PRAIAS PALOMA- PENARRONDA (Tapia de Casariego)

Esta é a 2ª ruta costeira que realiza o noso grupo. Para eso transladámonos a Tapia de Casariego(Asturias) 

Oficialmente a ruta é a GR-204(E-9) pero nós non a seguimos xa que esta ruta oficial vai case toda polo interior, alonxada da costa e nos queriamos ir ao ladiño do mar. Por eso e como non tiñamos medo a perdernos xa que íamos dunha praia a outra procuramos ir pisando as praias sempre que fose posible, alonxándonos o menos posible da costa.

A ruta consistía en sair da Praia de A Paloma e ir ata de Penarronda

No mapa anterior, rodeadas. a praia de onde saimos(A Paloma) e á que chegamos(Penarronda)

Esta é a ubicación de PRAIA A PALOMA:

Lonxitude: 7,5km. aprox.

Dificultade: baixa

Ruta lineal.

Descripción da ruta:

Despois de deixar un coche na praia de Penarronda para non ter que ir e volver xa que a ruta é lineal, aparcamos o outro cerca da praia de A Paloma ( non chega a carretera á praia, hai que baixar uns 300 por unha pista de terra)

Chegamos a praia de A Paloma ou Esteiro que é tranquila, con illotes de forma caprichosa. Ten unha lonxitude duns 200m e a area é fina. É unha praia dunha gran beleza natural:

Tivemos que sair da praia e continuar agora por un camiño de terra e hai que xirar á dereita cara a esa árbore que se ve ao fondo:

Ao achegarnos de novo á costa vemos cantís e unha vila ao lonxe:

  Ao fondo, as illas Pantorgas:

Achegámonos á praia de Serantes. Ese sorriso significa:"que ben senta o sendeirismo"

E agora Praia de Santa Gadea. Á esquerda desta praia penetran no mar tres illotes que levan o nome de As Pantorgas. Esta praia queda practicamente cuberta na pleamar.Nós tivemos sorte e collemos a baixamar.

Chegamos a Penarronda! Esta praia está catalogada como Monumento Natural dende 2002; ten 600m de lonxitude e está enclavada nun entorno rural.

Pertence a dous concellos: Tapia de Casariego e Castropol

No medio do areal está a coñecida "Pedra Castelo".

É a única zona da costa asturiana onde sobrevive o alhelí de mar.

E nesta praia foi onde comemos nun entorno precioso!!!

O alhelí de mar, que  de toda a costa asturiana só vive aquí:

Un vídeo de youtube de locosporasturias Rural sobre a praia de Penarronda:

AUGAS DE FONMIÑÁ PR-G153

Esta ruta ubícase no concello de Pastoriza, na provincia de Lugo.

O traxecto desta ruta permítenos coñecer as características paisaxes da Terra Cha, o entorno natural das cristalinas augas do Miño e a área recreativa de A Riboira, en Baltar (pequena aldea pertencente á Pastoriza que no ano 2013 aínda non tiña 40 habitantes).

Loxitude: 12km.

Dificultade: fácil

Ruta lineal

Descripción da ruta:

Primeiro levamos un coche á área recreativa de Fonmiñá e voltamos para empezar a ruta en Baltar xa que é lineal:

Tamén se pode loxicamente empezar en Fonmiñá.
Para ver a ubicación exacta de onde partimos, pincha AQUÍ

Ao lado de prados e árbores:

Por grandes espacios abertos:

A Terra é Cha:

Vendo bastantes animais domésticos:

E fomos chegando a Fonmiñá:

O xantar foi en Meira e antes de comer aínda nos deu tempo de dar unha volta polo mercado:

LAGUNA DE LUCENZA A SEARA(QUIROGA) SERRA DO COUREL PR-G184

Esta é unha das rutas máis espectaculares do Courel que nos permite conxugar o atractivo da arquitectura tradicional de montaña na aldea da Seara con espectaculares paisaxes tamén de montaña, con fervenzas, panorámicas espectaculares e co desfrute dunha lagoa de orixe glaciar.

Foi a ruta ata o momento que máis dificultade supuxo para este grupo xa que aínda que a ruta é curta presenta unha dificil ascensión.
A ruta está situada no concello de Quiroga, situado ao sur da provincia de Lugo e formando parte da Serra do Courel ao norte e do Canón do Sil ao sur.

Situación de Quiroga nun mapa de Galicia:

Situación de A Seara, de onde parte a ruta:

Loxitude: 5,5km.

Dificultade: Media-alta

Ruta lineal ben sinalizada

Descripción da ruta:

Parte de A Seara, unha das aldeas máis representativas do Courel. Asentada no val do río Selmo co Pico Formigueiros como telón de fondo é unha aldea preciosa que conserva a arquitectura popular da montaña galega:estreitas rúas rodeadas de casas de pedra con teito de pizarra e balcóns de madeira.

Se queres máis información e moitas fotos desta aldea, pincha AQUÍ

Aquí estamos a punto de empezar a ruta:

A 200 m. cruzamos unha ponte de pedras:

Despois desviámonos á esquerda para chegar á fervenza do Fócaro:

O sendeiro ascende paralelo ao val do río Selmo pero algo lonxe do seu cauce. A 800 m. collemos un camiño á dereita que baixa ata o río e cruzamos o regato de Murelos por unha rústica ponte:

Un pouco máis adiante o camiño dá un xiro á esquerda e empeza unha forte subida:

Vemos ao fondo a fervenza Navarega:

Vemos xa moi ben Pico Formigueiros:

Paramos a descansar da forte subida:

E seguimos ascendendo:

  A vexetación propia da alta montaña, acompáñanos:

E chega a subida máis importante pero son poucos metros, estamos chegando:

O esforzo mereceu a pena: chegamos á Lagoa de Lucenza!!

Esta lagoa de orixe glaciar ten máis de 16.000 anos e cambia de estado segundo as estacións e as condicións climatolóxicas: no inverno aparece moitas veces xeada ou nevada, no verán sécase de todo e na primavera e outono o seu caudal tamén varía. 

Nós atopámola así:

Despois de descansar un pouco, toca desandar o camiño pero as baixadas lévanse mellor case sempre.  "Para baixar, tódolos santos axudan"

O xantar foi no restaurante "Las Vegas" en Quiroga.

 Un vídeo moi curtiño e bon que atopei en You Tube:

RUTA MORÁS- PORTOCELO (XOVE)

Esta ruta transcorre polo municipio de Xove na Mariña lucense e foi a 1ª ruta marítima que realizou o grupo. É unha ruta moi curta e sinxela na que camiñamos á beira do Cantábrico.

                                                  
                                                 Xove

A ruta sae do porto de Morás que nesa zona chaman "O Portiño". Aquí parece que o tempo se detivese pois este porto conserva o aspecto tradicional de sempre. Hai que saber que foi un importantísimo porto adicado á pesca da balea.

Rematamos en Portocelo, pequena aldea de Xove que ten un pequeno porto escondido e que semella sacado dunha postal.

Lonxitude: 5,5 km.

Dificultade: moi baixa 

Ruta lineal ben sinalizada

Ver en Wikiloc o track da ruta

Descripción da ruta:

Saimos do porto de Morás. Estes enormes bloques quedaron nese lugar cando se construiu a Factoría de Aluminio ALCOA (O porto queda ao outro lado da carretera)

Este é o "Portiño de Morás"

  

 Ao fondo, a fabrica de Aluminio:

Agora empezamos a ruta:

Contemplando a paisaxe:

Ao fondo, vemos de onde saimos:

O mar estaba bravo:

Contemplamos a illa de Sarón:

Chegámonos á beira do mar, desviándonos uns metros do sendeiro:

Aló ao fondo, vemos a punta de Faro Roncadoira:

A paisaxe vai cambiando:

Xa vemos Portocelo e outras aldeas  ao fondo:

Chegando xa a Portocelo:

Despois de facer esta rutiña comemos moi ben e moi económico no restaurante "A Fuga" en Xove.

PENA GUÍMARA (A FONSAGRADA) PR-G139

A Fonsagrada, ao noroeste da provincia de Lugo, é o municipio máis extenso de Galicia. O núcleo urbano está situado a 952m. sobre o nivel do mar.

Este municipio, declarado Reserva da Biosfera é dos lugares naturales máis privilexiados de Galicia e conta con tres espacios protexidos: Carballido, Río Eo e A Marronda. Nesta ruta desfrutaremos da fraga do Carballido.

A ruta  de Pena Guímara discorre por camiños e antiguas corredoiras, por sendeiros zigzagueantes no medio de fragas exuberantes, á beira do río ás veces e con elementos etnográficos e culturais ao longo do seu percorrido: muíños, corripas, aldeas abandonadas...

Lonxitude: 11km.

Dificultade: media

Ruta circular ben sinalizada

Descripción da ruta:

A ruta empeza en Vilardiaz (dende aquí sae tamén a ruta de Gallol e ámbalas dúas rutas coinciden durante os primeiros metros)

Vilardiaz é o punta máis elevado do percorrido. Dende aquí a ruta descende con vistas ao bosque de Carballido.

Imos descendendo cara ao río Veiga de Logares no medio da espesura da fraga:

Tras este descenso, chegamos á carretera:

Imos por carretera uns 300m. ata desviarnos á esquerda para meternos de novo na fraga, para nun zig zag en pronunciado descenso, chegar á beira do río Veiga de Logares:

Comenza entón unha alternania de subidas e baixadas seguindo o curso do río.

Algo máis adiante o río empeza a encaixonarse e para salvar este cañón empezamos a ganar altura e vemos o río aló embaixo.

Entre castaños centenarios, acivros, árbores de ribeira...continuamos o camiño:

As Fontes da Pinguela (pequenos saltos de auga do río):

E chegamos á aldea abandonada de Romeán, perdida na fraga e sen acceso por carretera:

Aquí separámonos definitivamente do río, ascendendo ao lado de prados:

Chegamos a San Martín de Robledo coa súa igrexa abandonada:

Seguimos pola fraga, subindo e baixando, vemos corripas, onde antiguamente se gardaban as castañas para protexelas dos animais:

Pasamos polas covas de Vilardiaz:

E chegamos ao punto de partida. Algo cansos, pero felices de ter desfrutado de tanta beleza!!!

En Fonsagrada, nevara aqueles días:

e deunos tempo a pasear polas rúas nevadas antes de degustar un bo cocido no restaurante Cantábrico.