AO REDOR DE CEDEIRA

 Hoxe, 1 de novembro, anunciaban un tremendo temporal de vento e chuvia para toda Galicia, a partires sobre todo da tarde, así que preparar unha ruta para este día era algo arriscado. Non podía organizar ningunha onde houbese ríos xa que, debido á chuvia destes últimos días, moitos deles baixaban desbordados; tampouco podía ser unha ruta moi longa xa que queríamos estar no abrigo cando o temporal aparecese, non podiamos comer de bocadillo porque o día non ía estar agradable para eso, así que optei por unha ruta curtiña e costeira.

Fomos ata o concello de Cedeira para realizar unha ruta ao redor da vila. Case todo o que vimos eu xa o coñecía doutra viaxe (non ruta) que fixera no ano 2021 no que percorréramos os miradoiros e faros máis coñecidos do municipio e que se pode ver AQUÍ

Cedeira é un concello da provincia de A Coruña e que pertence á Comarca de Ferrol.

Hoxe fixemos unha ruta moi curta pero interesante que condensa en poucos km. moitos lugares moi fermosos e históricos.

Características.-

- Lonxitude: 5,6 km.

- Dificultade: Fácil

- Ruta circular sen sinalizar aínda que bastante intuitiva. O meu track en WIKILOC

A miña valoración desta ruta:🔆🔆🔆🔆🔆

Descripción:

Iniciamos a ruta no Paseo da Marina, na vila de Cedeira. É un curto paseo ao pe da ría que é a máis pequena da provincia de A Coruña.

Paseo da Marina e Praia da Magdalena

O río Condomiñas  é un dos tres que forman a ría de Cedeira e atravesa esta vila dividíndoa en dúas partes.. Na seguinte foto vemos unha das ponte que o cruza.

                                      Río Condomiñas desembocando na ría de Cedeira.

 Un paseo á beira da ría, neste momento en marea baixa.

Paseo da Marina.

Pasamos por diante do Museo "Mares de Cedeira" que amosa un anaco da historia mariñeira dende fósiles recollidos no fondo mariño ata embarcacións que naufragaron. Este museo está ateigado de pezas que mostran as tradicións mariñeiras dos antepasados e as actuais.

Museo "Mares de Cedeira"

Aquí vemos o monumento á muller do pescador. A placa que leva debaixo di: "A Cofradía de Cedeira á muller do pescador, no traballo e na vida, compañeira" Foi colocado sobre esa rocha no 1985. É obra do escultor de Fene, Guillermo Feal.

Monumento á muller do pescador

O Porto de Cedeira, situado na ría, está protexido por un dique de abrigo. É un porto pesqueiro e deportivo que conta cun gran número de embarcacións a pesares de ser tan pequeno.

Porto de Cedeira

A praia de Area Longa é pequena e resgardada e ao ser de ría,  con augas tranquilas.

Praia de Area Longa

Ao remate do Paseo da Marina, vemos xa o Castelo da Concepción.


No porto, ao remate do paseo da Marina, hai unhas escaleiras polas que subimos . (A foto corresponde a cando visitamos este lugar noutra ocasión con día despexado)

 Imos subir á Punta do Sarridal ou Campo do Castro como lle chama a xente da zona, unha península que é das zonas máis fermosas e históricas de Cedeira. Aquí están o Castelo da concepción, o Castro, a Cala Sonreiras, o faro...


O Castelo da Concepción é unha fortaleza militar do S. XVIII. Sitúado na Punta do Sarridal, encima do porto foi testigo de moitas batallas. A súa construcción foi solicitada á Armada Española polos habitantes de Cedeira debido ao saqueo sufrido no Sarridal e en S. Antonio Corveiro durante a guerra con Inglaterra.

Castelo da Concepción

Esta fortaleza, nos anos de maior actividade, chegou a ter 15 canóns e 30 homes ás ordes da Comandancia.

Castelo da Concepción

Na actualidade, o Castelo (só poidemos velo por fóra xa que está pechado provisionalmente) conta cun Centro de Interpretación onde se poden contemplar reproduccións de navíos da época, réplicas dos traxes que vestían ou armas que empregaban nas batallas. Tamén foron reconstruídas algunhas estacias para ver como eran naquela época (a cociña, o almacén da pólvora...)

Castelo da Concepción

Dende o Castelo, as vistas sobre a ría de Cedeira son moi chulas.

Vistas dende o Castelo da concepción

O Castro do Sarridal ou Campo do Castro é un dos xacementos castrexos máis importantes de Galicia. O castro enmárcase na 2ª fase da cultura castrexa, dende os S. V e II a.C ata a época galaico-romana (S.I-II d. C) O castro estivo abandonado despois completamente ata o 2017 no que empezaron as excavacións.

O tamaño do castro abarcaría toda a península do Sarridal, por mar era inacesible debido aos altísimos cantís que o rodean e no istmo que o une a terra estaría defendido por altas murallas e profundos foxos.

O elemento máis importante do castro é o chamado "Monumento con forno" ou sauna, unha estructura dedicada aos baños de vapor e que ten unha complexa arquitectura.

Sauna ou Monumento con forno no Castro Sarridal.

Se che gusta a arqueoloxía e queres saber moito máis deste castro e súa sauna, pincha no enlace: CASTRO DO SARRIDAL

Un bo lugar ten para descansar a rapaza que está enterrada aí. Só tiña 19 anos

Os altos cantís da Penísula do Sarridal.

Poño dúas fotos dende a Península do Sarridal. Toda ela é un magnífico Miradoiro natural sobre a Ría de Cedeira, os altos cantís, a praia de Vilarrube e o Océano Atlántico. A foto primeira é de onte, que estaba o día nubrado e con ganas de chover e a outra é de cando visitamos este lugar cun magnífico día solleiro.

Vistas dende o Miradoiro de Punta Sarridal un día nubrado

Vistas dende Punta do Sarridal un día solleiro. Ao fondo, a praia de Vilarrube

O Faro do Sarridal coa Punta Chirlateira ao fondo.

Faro do Sarridal

Tamén nesta península temos a Cala Sonreiras. Dende arriba hai outro estupendo miradoiro

E abaixo hai unha fermosa e recóndita cala á que se accede baixando 154 escaleiras. Está abrazada por enormes cantís e é perfecta para quen escapa das multitudes doutras praias.

                                                               Cala Sonreiras

Dende a cala anterior hai un pequeno paseo que nos leva ás antigas cetáreas que foron restauradas por Costas de Galicia. Estas instalacións son un vestixio dunha actividade económica ancestral.

                                                                  Antigas Cetáreas

Deixamos a Península do Sarridal para ir ata a capela de S. Antón Corveiro. Imos uns metros por estrada ata coller á esquerda.

Pillamos á esquerda por un carreiro ben definido que cruza un monte. É unha costa pronunciada pero son 300m. Se miramos ás nosas costas vemos perfectamente a Península do Sarridal onde acabamos de estar.

Na seguinte foto vemos o carreiro de monte polo que subimos, a área recreativa que hai e a capela de S. Antón Corveiro.

A capela é do S. XVII. No S. XVIII, tres naves inglesas saquearon e queimaron unha flota española que se refuxiara na ría de Cedeira; os homes desembarcaron e ascenderon ata a capela que viran dende o mar. Despois de saqueala, levaron a imaxe de S. Antonio. A raíz deste ataque foi construído o forte da Concepción do que antes falamos.

Capela de S. Antón Corveiro

O  cruceiro que vemos é do S. XVIII e é coñecido como O Cristo da Ponte porque estivo colocado antes nunha ponte, hoxe desaparecida, sobre o río Condomiñas. No ano 1968 foi trasladado a este lugar.

Capela e cruceiro

Dende esta capela que está no punto máis alto da nosa ruta tamén temos un excelente miradoiro.

Agora toca baixar pero non o facemos por estrada senón por un camiño que pillamos á dereita. Cruzamos un pequeno monte.

Despois temos que cruzar unha estrada local, seguir de frente e desembocamos deseguida  na vila de Cedeira baixando por outra  estrada local.

 Pillamos á esquerda pola rúa do Cristo e adetrámonos así na parte antiga da vila formada por estreitas rúas e os edificios máis notables.

Na Praza da Rectoral vimos o Palco da Música e a Biblioteca Pública que foi onde estaba antes o concello.

Praza da Rectoral

A Praza da Rectoral vista dende outro ángulo. Ao fondo, de amarelo, a Bilioteca Pública no edificio onde antes estaba o Concello.

                                                         Praza da Rectoral

A Igrexa de Santa Mª do Mar foi construida no S. XV en estilo gótico pero sufreu numerosas reformas.

                                                      Igrexa de Santa Mª do Mar

Vimos algunha rúa como a da foto seguinte.

O concelllo está situado agora no edificio que vemos e que conserva unha parede de pedra:

                                                            Concello de Cedeira

O artista Nove Noel é o autor deste fermoso mural. É unha peza artística realizada ao amparo do Proxecto Xeoparque Cabo Ortegal e a Deputación de A Coruña. A obra destaca a relación que s eestablece entre o mar e a terra na Serra da Capelada da que vemos os seus cantís así como a imaxe dun gandeiro coas vacas, unha escaladora e a herba de namorar.

"La pintura sitúa al espectador delante del “punto exacto entre el mar y la tierra”, tal y como puede leerse en el mural, e invita a ser capaz de ver lo que es “mucho más que un paisaje”, un lugar que conjuga patrimonio, tradición, espiritualidad, historia y leyendas… La presencia del ganadero y la escaladora destaca los mundos distintos que conviven en este enclave y la gran variedad de actividades que dinamizan y dan identidad al territorio" (https://cedeira.gal/?lang=es)

                                       Mural situado xunto ao concello e o Pazo de Moscoso

Páxina web consultada:

https://castrosarridal.es/es_es/castro-sarridal/historia-do-castro-sarridal/

ENSEADA DO EMBALLO/FARO DE AVILÉS/PRAIA DE XAGÓ (GOZÓN-ASTURIAS)

Peña del Caballo

Nunca oira falar do concello de Gozón en Asturias. Está situado na marxe dereita da ría de Avilés que separa ámbolos dous concellos.

Alá nos fomos hoxe a facer unha ruta que vira na aplicación Wikiloc que me parecía fácil, curta e fermosa. Resultou ser as tres cousas, pero non poidemos desfrutala nin aprezar a súa beleza como nos gustaría, xa que estivo chuviscando todo o tempo.

Características da ruta:

Lonxitude: 9,3 km.

Dificultade: fácil aínda que ten un tramo dende o Faro polo sendeiro ao pé do mar que é moi estreito e está rodeado de toxos. Recomendable levar pantalón largo e calzado cerrado.

Ruta circular sen sinalizar

O track meu en WIKILOC

Descripción:

Partimos dende a Praia do Arañón de pedras e ao pé da ría. Non está permitido bañarse nela ao atoparse moi próxima á zona industrial, supoño que por posibles verquidos.

Ao pé da praia hai aparcadoiro para deixar o coche.

Praia do Arañón

 

Na foto seguinte se se vise ben estando o día despexado veriamos de frente a vila de Salinas.

O Faro de Avilés tamén chamado Faro de S. Juan está en Laviana, parroquia do concello de Gozón. É de 1863.

Faro de Avilés

Un sendeiro pegado ao mar lévanos vendo furnas e cantís:

La Covallonga é unha furna, unha canle pola o mar se mete. Dá arrepío achegarse moito á beira!!

La Covallonga

Cueva Caballos son uns tremendos cantís onde se observa a tremenda erosión que fai o mar aquí.

Cueva Caballos

Ese burato que vemos na seguinte foto é un bufón. 

"Un bufón o bufadero es un orificio vertical en una formación rocosa de un acantilado por el que se cuela el agua del mar cuando las olas baten con fuerza y hay pleamar, provocando la propulsión de un chorro que sale a presión por dicho orificio, como si de un géiser se tratase." 

A rochas desta zona son moi calizas e por eso erosionan con máis facilidade formando furnas e bufóns. Este está moi alto con resprecto ao mar e por eso é difícil que chegue a sair auga por el.

                                                                            Bufón

O carreiro está agora case pechado de toxos. É recomendable levar pantalón largo e calzado pechado.

O carreiro desemboca nuha pista.

Que nos leva á parte alta da aldea de Nieva

Pasamos xunto á pequena capela de S. Xuan de Nieva, fermosamente restaurada.

Estamos xa moi preto da praia de Xagó pero antes paramos a tomar algo no bar Xagó Surf Co un local diferente pola decoración e o ambiente. Había moitos surfistas e chamaran a nosa atención especialmente dúas rapazas que parecía estranxeiras e sentadas no chan en coxíns, estaban calcetando o que nos dixeron que ían ser unhas bolsas. A decoración formada por táboas de surf por todas partes, material reciclado para mesas, sillas, bancos...un local moi acolledor e onde se pode desfrutar de cervezas artesanais, zumes naturais, batidos...e tamén se pode comer.

Xagó Surf Co

Xa vemos a praia aínda que con dificultade. O día seguía a estar horroroso e as fotos non son as melllores.

A praia de Xagó é longa, moi aberta, especialmente adecuada para a práctica do surf e de feio vimos moitos surfistas.

Praia de Xagó

Percorremos toda a praia pola area e cerca da montaña que vemos na seguinte foto, demos a volta, pero agora polo camiño paralelo á praia. Hai letreiros que nos avisan de non pisar espazos dunares importantes.

Voltamos por un camiño de pedra e grava paralelo á praia.

Pasamos un paking onde vimos bastantes autocaravanas e coches de surfistas.

Nun punto determinado pillamos un camiño á dereita que nos achega máis ao mar.

As dunas non deixan ver a praia de Xagó.

No chiringuito Waikiki que vemos na foto seguinte paramos a xantar. O local é algo cutre, o comedor ten o chan de cemento e nótase que está acondcicionado "para pasar o verán" e nada máis. A pesares desto, a verdade é que comemos ben e sobre todo son moi abundantes as racións!!

Cando rematamos o xantar proseguimos a ruta. O día aclarexara algo.

Cruzamos a parte da aldea de Nieva que está pegada á ría:

Deseguida chegamos ao pé da ría.

Imos polo chamado "Paseo do Arañón" situado na marxe dereita da ría de Avilés.

Como xa escribín, Nieva pertence á parroquia de Laviana no concello de Gozón.

Pasamos pola "Peña del Caballo" unha rocha furada con diversas formas.

Esta beira da ría é bastante menos coñecida e concorrida que a outra beira que ten o porto deportivo, o Centro Neimeyer...pero nesta beira dereita podemos contemplar fermosas paisaxes naturais con praias e rochas, un lugar que está pretendendo recuperar o encanto perdido con motivo da industrialización desta zona.

Se non fose a néboa, veriamos en frente Salinas e a súa praia.

Este paseo marítimo é do máis tranquilo.

Paseo Marítimo del Arañón

A Fonte del Emballu atópase tamén neste paseo.

                                                          Fuente del Emballu

Esta é un lugar moi frecuentado por pescadores locais que pescan á caña.

Vimos tamén, xa a piques de rematar o noso percorrido, un cargueiro de gran tonelaxe entrando na ría axudado por dous remolcadores.