ALGO SOBRE AS PONTES (A CORUÑA)

 O día que fixemos a ruta de sendeirismo Ribeiras do Bispo-Augas Caídas no concello de Mañón

Rutas de sendeirismo: RIBEIRAS DO BISPO - AUGAS CAÍDAS (MAÑÓN- A CORUÑA) PR-G 204

 sobrounos tempo pola tarde e de volta para a casa paramos nas Pontes.

Desta vila eu coñecía xa un pouco de cando fixemos unha ruta neste concello:

Rutas de sendeirismo: FERVENZAS DE BERMUI E SOMEDE (AS PONTES DE GARCÍA RODRIGUEZ)

A verdade é que aquí traio moi pouco xa que é moito o que esta vila e este concello ten que ofrecer como o casco vello, a área recreativa de O Caneiro, as distintas pontes que cruzan o Eume...etc  que non visitamos, pero só foi unha parada e non deu tempo a máis.

Chamounos moito a atención esta igrexa, tan diferente das que estamos acostumados a ver. Trátase da igrexa do Poboado das Veigas.

Contruída no S. XX(ano 1965) por orde de Luís Arias Martínez, presidente nesa época da empresa nacional "Calvo Sotelo", actúal ENDESA.

É de estilo modernista imitando ao Neoclásico con emprego de materiais nobres como a madeira, o mármore ou o granito.

Está dedicada á Nosa Señora da Luz

Igrexa do Poboado das Veigas

Igrexa do Poboado das Veigas

Pasamos por esta praciña:

E subimos por estas escaleiras que se atopan ao pé da Biblioteca Pública. Nelas hai este experimento creativo onde se mesturan a poesía e o graffiti. Chámase "Graffiti Literario" e é froito da colaboración das poetisas e poetas do grupo Alalá (agrupación literaria formada por varias persoas no 2003 e que teñen como fin escribir versos en L. galega) e o graffiteiro pontés Rubén Moledo.

Vemos a moderna Praza de Abastos:

E pegado á praza está o parque municipal. Este é un parque moi amplio cunha zona preciosa para os máis cativos:

Ten moitas árbores e flores:

O edificio amarelo do fondo, é a sede do concello:

Este precioso edificio pegado tamén ao parque, é un CEIP (centro de Educación de Infantil e Primaria) :

Nesta foto vemos un dos elementos máis coñecidos deste concello: a grande chimenea da industria térmica.

O parque da lembranza:

E por último, estivemos nun lugar que é o emblema de As Pontes: na súa lagoa artificial. Esta lagoa foi construída no sitio onde antes houbo unha mina de lignito a ceo aberto: a que surtía de carbón á Central Térmica. Cando esta mina se pechou (no 2007, despois de 37 anos de actividade)),  a empresa ENDESA que era a propietaria, pranteou á Xunta de Galicia un proxecto para recher ese oco con 547 millóns de m. cúbicos de auga procedente da chuvia e do río Eume. Este traballo rematou en 2012. A lagoa ten unha profundidade máxima de 206m e unha lonxitude de 5km. É unha das lagoas máis grandes de Europa. 

Este proxecto foi galardonado varias veces por distintos organismos polo seu compromiso para rexenerar esta zona creando un novo ecosistema onde habitan moitas especies animais e vexetais. Ademais a lagoa serve de centro de ocio e esparcemento sendo usada como praia e para practicar diversos deportes náuticos.

AS PONTES DE GARCÍA RODRIGUEZ

Cando realizamos a ruta das FERVENZAS E MUIÑOS DE BERMUI E DE SOMEDE e dado que son rutas moi curtiñas, aproveitamos tamén para coñecer a vila de As Pontes de García Rodríguez.

Sorprendeunos esta vila quen non coñecíamos, polo grande que é e polos rincóns tan fermosos que ten.

Pertence á comarca do Eume e é o municipio máis extenso da provincia de A Coruña.

Esta localidade foi coñecida sobre todo pola industria térmica que a converte nun núcleo importante en Galicia de producción industrial pero que na actualidade están anunciando o seu peche para o vindeiro ano.

Praza do Hospital

Unha rúa de As Pontes

CEIP Santa María

Mercado municipal

Precioso, grande e ben coidado parque

Enamorounos este parque

Rincóns fermosos do parque

Ao fondo, o concello

O emblema de As Pontes: a inmensa chimenea da súa fábrica

A lagoa artificial de As Pontes foi creada no lugar onde antes estaba a mina de carbón a ceo aberto que abastecía á Central Térmica. Ten unha dimensión de 5km. e unha profundidade máxima de 206m. Encheuse con auga do río Eume e das chuvias. É o lago artificial máis grande de Europa e é empregado para practicar deportes náuticos como vela, windsurf ou kayak. Nas súas inmediacións instalouse no 2017 a tirolina máis grande de Europa.

A lagoa ten tamén unha praia artificial que é unha das súas maiores atraccións.

Lagoa artificial

Fonte na Praza da Lembranza

Paseo ao redor da vila

Praza da Lembranza

Un paseo ao redor da vila

A lagoa ten unha gran riqueza biolóxica con flora e fauna autóctonas

A lagoa é un lugar de gran riqueza  vexetal e de fauna

Despois de pasear polas Pontes xantamos no bar restaurante "Fervenza de Somede". Tomamos o plato do día cun menú variado, abundante e ben cociñado por 10€ incluido o café. Está situado no centro da vila e ten un comedor pequeno, moi acolledor e moi limpo.

Despois de comer foi cando realizamos as visitas ás fervenzas.