CAMIÑO NATURAL DO CANTÁBRICO. RINLO (RIBADEO)-REINANTE(BARREIROS)

Este tramo de ruta corresponde oficialmente á 1ª etapa da ruta Camiño Natural do Cantábrico que nós dividimos en dúas. Xa fixemos Ribadeo-Rinlo e hoxe imos facer Rinlo-Reinante.

Iremos pegados á costa desfrutando de praias e cantís á beira do Cantábrico.

CARACTERÍSTICAS DA RUTA:

Lonxitude: 10km.

Dificultade: fácil

Ruta lineal perfectamente sinalizada

DESCRIPCIÓN:

Saimos do porto de Rinlo:

E atopamos as famosas cetáreas naturais. Son tres e foron das primeiras construídas en España. Aproveitando un canal natural que foi abrindo o mar e a erosión entre as rochas, construíronse uns muros de contención co fin de reter embalsada a auga. Criánronse nelas centolos, langostas e outros mariscos e funcionaron ata principios dos anos 90 do S. XX:

Primeiro camiñamos á beira do mar pegados a un valado de madeira:

E agora por un pequeno tramo de carretera:

E chegamos á praia dos Xuncos:

Na que descansamos un pouco, a pesares de que empezaramos a andar había pouco.

Parece que a xente xa tiña algo de fame

Seguimos camiñando á beira do mar:

Era agosto pero non vimos o sol

Achegámonos ás praias dos Castros e de Illas:

Praias de Os Castros e de Illas, que está pegadas:

Praia dos Castros:

Ensenada do Cadramón:

E seguimos pola beira do mar:

Chegamos a praia de Esteiro:

Praia de Esteiro

E xa moi preto, a archicoñecida praia de As Catedrais:

Praia de As Catedrais

E despois a de Arealonga, xa en Reinante onde deixáramos un coche.

Praia de Arealonga

Hoxe tiñamos pensado comer ao aire libre e como non atopamos un sitio xeitoso á beira desta praia, fomos buscar os outros coches a Rinlo e marchamos comer á área recreativa do Bispo Santo, en Foz:

CAMIÑO NATURAL DO CANTÁBRICO. RIBADEO-RINLO

O Camiño Natural da Ruta do Cantábrico é unha iniciativa que emprendeu no ano 1993 o Ministerio de Agricultura, Pesca , Alimentación e Medio Ambiente dentro do programa "Caminos Naturales", ao longo de toda España.

O Camiño Natural da Ruta do Cantábrico vai dende Ribadeo (Lugo) ata o porto de Ladrido(A Coruña) percorrendo máis de 150km. Está dividido oficialmente en 7 tramos ou etapas e a 1ª vai dende Ribadeo á praia das Catedrais. A nós parecianos un pouco largo e decidimos facer Ribadeo- Rinlo (uns 10km.)

O tramo percorre a liña da costa desfrutando de praias e cantís.

Fixemos esta ruta un domingo moi, moi desapacible do mes de febreiro de 2016.

CARACTERÍSTICAS

Lonxitude: 10 km.

Dificultade: baixa

Ruta lineal perfectamente sinalizada

DESCRIPCIÓN DA RUTA :

Partimos do porto deportivo de Ribadeo (Porcillán) e dende aquí podemos subir por unhas escaleiras ou ben pola rúa Calvo Sotelo. 

Porto deportivo de Ribadeo e Figueras e Castropol ao fondo

Hai que ir preparado. O día promete...

Vemos a Ponte dos Santos moi cerca e cruzarémola por debaixo

Estamos na estrada do faro:

Vemos estas formación rochosa que se chama Pena Furada.

Ímonos achegándonos ao  antiguo cargadoiro de mercancías , hoxe en día acondicionado como mirador. (Aquel día pouco se podía ver)

O cargadoiro ao fondo, hoxe dedicado á cultura do ocio. Antiguamente,  patrimonio da nosa desmantelada industria.

Aquí se cargaban entre  1200 e 2000 toneladas de mineral

Ao pouco atopamos o antiguo Forte de S Damián, contruído no S. XVII para protexer a entrada da ría de posibles ataques. Foi destruído polos ingleses no S. XVIII. Foi reconstruído 55 anos despois, pero a Guerra da Independencia a principios do S. XIX volveu convertilo en ruínas. O concello restaurouno e hoxe é unha sala de exposicións.

Imos agora cara a Illa Pancha que xa está moi cerca, contemplando a bravura do mar:

A Ponte dos Santos xa nos queda aló detrás

A bravura do Cantábrico

Xa vemos Illa Pancha ao fondo

E chegamos a Illa Pancha que alberga os dous faros de Ribadeo. O antiguo, de planta cuadrado e hoxe rehabilitado para o turismo e o que funciona como faro con franxas azuis e brancas:

Este faro está considerado como un dos máis fermosos de Galicia.

Hoxe este faro é un aloxamento turístico

Aínda que o día non pode estar peor, nós sempre sorrimos.

Continuamos 1 km. aprox. pola carretera LU-140 nun tramo compartido por vehículos e xiramos á dereita no primeiro cruce. (Está ben indicado) Continuamos por carretera un pouquiño máis e volvemos torcer á dereita deixando xa o tramo compartido para achegarnos ao mar:

Camiñando po LU-140, á esquerda vemos Ribadeo

Imos cara ao mar

Que está así de bravo:

E vemos a praia de Areosa:

Poucos m. despois de abandonar a praia, o camiño xira á dereita e voltamos a un tramo compartido duns 500m.

Voltamos á costa outra vez e vamos ao ladiño dun Cantábrico enfurecido:

As pistas son agora anchas:

Paramos a tomar o noso tentempié ao abrigo duns piñeiros:

Despois o camiño lévanos ao redor dunha furna:

E o ancho camiño convértese nun estreito sendeiro:

Hoxe o mar e o ceo amosan a súa peor cara:

E fomos chegando a Rinlo, vila de orixe medieval cunha gran tradición pesqueira e que conta cunha confraría de pescadores máis antigas de España. Foi un porto baleeiro e tiveron gran importancia as súas cetáreas, aínda que destas falaremos no seguinte tramo deste Camiño Natural: Rinlo- Reinante.

Porto de Rinlo

En Rinlo tiñamos un coche, fomos a Ribadeo buscar os outros e xantamos na Rochela no restaurante  "O lar de Carmiña", na estrada xeral 634, no km 61.