do Encaixe onde se conservan mostras de artesanía e documentos arredor do encaixe desta zona.

Dende o ano 1991 celébrase en Semana Santa a Mostra do Encaixe de Camariñas.

Buscamos os sinais en cor verde que xa sabemos que aparecen en calquera lado: nun muro, nun sinal de tráfico, nunha pedra...e que nos encamiñan ao Paseo Marítimo de Camariñas:
Paseo marítimo de Camariñas

Cruzamos a praia Area da Vila, semiurbana e de 200m. de largo. Na noite de S. Xoán acéndese nesta praia a cacharela máis grande da Costa da Morte.
Praia Area da Vila

E poucos metros despois da anterior aparece a praia de Lingunde, fermosa tamén de augas cristalinas e area fina:
Praia de Lingunde

A partires de aquí. empeza xa a Enseada da Basa, que bordeamos por un fermoso camiño entre piñeiros:
Enseada da Basa

Vemos dúas persoas marisqueando xa que esta enseada é rica en ameixas, berberechos, navallas e longueiróns.
Marisqueando na Enseada da Basa

Este é un bo lugar para parar e tomar unha boas fotos coa enseada de fondo:

Saimos á estrada para camiñar por ela uns poucos metros e tomamos unhas cervezas no café-bar restaurante-parrillada O Rojo. Estamos na aldea de Xaviña
Xaviña
Despois de tomar uns exquisitos callos e unha tortilla deliciosa no restaurante-bar O Rojo, collemos deseguida á dereita para percorrer o Monte da Insua por unha pista ao pé do litoral ( nun momento determinado vemos un cruce cun sinal indicando a subida ao cume do monte, subida de 1 km. que logo hai que desandar para retomar a senda) Nós decidimos non subir.
Este percorrido ao igual que todo este tramo que fixemos é moi doado, sen desnivel ningún, sempre á sombra dos piñeiros ao lado do mar. Marabilloso!!!!
Empezando o camiño da Insua
 
De frente, as praias polas que acabamos de pasar. Imos polo outro lado da Enseada:

 Agora xa estamos na ría de Camariñas. A vila, en frente:
Ría de Camariñas e a vila ao fondo

Na fermosa praia de Rego dos Coiros, paramos a xantar. Unha praia virxe nun entorno precioso!!
Praia de Rego dos Coiros
O único que terán estas praias que envexar ás do Caribe será a temperatura da auga poruqe a beleza non nos ganan.

Praia Rego dos Coiros

Despois de este paréntese para a comida, o relax, as fotos...reanudamos a marcha por este fermoso piñeiral:

Moi cerca da anterior está a Praia do Ariño situada entre a desembocadura do Río Grande e a Ría de Camariñas. É unha praia protexida da forte oleaxe e ventos que sofren outras praias da Costa da Morte.
Praia do Ariño

Ademais a Praia do Ariño conta cunha magnífica área de piñeiros con mesas, bancos asadores....para pasar un estupendo día en familia ou con amigos.



A  Praia do Ariño é grande o que unido ás características de abrigo que ten e ao inmenso e ben coidado merendeiro, é de supoñer que no verán estará moi concurrida:

Dende logo as paisaxes de O Camiño dos Faros, namoran a calquera:

Saimos á estrada que temos que cruzar para pasar por diante do restaurante O Ariño no que paramos a tomar o café.

Restaurante O Ariño

Agora imos adentrarnos nunha zona rural. A 1ª aldea pola que pasamos é Tasaraño, un barrio da parroquia de Xaviña dentro do concello de Camariñas.
 Despois de Tasaraño circulamos uns metros por un camiño paralelo á estrada:

E atopamos estas vistas sobre a ría.

Con hórreos típicos desta zona totalmente distintos aos que vemos na Mariña lucense.

Despois atravesamos a aldea de Dor que xa pertence á parroquia de Ponte do porto.
Dor
Adentrámonos uns metros no monte para sair en O Allo, lugar que pertence tamén á parroquia de Ponte do Porto

O Allo

Chegando xa á Ponte do Porto, vemos o colexio público e chaman moito a nosa atención os murais pintados no seu frente. Foron realizados por Mutante Creativo formando parte dunha iniciativa municipal para celebrar o 8M.
Son 6 retratos nos que se reflicten profesións do sector primario e tamén as vinculadas á ciencia e á cultura e que pretenden empoderar ás mulleres e o seu papel na sociedade.


Atravesamos a Ponte sobre o Río Grande. O topónimo de Ponte do Porto vén precisamente desta ponte que cruza o río e de que foi noutros tempos un importante porto con moito tráfico madeireiro, sendo o centro comercial da comarca.
O río Grande
 A finais do S. XIX e principios do XX a feira de Ponte do Porto foi o epicentro de venta e distribución do encaixe de Camariñas que se enviaba a Cuba, estados Unidos e países de Sudamérica.
Nunha pequena praciña, diante do  bar O Casino e da igrexa atopamos este monumento , réplica da fonte dos leóns de Granada:

A imaxe do río mirando cara ao outro lado.
Río Grande

A ruta en wikiloc
Os anteriores tramos do Camiño dos Faros están nos seguintes enlaces:

Páxinas web consultadas: O Camiño dos Faros (caminodosfaros.com)

Publicado por ás Ningún comentario:
Etiquetas: , , , ,

luns, 27 de setembro de 2021

O CAMIÑO DOS FAROS. TRAMO: PRAIAS DE REIRA- CAMARIÑAS

Hoxe remataremos a 5ª etapa deste Camiño dos Faros que nós imos partindo en tramos. Partiremos das praias de Reira e chegaremos a Camariñas pasando polo Monte Pedrosa, o faro Vilán, a capela da Virxe do Monte...e praias pequenas, recónditas, salvaxes...Estamos no concello de Camariñas.

Características:
Lonxitude: 13, 8 km.
Dificultade: fácil
Ruta lineal ben sinalizada.

O track en Wikiloc:

Descripción:

Partimos como dixen das praias de Reira. Son un conxunto de praias con distintos nomes pero que no seu conxunto reciben este. A primeira que vemos sí se chama "Praia de Reira"
Praia de Reira
 
 En Punta Forcados vemos esta pedra grande con forma de oso que no ano 2002 foi levada para A Coruña por uns operarios que traballaban nunha obra. De alí a un tempo foi devolta ao seu sitio.

Agora vemos a praia de Area Longa co Monte Pedrosa ao fondo.

E antes de ascender ao monte vemos a praia Balea, paraíso de surfistas.

Ao omenzar a subida ao Monte Pedrosa, empezou a chuviscar. A praia que vemos de fondo é a praia Pedrosa


Imos por unha pista moi cómoda ata Faro Vilán.
Este parque eólico foi dos primeiros construídos en Galicia.


Imos vendo o faro continuamente e a rocha "Vilán de fóra"

A foto seguinte corresponde ao Faro Vello situado nunha torre octogonal, funcionaba a vapor. Ao non estar situado na parte máis alta deixaba zonas a cegas, sen alumear `porque debido ao seu emplazamento non podía superar o punto máis alto de Cabo Vilán. Despois de varias traxedias acontecidas nesta costa con barcos naufragados e a perda de moitas vidas humanas decidíuse construir outro faro e no ano 1986 inaugurase o actual cunha torre octogonal de 25m de altura.
Faro vello

O novo faro foi o 1º eléctrico de España e supoxo unha notable melloría para a navegación. No ano 1933 foi declarado de Interese Nacional en 1933. O edificio que vemos era a vivenda dos fareiros e está separado da torre por un túnel con 250 escaleiras.

No ano 2019 jubilouse a última fareira, Cristina Fernández, dunha profesión que se extingue. Ela e o seu home acompañados doutros fareiros, viviron nesa casa ao pé do faro.

Continuamos o camiño despois dunha parada duns 20 minutos neste enclave. Imos bordeando unha piscifactoría de rodaballo:



O camiño é ancho e moi fáil de percorrer. Fixándose ben, aló ao lonxe, no alto do Monte Farelo vemos a capela a onde temos que chegar. É a capela da Virxe do Monte.


Subimos ata capela nun ascenso moderado polo Monte Farelo uns 150m.

A ermida da Virxe do Monte é de estilo barroco do S. XVIII. É moi sinxela e ao estar situada nun alto ten unhas excelentes vistas ao océano e a veciña Muxía.

Vemos Muxía dende a ermida. O día non se presta nada para as fotos pero é o que tocou hoxe.

Diante da capela temos un banco que mira ao océano. Parece que a moda non para...
Aquí celébrase unha importante romería a que acoden moitos camariñáns.


Dende esta ermida podemos dar a volta e, no cruce onde estaba o campo de fútbol, seguir o camiño por onde indicaban as frechas mías curto e fácil ou ben dende a mesma capela baixar por un estreito carreiro por onde tamén está sinalizado. Nós fixemois esto último.

Baixando dende a ermida


Punto onde se xuntas os dous percorridos: o que traemos nós e o que baixa polo muro de pedra.

Pasamos xunto á praia de Lago onde un cartel di que as súas augas son excelentes para o baño.

 Un pouco despois temos a praia de Portocelo.

E chegamos a Camariñas entrando polo seu porto.






Publicado por ás Ningún comentario:
Etiquetas: , , , ,
Subscribirse a: Publicacións (Atom)